ທ.ບຸນຍັງວໍຣະຈິດອາຈໄດ້ ເລື່ອນຂັ້ນ

ສິດນີ
2016-01-20
ອີແມວລ໌
ຄໍາເຫັນ
Share
ພິມ
ທ່ານບຸນຍັງວໍຣະຈິດ ຮອງ ປະທານປະເທດລາວ ຕ້ອນຮັບ Lieutenant-General Ngo Xuan Lich and Vietnamese military political delegates (ຮູປຖ່າຍ Oct. 2011)
ທ່ານບຸນຍັງວໍຣະຈິດ ຮອງ ປະທານປະເທດລາວ ຕ້ອນຮັບ Lieutenant-General Ngo Xuan Lich and Vietnamese military political delegates (ຮູປຖ່າຍ Oct. 2011)
Citizen Journalist

ແຫລ່ງຂ່າວ ຈາກພາຍໃນ ກ່ຽວກັບ ກອງປະຊຸມ ໃຫຽ່ ຄັ້ງທີ 10 ຂອງພັກ ປະຊາຊົນ ປະຕິວັດລາວ ກ່າວຕໍ່ ເອເຊັຽ ເສຣີ ໃນຕອນແລງ ຂອງ ວັນທີ 20 ມົກກະຣາ 2016 ວ່າ ມີຜູ້ສມັກ ຮັບເລືອກຕັ້ງ ເປັນ ກັມມະການ ສູນກາງພັກ 77 ຄົນ ໃນນັ້ນຈະ ເລືອກເອົາ 69 ຄົນ ເປັນ ກັມມະການ ສູນກາງພັກ ສົມບູນ ແລະ ຈະມີ ກັມມະການ ສຳລອງອີກ 8 ຄົນ. ມີການ ຄາດກັນວ່າ ຜູ້ນຳໜ້າ 4 ຄົນ ໃນບັນຊີໃໝ່ ນັ້ນຈະມີ:

1-ທ່ານ ບຸນຍັງ ວໍຣະຈິດ ກັມມະການ ກົມການເມືອງ ສູນກາງພັກ, ຜູ້ປະຈຳການ ຄນະ ເລຂາທິການ ສູນກາງພັກ.

2- ຍານາງ ປານີ ຢາທໍ່ຕູ້ ກັມມະການ ກົມການເມືອງ ສູນກາງພັກ, ປະທານ ສະພາ ແຫ່ງຊາດ.

3- ທ່ານ ທອງລຸນ ສີສຸລິດ ກັມມະການ ກົມການເມືອງ ສູນກາງພັກ, ຣັຖມົນຕຣີ ກະຊວງ ການຕ່າງ ປະທສ

4- ທ່ານ ບຸນທອງ ຈິດມະນີ ກັມມະການ ກົມການເມືອງ ສູນກາງພັກ, ປະທານ ຄນະ ກັມມະການ ກວດກາ ພັກ-ຣັຖ ສູນກາງ.

ແຫລ່ງຂ່າວ ເວົ້າອີກວ່າ ກັມມະການ ກົມການເມືອງ ສູນກາງພັກ ຊຸດ ປັດຈຸບັນ ທີ່ມີ 10 ຄົນນັ້ນ ຈະຍັງເຫລືອ 6 ຄົນ ເພາະວ່າ 4 ຄົນ ຈະບໍ່ໄດ້ ເປັນຕໍ່ໄປ ຄື:

ທ່ານ ຈູມມາລີ ໄຊຍະສອນ,

ທ່ານ ທອງສິງ ທຳມະວົງ,

ທ່ານ ອາຊາງ ລາວລີ

ແລະ ທ່ານ ສົມສະຫວາດ ເລັ່ງສະຫວັດ

ຍ້ອນວ່າມີ ທ່າອ່ຽງໄປ ນິຍົມ ສປຈີນ ຫລາຍ. ພ້ອມກັນນັ້ນ ກໍມີການ ຄາດກັນວ່າ ທ່ານ ບຸນຍັງ ວໍຣະຈິດ ຈະໄດ້ເປັນ ເລຂາທິການ ໃຫຽ່ ຄນະ ບໍຣິຫານງານ ສູນກາງພັກ ແທນ ທ່ານ ຈູມມາລີ ໄຊຍະສອນ. ດັ່ງ ແຫລ່ງຂ່າວ ກ່າວວ່າ:

"ຄົງບໍ່ພົ້ນ ທ່ານ ບຸນຍັງ ເພາະວ່າ ເພີ່ນບໍ່ອ່ຽງໄປ ຈີນ ເພີ່ນອ່ຽງໄປ ວຽດນາມ ຫັ້ນນະ".

ນອກຈາກ ຕໍາແໜ່ງ ສາຍພັກແລ້ວ ສຳຫລັບ ການຈັດວາງ ຜູ້ທີ່ຈະມາ ເປັນນາຍົກ ຣັຖມົນຕຣີ ຄົນຕໍ່ໄປ ແທນ ທ່ານ ທອງສິງ ທຳມະວົງ ນັ້ນຄາດວ່າ ຈະແມ່ນ ທ່ານ ທອງລຸນ ສີສຸລິດ.

ການເລືອກຕັ້ງ ຜູ້ນໍາພັກ ປະຊາຊົນ ປະຕິວັດ ລາວ ທີ່ ຈະມີຂຶ້ນນີ້ ແມ່ນວັນທີ 21 ມົກກະຣາ 2016 ແລະ ຈະປະກາດ ຜົລຂອງການ ເລືອກຕັ້ງ ໃນ ວັນທີ 22 ມົກກະຣາ ຂນະທີ່ ຍັງມີການ ຖົກຖຽງກັນ ຢູ່ໃນ ກອງປະຊຸມ ກ່ຽວກັບ ການເລືອກ ຕົວບຸກຄົນ ທີ່ຈະຂຶ້ນ ຮັບຕຳແໜ່ງ ຜູ້ປະຈຳການ ຄນະ ເລຂາທິການ ສູນກາງພັກ ແລະ ນາຍົກ ຣັຖມົນຕຣີ ຣະຫວ່າງ ທ່ານ ທອງລຸນ ສີສຸລິດ ແລະ ທ່ານ ບຸນທອງ ຈິດມະນີ.

ຄໍາເຫັນ (8)
Share

ສິງກະໂປ

ຈາກ ທ່າແຂກ

ທີໄຜທີມັນ ຕໍ່ໄປພວກລູກກຳພ້າ ບໍ່ມີພໍ່ກໍ່ຈະຖືກປັດເຂັ່ຍ ໄປຕາມໆກັນຢ່າງແນ່ນອນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:12 AM

ຕາມໃຈ

ຈາກ ຕາມໃຈ

78 ປີ ແລ້ວຍັງຫວງກ້າງຢູ່ນໍ ! ນີ້ຄືຫລັກຖານອັນແທ້ຈິງ ທີ່ວ່າຜູ້ນຳລາວ ເປັນພຽງຫຸ່ນໃຫ້ແກວ ເຖົ້າເກີນກະສຽນ ບໍ່ຮູ້ວ່າ ສະຫມອງສ່ວນໃດ ຍັງທຳງານໄດ້ ?
Same old same old with same old craps...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:12 AM

LAONOR

PEOPLE ARE THAT PICTURE ARE THE BANDITS KHOU HIT PASASOUN


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2016 11:55 AM

Lao

ຈາກ V/T

After choumaly and still have bounyang again? when they're going to finish the old Dump?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2016 11:54 AM

ສາລີ

ຈາກ ແກ້ວອຸດົມ

ທັງຄະນະພັກ ແລະຄະນະ ບໍລີຫັນ ມີຄວາມພາບພູມໃຈ ທີທ່ານ ບູນຍັງວໍລະຈິດ ໄດ້ຂື້ນແທນ ເປັນປະທານ ປະເທດ ເຫັນວ່າຈີນແຜ່ນດີນໃຫຍ່ ຈະບໍ່ມີອິຕິຜົນຢູ່ ສປປລາວ ແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2016 11:53 AM

ເບິ່ງຄວາມເຫັນທັງໝົດ.

ເຕັມຫນ້າ