ຊື່ຄນະສູນກາງພັກຈະອອກ ມາແລ້ວ

ອະວາຣີ
2016-01-20
ອີແມວລ໌
ຄໍາເຫັນ
Share
ພິມ
ວຽດນາມຍິນດີນໍາ ກອງປະຊຸມໃຫຽ່ ຄັ້ງທີ່ 10 ຂອງພັກ ປະຊາຊົນ ປະຕິວັດລາວ (ຮູປນີ້ໄດ້ມາຈາກ Vietnam news Website)
ວຽດນາມຍິນດີນໍາ ກອງປະຊຸມໃຫຽ່ ຄັ້ງທີ່ 10 ຂອງພັກ ປະຊາຊົນ ປະຕິວັດລາວ (ຮູປນີ້ໄດ້ມາຈາກ Vietnam news Website)
Courtesy of Vietnam news

ກອງປະຊຸມໃຫຽ່ ຄັ້ງທີ 10 ຂອງພັກ ປະຊາຊົນ ປະຕິວັດລາວ ຈະເລືອກເອົາ ຄນະ ກັມມະການ ສູນກາງພັກ ໃນ ວັນທີ 21 ມົກກະຣາ ນີ້, ຈາກນັ້ນ ຈະມີການ ປະກາດ ຊື່ ເລຂາທິການໃຫຽ່ ໃນ ກອງປະຊຸມ ມື້ສຸດທ້າຍ. ເຈົ້າຫນ້າທີ່ ຫ້ອງວ່າການ ສູນກາງພັກ ກ່າວຕໍ່ ວິທຍຸ ເອເຊັຽ ເສຣີ ໃນວັນທີ 20 ມົກກະຣາ ນີ້ຕື່ມວ່າ:

“ຂະເຈົ້າເລືອກ ຄນະ ກັມມະການ ສູນກາງ ວັນທີ 21 ເນາະ, ຂະເຈົ້າເລືອກ ກັມມະການ ສູນກາງແລ້ວ ວັນທີ 22 ມື້ສຸດທ້າຍ ຫັ້ນ ກໍ ຈະປະກາດ ສຳຫຼັບ ເລຂາທິການ ໃຫຽ່”.

ເຈົ້າຫນ້າທີ່ ທ່ານນີ້ ກ່າວຕື່ມວ່າ ກອງປະຊຸມ ໃຫຽ່ ຂອງພັກ ໄດ້ຮັບຮອງເອົາ ຮ່າງກົດຣະບຽບ ຂອງພັກ ສະບັບ ປັບປຸງໃໝ່ ແລ້ວ ແຕ່ບໍ່ທັນ ເປີດເຜີຍ ຣາຍລະອຽດ. ຢ່າງໃດ ກໍຕາມ ທ່ານຄາດວ່າ ຈະບໍ່ມີການ ກຳນົດ ຂອບເຂດ ອາຍຸ ຂອງ ຜູ້ດຳຣົງ ຕຳແຫນ່ງ ທີ່ສຳຄັນ ສຳຄັນ ຂອງພັກ. ດັ່ງ ທ່ານກ່າວ ອີກຕອນນຶ່ງວ່າ:

“ອັນນີ້ ຂະເຈົ້າ ຈະບໍ່ໄດ້ ກຳນົດ ຜູ້ທີ່ມີ ຕຳແຫນ່ງສຳຄັນ ເພິ່ນບໍ່ໄດ້ ກຳນົດ ຢູ່ໃນນັ້ນເນາະ ແຕ່ວ່າຮ່າງ ກົດຣະບຽບ ຕົວນີ້ ກໍຜ່ານ ຄັ້ງສຸດທ້າຍ ແລ້ວ, ປັຈຈຸບັນ ເພິ່ນບໍ່ທັນ ແຈ້ງເທື່ອວ່າ ໄດ້ປັບປຸງ ບ່ອນໃດແດ ກໍຈະໄດ້ ຮູ້ໄວໆ ນີ້ລະ”.

ຜ່ານມາ ກົດຣະບຽບ ຂອງພັກ ປະຊາຊົນ ປະຕິວັດລາວ ກໍບໍ່ໄດ້ ກຳນົດ ຂອບເຂດ ອາຍຸ ຂອງຜູ້ດຳຣົງ ຕຳແຫນ່ງສູງ ເປັນຕົ້ນ ອາຍຸ ຂອງ ເລຂາທິການໃຫຽ່. ທ່ານ ຈູມມາລີ ໄຊຍະສອນ ເລຂາທິການ ໃຫຽ່ ແລະ ປະທານ ປະເທດ ຄົນ ປັຈຈຸບັນ ອາຍຸ 79 ປີ ດຳຣົງ ຕຳແຫນ່ງນີ້ ມາແລ້ວ 2 ສະໄຫມ ຈົນເຖິງ ປັດຈຸບັນ ຍັງບໍ່ມີໃຜ ຮູ້ແນ່ນອນ ວ່າ ທ່ານ ຍັງຈະດຳຣົງ ຕຳແຫນ່ງນີ້ ອີກສມັຍນຶ່ງ ຫລືບໍ່.

ຄໍາເຫັນ (3)
Share

ลาวในวๆงจัน

ຈາກ วๅงวๅงจัน

ลาวจ่งเปันตวเอง ขํใหคะนะผุ้นำทุกคนตํใปจ่งมีจีดใจเปันลาว และบํยุ่พายใต้กานคอบคุมของวๆดนาม พ้อมขํให้สา้งโรงรๆนโรงหํมตามชนละบดด้วย


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 29, 2016 12:15 PM

ຄ.ນະຄຳມ່ວນ

ຈາກ ທ່າແຂກ

ຊື່ຂອງຄນະສູນກາງ ອອກມາໃນຄັ້ງນີ້ນັ້ນ ກໍ່ຕາມຄວາມຕ້ອງ ການຂອງແກວແດງທຸກຢ່າງ, ສັ່ງໄປຊ້າຍກໍ່ຕ້ອງໄປຊ້າຍ, ສັ່ງໄປຂວາກໍ່ຕ້ອງໄປຂວາ, ພວກໄດງໍແງກໍ່ຕ້ອງອອກໄປ ຈາກເສັ້ນທາງ, ໂຫ່ງ່ຍເຈີຍເຈດ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 27, 2016 03:19 PM

ດາວກະຈາຍ

ຈາກ ທາດອີຮັງ

ບັນດາພວກສະຫາຍ ທີ່ມີຊື່ຕໍ່ລົງລຸ່ມນີ້ຄື: ຈູມມະລີ ໄຊຍະສອນ, ທອງສິງ ທຳມະວົງ,ອາຊາງ ລາວລີ ແລະ ສົມສະຫວາດ ເລັ່ງເຂົ້າວັດ, ຄືຈະໄປນອນເສັຍດາຍປຸ້ນ ປະຊາຊົນ ແລະຂາຍແຜ່ນດິນລາວ ບໍ່ທັນໄດ້ສົມໃຈ, ຕໍ່ໄປບັນຫາທີ່ກໍ່ໄວ້, ຈົ່ງຕຣຽມກາຍແລະໃຈ ໄປໃຊ້ແທນ ຢູ່ນາລົກອະເວຈີພຸ້ນເດີ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:13 AM

ເຕັມຫນ້າ