ທາງຈາກກາສີໄປ ຫຼວງພຣະບາງ ບໍ່ແລ້ວ

ການເປີດໃຊ້ ເສັ້ນທາງ ຈາກ ເມືອງກາສີ ລັດໄປຫາ ຫລວງພຣະບາງ ຖືກເລື່ອນ ອອກໄປອີກ.

ທາງການລາວ ເລື່ອນ​ເວ​ລາ ການກໍ່​ສ້າງ ຖ​ນົນ​ທາງ​ຕັດ ຈາກວຽງ​ຈັນ ໄປ​ຫາ ຫລວງ​ພ​ຣະ​ບາງ ອອກ​ໄປ ​ຕື່ມ​ອີກ 4 ເດືອນ ເນື່ອງ​ຈາກວ່າ ຂາດ​ແຄນ ວັດ​ຖຸ ພາຍ​ໃນ​ ປະ​ເທດ.

ທ່ານ ອິນ​ປົງ ສຸ​ຄະ​ວົງ, ຫົວ​ໜ້າ ໂຄງ​ກາ​ນ, ກ່າວ​ວ່າ ເສັ້ນ​ທາງ ຈາກ ເມືອງ​ກາ​ສີ ໃນ ​ແຂວງວຽງ​ຈັນ ໄປ​ຫາ ນະ​ຄອນ​ ຫລວງ​ພ​ຣະ​ບາງ ປັ​ຈ​ຈຸ​ບັນ ຄາດ​ວ່າ ຈະ​ເປີດ ໃນ​ເດືອນ ຕຸ​ລາ, ແທນ​ທີ່​ ຈະ​ເປີດ​ໃນ​ ເດືອນ​ ມິ​ຖຸ​ນາ. ​ການ​ເລື່ອນ ​ເວ​ລາ ດັ່ງ​ກ່າວ ​ຍ້ອ​ນ​ວ່າ ຂາດ​ແຄນ ຢາງ​ໝາກ​ຕ໋ອຍ ທີ່​ຈະ​ມາ​ລາດ​ ເສັ້ນ​ທາງນັ້ນ​.

ລາວ ໄດ້​ຈັດ ​ງົ​ປ​ມານ ເກືອບ​ເຖິງ 480 ພັນ​ ລ້ານ​ກີບ ສຳ​ລັບ ​ໂຄງ​ການ​ນີ້, ຊຶ່ງ​ອາດ​ຊ່ອຍ​ ຫລຸ​ດ​ຜ່ອນ ເວ​ລາ​ການ​ເດີນ​ທາງ ​ໄດ້​ເຖິງ ເຄິ່ງ​ນຶ່ງ ຣະ​ຫວ່າງ ວຽງ​ຈັນ ຫາ ຫລວງ​ພ​ຣ​ະ​ບາງ, ຊຶ່ງ​ເປັນ​ ສະ​ຖານ​ທີ່ ນັກ​ທ່ອງ​ທ່ຽວ ມັກ​ຈະ​ມາ ຢ້ຽມ​ຢາມ.

ລະ​ຍະ​ທາງ ເສັ້ນ​ທາງ ແຕ່​ກາ​ສີ ຫາ ຫລວງ​ພ​ຣະ​ບາງ ມີປະ​ມານ 300 ກິ​ໂລ​ແມັດ, ຊຶ່ງ​ໃຊ້​ເວ​ລາ ເດີນ​ທາງ​ ປະ​ມານ 4 ຊົ່ວ​ໂມງ. ຖ້າ​ຫາກວ່າ ເສັ້ນ​ທາງ​ໃໝ່ ສຳ​ເລັດ ຈະ​ມີ​ລະ​ຍະ ​ທາງ ພຽງ 79 ກິ​ໂລ​ແມັດ. ນີ້ ເປັນ​ການ ​ເລື່ອນ​ເວ​ລາ ເທື່ອ​ທີ 2 ແລ້ວ, ຊຶ່ງ​ເທື່ອ ​ທຳ​ອິດ ເລື່ອນ​ມາ​ຈາກ ເດືອນ​ ມົກ​ກະ​ຣາ ມາ​ເປັນ​ເດືອນ ​ມິ​ຖຸ​ນາ ແລະ ຈາກ ​ມິ​ຖຸ​ນາ ໄປ​ຫາ ເດືອນ​ຕຸ​ລາ.