ປະຊຸມເຈົ້າໜ້າທີ່ອາວຸໂສ ແມ່ນໍ້າຂອງ

ສົມເນ
2016-07-23
ອີແມວລ໌
ຄໍາເຫັນ
Share
ພິມ
ເຈົ້າໜ້າທີ່ ອາວຸໂສ ຂອງ ຂອບການຮ່ວມມື ແມ່ນໍ້າຂອງ ແລະ ຄູ່ຮ່ວມພັທນາ
ເຈົ້າໜ້າທີ່ ອາວຸໂສ ຂອງ ຂອບການຮ່ວມມື ແມ່ນໍ້າຂອງ ແລະ ຄູ່ຮ່ວມພັທນາ
RFA

ກອງປະຊຸມ ເຈົ້າໜ້າທີ່ ອາວຸໂສ 4 ຂອບ ການຮ່ວມມື ແມ່ນໍ້າຂອງ ທີ່ມີຂຶ້ນ ໃນວັນທີ 23 ກໍຣະກະດາ ທີ່ ຫໍປະຊຸມ ແຫ່ງຊາຕ ນະຄອນຫລວງ ວຽງຈັນ ໄດ້ທົບທວນ ຄວາມຄືບໜ້າ ຂອງ ການຈັດຕັ້ງ ປະຕິບັດ ວຽກງານ ໃນ ຕລອດລະຍະ 1 ປີ ຜ່ານມາ ໂດຍສະເພາະ ການຜັນຂະຫຍາຍ ບັນດາ ແຜນ ປະຕິບັດ ແລະ ຖແລງການ ຂອງ ກອງປະຊຸມ ຣັຖມົນຕຣີ ຕ່າງປະເທດ ຄັ້ງຜ່ານ ມາ ທີ່ ໄດ້ຮັບຮອງເອົາ ໃນປີ 2015 ແລະ ປຶກສາຫາລື ທິດທາງ ການຮ່ວມມື ໃນ ຕໍ່ໜ້າ.

ອີງຕາມໃຈຄວາມ ຂອງບົດອອກຂ່າວ ກອງປະຊຸມ 4 ຂອບ ການຮ່ວມມື ແມ່ນໍ້າຂອງ ມີຄື:

ຂອບ ການຮ່ວມມື ແມ່ນໍ້າຂອງ ກັບ ຍີ່ປຸ່ນ,

ຂອບ ການຮ່ວມມື ແມ່ນໍ້າຂອງ ກັບ ເກົາຫລີໃຕ້,

ຂອບ ການຮ່ວມມື ແມ່ນໍ້າຂອງ ກັບ ແມ່ນໍ້າຄົງຄາ,

ແລະ ຂອບ ການຮ່ວມມື ແມ່ນໍ້າຂອງ ຕອນລຸ່ມ ກັບ ສະຫະຣັຖ ອະເມຣິກາ.

ກອງປະຊຸມ ດັ່ງກ່າວ ຍັງເປັນ ການກະຕຣຽມ ຄວາມພ້ອມ ດ້ານເນື້ອໃນ ໃຫ້ແກ່ ກອງປະຊຸມ ຣັຖມົນຕຣີ ຕ່າງປະເທດ ທັງ 4  ຂອບ ການຮ່ວມມື ຄື:

ກອງປະຊຸມ ຣັຖມົນຕຣີ ຕ່າງປະເທດ ຂອບ ການຮ່ວມມື ແມ່ນໍ້າຂອງ ກັບ ເກົາຫລີໃຕ້ ຄັ້ງທີ່ 6 ແລະ ການຮ່ວມມື ແມ່ນໍ້າຂອງ ກັບ ແມ່ນໍ້າຄົງຄາ ຄັ້ງທີ່ 7 ທີ່ຈະມີຂຶ້ນ ໃນ ວັນທີ 24 ກໍຣະກະດາ ນີ້. ແລະ ກອງປະຊຸມ ຣັຖມົນຕຣີ ຕ່າງປະເທດ ຂອບ ການຮ່ວມມື ແມ່ນໍາຂອງ ກັບ ຍີ່ປຸ່ນ ຄັ້ງທີື 9 ແລະ ກອງປະຊຸມ ຂອບ ການຮ່ວມມື ແມ່ນໍ້າຂອງ ຕອນລຸ່ມ ກັບ ສະຫະຣັຖ ອະເມຣິກາ ຄັ້ງທີ 9 ທີ່ ຈະມີຂຶ້ນ ໃນວັນທີ 25 ກໍຣະກະດາ ນີ້.

ກອງປະຊຸມ ດັ່ງກ່າວ ແມ່ນນອນຢູ່ ໃນວາຣະ ກອງປະຊຸມ ຣັຖມົນຕຣີ ຕ່າງປະເທດ ອາຊຽນ ຄັ້ງທີ່ 49 ຊຶ່ງ ໄດ້ເລີ້ມ ມາແຕ່ ວັນທີ 21 ກໍຣະກະດາ. ເຈົ້າໜ້າທີ່ ອາວຸໂສ ທີ່ ເຂົ້າຮ່ວມ ກອງປະຊຸມ ນີ້ແມ່ນໄປຈາກ ສປປ ລາວ, ກໍາພູເຈັຽ, ມຽນມ້າ, ໄທ, ວຽດນາມ ແລະ ຈາກບັນດາ ປະເທດ ຄູ່ຮ່ວມ ພັທນາ ຄຶ ຍີ່ປຸ່ນ ເກົາຫລີໃຕ້ ອິນເດັຽ ແລະ ສະຫະຣັຖ ອະເມຣິກາ.

ສົມເນ RFA ຣາຍງານຂ່າວຈາກ ນະຄອນຫລວງ ວຽງຈັນ

ຄໍາເຫັນ (1)
Share

ຄ.ນະຄຳມ່ວນ

ຈາກ ທ່າແຂກ

ຄວາມຮັກຄວາມເມຕຕາແມ່ນບໍ່ມີຂອບເຂດຢຸດຢັ້ງໄດໆທັງນັ້ນ, ການສ້າງຄວາມດີແມ່ນບໍ່ມີສິດທິບັດແທນໄດ້, ການມາລວມກັນ ສ້າງຄວາມດີດ້ວຍການມີ ແລະໃຫ້ຄວາມຮັກກັບຕົນເອງ, ຜູ້ອື່ນ ຕລອດເຖິງສັພພະສິ່ງທັງປວງ, ໂດຍສະເພາະແມ່ນ ນ້ຳຊຶ້ງເປັນ ສາຍທານແຫ່ງຊີວິດ ຂອງມະນູຕແລະສັຕເດລະສານແລ້ວ ແມ່ນປະເສີດເຫລືອຄະນານັບ, ຂໍສະນັບສະຫນູນເປັນພິເສດ ມາພ້ອມນີ້ດ້ວຍ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 26, 2016 04:47 PM

ເຕັມຫນ້າ