ເຍົາວະຊົນໄທຈັດງານລຳລຶກ ທ. ສົມບັດ

ອຸ່ນແກ້ວ ສຸກສະຫວັນ
2014.12.16
F-Sombat ກຸ່ມ ເຍົາວະຊົນ ໄທ ຈັດງານ ລຳລຶກ ການລັກພາຕົວ ທ່ານ ສົມບັດ ຄົບຮອດ 2 ປີ
RFA

 

ໃນວັນທີ 14 ທັນວາ ທີ່ ຜ່ານມາ ກຸ່ມ ເຍົາວະຊົນ ໄທ ໄດ້ຈັດ ກິຈກັມ ມີຊື່ວ່າ “ຖ້າໂລກນີ້ ບໍ່ມີການ ອູ້ມຫາຍ” ຢູ່ ບໍຣິເວນ ທ່າສະເດັດ ແຂວງ ໜອງຄາຍ ປະເທດໄທ ເພື່ອລຳລຶກ ເຫດການ ທີ່ ທ່ານ ສົມບັດ ສົມພອນ ນັກພັທນາ ອາວຸໂສ ດີເດັ່ນ ຂອງລາວ ຖືກ ລັກພາຕົວ. ຕົວແທນ ເຍົາວະຊົນ ເປີດເຜີຍ ວ່າ:

"ມັນຄືກັນ ກັບເຂົາ ບໍ່ເຫັນໃນ ຄວາມເປັນຄົນ ຂອງເຮົາ ທີ່ວ່າ ເຂົາ ຢາກເຮັດຫຍັງ ເຂົາກະເຮັດ ເຂົາຢາກເອົາ ຜູ້ໃດໄປ ເຂົາ ກະເອົາໄປ ຊຶ່ງມັນເປັນ ສິ່ງທີ່ ບໍ່ ຖືກຕ້ອງ ເຂົາ ບໍ່ມີສິດ ເຮັດກັບ ເຮົາ ແນວນັ້ນ ເຮົາ ກໍເປັນຄົນ ຄືເຂົາ ເຮົາກໍມີ ສິດ ທີ່ຈະເວົ້າ ເຮົາກໍມີ ສິດ ທີ່ຈະ ສະແດງ ຄວາມຄິດເຫັນ ເຂົາບໍ່ມີ ສິດ ທີ່ຈະເຮັດ ກັບເຮົາ. ທີ່ ມາຈັດ ກິຈກັມ ນີ້ ກໍຄືວ່າ ຖ້າ ເປັນແນວ ນີ້ ມັນ ກໍຢູ່ດ້ວຍ ຄວາມ ຫວາດລະແວງ ຄືເຮົາ ເຮັດຫຍັງ ບໍ່ໄດ້ ກໍເລີຍ ຢາກໃຫ້ ທຸກຄົນຮູ້ ວ່າ ການແບບ ບັງຄັບ ບຸກຄົນ ໃຫ້ ສູນຫາຍ ມັນມີແບບນີ້ ເກີດຂຶ້ນ".

ກິຈກັມ ດັ່ງກ່າວ ດຳເນີນໄປ ເປັນເວລາ 2 ມື້ ວັນທີ 13-14 ທັນວາ ຊຶ່ງ ບັນດາ ເຍົາວະຊົນ ເຫລົ່ານັ້ນ ໄດ້ເຮັດ ກິຈກັມ ຢູ່ ແຂວງ ໜອງຄາຍ ກັບ ຄອບຄົວ ທ່ານ ສົມບັດ ສົມພອນ. ໃນເວລາ ດຽວກັນ ຕ່າງໜ້າ ຄອບຄົວ ຂອງ ທ່ານ ສົມບັດ ກໍ ກ່າວວ່າ: ພວກເຂົາ ຈະຊອກຫາ ທ່ານ ສົມບັດ ຕໍ່ໄປ ເຖີງວ່າ ເຫດການ ຈະຜ່ານໄປ ແຕ່ ພວກເຂົາ ກໍຍັງ ບໍ່ສິ້ນຫວັງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.