ອຸ່ນແກ້ວ ຜູ້ດຳເນີນ ຣາຍການ ລົມເລື້ອງຂ່າວ ເປີດເຜີຍ ຄວາມຈິງ ກ່ຽວກັບ ວ່າ ເປັນຫຍັງ ຣາຍການ ວິທຍຸ ຂອງຕົນ ຈຶ່ງຖືກປິດ ຢູ່ ເມືອງລາວ ຫລືວ່າ ຍ້ອນ ການເຊີນ ເອົາຊາວບ້ານ ທີ່ໄດ້ຮັບ ຜົນກະທົບ ຈາກ ການສຳປະທານ ທີ່ດິນ ຢູ່ເມືອງ ປາກຊ່ອງ ມາຮ່ວມ ໃນຣາຍການ ຊຶ່ງ ກໍ່ໃຫ້ເກີດ ມີສຽງ ວິພາກ ວິຈານກັນ ຢ່າງ ກ້ວາງຂວາງ ວ່າມີ ເຈົ້າໜ້າທີ່ ຂັ້ນສູງ ມີສ່ວນ ພົວພັນ ກັບການ ໃຫ້ ສຳປະທານ ທີ່ດິນ ແກ່ ບໍຣິສັດ ຕ່າງ ປະເທດ.
ແລະ ນອກຈາກນັ້ນ ອຸ່ນແກ້ວ ກໍໄດ້ ອຸທິບາຍ ກ່ຽວກັບ ສາເຫດ ແລະ ເຫດຜົນ ໃນການ ຕັດສິນໃຈ ມາເຮັດວຽກ ຢູ່ວິທຍຸ ເອເຊັຍ ເສຣີ ກໍເພື່ອ ຕ້ອງການ ນຳສະເໜີ ຂໍ້ມູນ ຄວາມຈິງ ໃຫ້ຄົນລາວ ທັງໝົດ ໄດ້ຮັບຮູ້ ເຖິງຄວາມ ວຸ້ນວາຍ ທີ່ ເກີດຈາກ ການໃຊ້ ອໍານາດ ຕໍາແໜ່ງ ໜ້າທີ່ ເຈົ້າໜ້າທີ່ ພະນັກງານ ຂັ້ນສູງ ຂອງ ຣັຖບານ ຈົນບໍ່ ຄໍານຶງເຖິງ ປະເທດຊາດ ແລະ ປະຊາຊົນ ຜູ້ທຸກຍາກ ທີ່ກໍາລັງ ຮ້ອງຂໍ ຄວາມເປັນທັມ.