ຄົນງານລາວຮຽກຮ້ອງ ໃຫ້ເຊົາ ສ້າງເຂື່ອນ

ໄຊຍາ
2018-08-10
ອີແມວລ໌
ຄໍາເຫັນ
Share
ພິມ
ກຸ່ມຄົນງານລາວ ໃນປະເທດໄທ ທີ່ໄປຍື່ນໜັງສື ຢູ່ ສະຖານທູດລາວ ເພື່ອຮຽກຮ້ອງໃຫ້ ຣັຖບານລາວ ເລີກລົ້ມໂຄງການ ສ້າງເຂື່ອນໄຟຟ້າ
ກຸ່ມຄົນງານລາວ ໃນປະເທດໄທ ທີ່ໄປຍື່ນໜັງສື ຢູ່ ສະຖານທູດລາວ ເພື່ອຮຽກຮ້ອງໃຫ້ ຣັຖບານລາວ ເລີກລົ້ມໂຄງການ ສ້າງເຂື່ອນໄຟຟ້າ
RFA/AS

ໃນຕອນເຊົ້າຂອງມື້ນີິ້ຕາງໜ້າກຸ່ມແຮງງານລາວໃນໄທ ຍື່ນໜັງສື ຕໍ່ສະຖານທູດລາວ ປະຈຳປະເທດໄທ ເນື່ອງຈາກ ມີຫລາຍພື້ນທີ່ ໃນລາວ ຖືກນໍ້າຖ້ວມໜັກ ໂດຍສະເພາະກໍຣະນີ ສັນເຂື່ອນໄຟຟ້າ ເຊປຽນ-ເຊນໍ້ານ້ອຍ ແຕກ ເປັນເຫດໃຫ້ ປະຣິມານນໍ້າ ອັນມະຫາສານ ໄຫລເຂົ້າ ຖ້ວມບ້ານເຮືອນ ຂອງປະຊາຊົນ 13 ບ້ານ ຢູ່ເມືອງສະໜາມໄຊ ແຂວງອັດຕະປື ເສັຍຫາຍຢ່າງໜັກໜ່ວງ ຈົນບໍ່ມີບ່ອນຢູ່ອາສັຍ. ຄືດັ່ງ ຜູ້ຕາງໜ້າກຸ່ມແຮງງານລາວ ໃນປະເທດໄທ ກ່າວຕໍ່ວິທຍຸເອເຊັຍເສຣີ ໃນມື້ວັນທີ 10 ສິງຫາ ນີ້ວ່າ:

"ມື້ນີ້ພວກຂ້າພະເຈົ້າໃນນາມຕົວແທນຂອງຄົນລາວເນາະທັງປະເທດ ພວກເຮົາກໍ່ໄດ້ອອກມາຂຽນໜັງສື ຮຽກຮ້ອງເຖິງ ນາຍົກຣັຖມົນຕຣີລາວ ພວກຂ້າພະເຈົ້າກໍ່ໄດ້ ມີຄວາມຄິດເຫັນວ່າ ພວກເຮົາຄວນຍື່ນເຖິງ ນາຍົກຣັຖມົນຕຣີລາວ ໃຫ້ມີການຢຸດການ ສ້າງເຂື່ອນທີ່ກຳລັງສ້າງ ຫຼືວ່າ ສ້າງເກືອບແລ້ວເນາະ ໃຫ້ມີການຍຸຕິທຸກສີ່ງທຸກຢ່າງ ແລ້ວກໍ່ຮຽກຮ້ອງໄປຍັງ ນາຍົກຣັຖມົນຕຣີ ໃຫ້ມີການຮັບຜິດຊອບ ເຣື່ອງເຂື່ອນແຕກ ກັບປະຊາຊົນເນາະ ໂດຍບໍ່ມີເງື່ອນໃຂທັງສິ້ນ."

ສຳລັບຣາຍລະອຽດທີ່ສຳຄັນ ໃນໜັງສືສະບັບດັ່ງກ່າວ ຊຶ່ງກຸ່ມແຮງງານລາວໃນໄທ ຍື່ນສເນີຕໍ່ສະຖານທູດລາວ ປະຈຳ ປະເທດໄທນັ້ນມີຂໍ້ ຮຽກຮ້ອງດັ່ງນີ້:

1. ໃຫ້ ນາຍົກຣັຖມົນຕຣີຂອງລາວ ໂດຍ ທ່ານ ທອງລຸນ ສີສຸລິດ ຮັບຜິດຊອບເຣື່ອງເຂື່ອນແຕກ.

2. ໃຫ້ເຈົ້າແຂວງອັດຕະປື ຮັບຜິດຊອບ ໂດຍການລາອອກຈາກຕຳແໜ່ງທັນທີ.

3. ໃຫ້ສື່ມວນຊົນຕ່າງປະເທດ ຫລື ອົງການສິດທິມະນຸດ ເຂົ້າໄປກວດສອບສວນ ຄວາມເສັຍຫາຍທີ່ເກີດຂື້ນ

4. ໃຫ້ຣັຖບານລາວ ຮັບຜິດຊອບຄວາມເສັຍຫາຍ ທີ່ເກີດຂຶ້ນກັບ ປະຊາຊົນທັງໝົດ

5. ໃຫ້ຣັຖບານລາວ ເປີດເຜີຍຂໍ້ມູນການສ້າງເຂື່ອນ ທັງໝົດໃຫ້ໂປ່ງໃສ

6. ໃຫ້ຣັຖບານລາວຍຸຕິການສ້າງເຂື່ອນຕ່າງໆ ທີ່ກຳລັງຈະເກີດຂຶ້ນ.

ຕາງໜ້າໃຫ້ກຸ່ມແຮງງານລາວ ໃນໄທກ່າວຕື່ມອີກວ່າ ສາເຫດທີ່ຕ້ອງອອກມາຍື່ນໜັງສືໃນຄັ້ງນີ້ ຍ້ອນເຫັນວ່າປະຊາຊົນ ເມືອງສະໜາມໄຊ ຈຳນວນຫລາຍພັນຄອບຄົວ ຖືກຜົລກະທົບ ຢ່າງໜັກໜ່ວງ ບໍ່ມີບໍ່ຢູ່ອາສັຍຖາວອນ ບໍ່ມີພື້ນທີ່ທຳມາຫາກິິນ. ຊຶ່ງຖືວ່າເປັນເຫດການ ທີ່ ຮ້າຍແຮງ ໂດຍທີ່ປະຊາຊົນບໍ່ເຄີຍຄິດມາກ່ອນ ແລະ ມີຄວາມເປັນຫ່ວງປະຊາຊົນ ທີ່ຖືກຜົລກະທົບຢ່າງສຸດໃຈ ຈຶ່ງອອກມາເຮັດໜັງສື ຮຽກຮ້ອງ ຕໍ່ຣັຖບານລາວໃຫ້ຮັບຜິດຊອບ ທຸກສິ່ງຢ່າງ ໂດຍບໍ່ມີເງື່ອນໄຂໃດໆ.

ຄໍາເຫັນ (5)
Share

ໝູ່ຂ້ອຍກໍເປັນເຈົ້າຂອງປະເທດຄືກັນ

ຈາກ ສະຫັວນນະເຂດ

ເຖິງພັກ ແລະຣັຖບານລາວ
ຂ້າພະເຈົ້າກໍ ເປັນຄົນງານລາວຄົນນຶ່ງ ໃນຈໍານວນຄົນງານລາວຫລາຍແສນຄົນ ທີ່ເຮັດວຽກຢູ່ປະເທດໄທ. ນອກຈາກເຮັດວຽກເພື່ອລ້ຽງອາຊີບຕົນເອງແລ້ວ ຍັງເປັນແຮງປະກອບສວ່ນ ຕໍ່ເສດຖະກິດຂອງລາວໃນທາງກົງ ແລະທາງອອ້ມອີກດ້ວຍ. ຂ້າພະເຈົ້າຫວັງວ່າ ພວກທ່ານ ຈະບໍ່ຕັ້ງຂໍ້ຫາຈັບຄົນງານລາວ ຈໍານວນທີ່ມາສແດງຄວາມເຫັນຕໍ່ຣັຖບານ ຢູ່ຕໍ່ໜ້າສະຖານທູດລາວ ໃນເທື່ອນີ້ ເໝື້ອນກັບພວກທ່ານໄດ້ຈັບຄົນງານລາວ 3 ຄົນທີ່ມາສແດງຄວາມຄິດ ຄວາມເປັນຫ່ວງຕໍ່ ການປະຕິບັດງານຂອງຣັຖບານ ໃນລະຍະຜ່ານມາ. ພວກທ່ານຮູ້ຈັກຢູ່ແລ້ວວ່າ ການຕັ້ງຂໍ້ຫາແລະຈັບຄົນລາວ 3 ຄົນໃນລະຍະຜ່ານມາ ເປັນການລະເມີດອັນຮ້າຍແຮງ ຕໍ່ສິດທິມະນຸດຊົນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2018 07:57 AM

ຈັນ​ເພງ

ຈາກ ສະ​ໜາມ​ໄຊ

​ຍ້ອນ​ຄວາມ​ຂາດ​ງົບ​ປະ​ມານ​ແຜ່ນ​ດີນ​ ພັກ​ລັດ​ບໍ່​ມີ​ປັນ​ຍາ​ແນວ​ອື່ນ ​ທີ່​ຈະ​ຊອກ​ເງີນ​ມາ​ພັດ​ທະ​ນາ​ປະ​ເທດ ​ແລະ​ເປັນ​ເງີນ​ເດືອນ ​ໃຫ້​ທະ​ຫານ​ຕຳ​ລວດ​ແລະ​ພະ​ນັກ​ງານທຸກ​ພະ​ແນກ​ ສນັ້ນ​ທັງ​ລັດ​ຈື່ງ​ໄດ້​ສ້າງ​ເຂືຶອນ​ ໃຫ້​ຫລາຍ​ເທົ່າ​ທີ່​ຈະ​ສ້າງ​ໄດ້​ໂດ ບໍ່​ເອົາ​ຫົວ​ຊາ​ວ່າ ​ປ​ຊ​ຊ​ຈະ​ມິ​ທີ່​ທຳ​ມາ​ຫາ​ກີນ ​ແລະ​ມີ​ອັນ​ຕະ​ລັຽ​ຕໍ່​ຊີ​ວິດ​ຂອງ​ປ​ຊ​ຊ. ເຖີງ​ເວ​ລາ​ແລ້ວ​ທີ່​ຄົນ​ໃນ​ຊາ​ຕ ​ຕ້ອງ​ລຸກ​ຂື້ນ​ມາ​ຕໍ່​ສູ້ ​ເພື່ອ​ໃຫ້​ລັດ​ຢຸດ​ສ້າງ​ເຂື່ອນ ​ແລະ​ສີ່ງ​ທີ່​ເປັນ​ພັຍ ​ຕໍ່​ການ​ທຳ​ມາ​ຫາ​ກີນ​ແລະ​ຊີ​ວິດ​ຂອງ​ປ​ຊ​ຊ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2018 07:55 AM

ຄຳແສງ

ຈາກ ອັດຕະປື

ຖືກຕ້ອງແລ້ວ ການຮຽກຮ້ອງ ຂອງພວກ ແຮງງານລາວໃນປະເທດໄທ, ເຫັນຢ່າງແນ່ນອນວ່າປະເທດໄທ ຈະຕ້ອງໄດ້ຊ່ວຍສປປລາວບັນເທົາທູກ ເປັນເງີນ ເກົ້າຮ້ອຍລ້ານບາດ. ສປປລາວຄວນຢຸດຕິແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2018 07:53 AM

(

Congratulations but watch out.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2018 07:53 AM

(

Following the proposals made by Lao workers in Thailand...last but not least that Laos become a democratic country without dictatorship, without communism, without leninism and with full democracy. Laos must be made by Lao people and for Lao people.Once and for all no more threat on Lao people' lives inside the country and outside the country. Only then Lao people can join hands to rebuild a better country with a better life and with brighter expectations. I don't think Lao commie party-state would ever change because its final aim is still and always communism.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 13, 2018 07:52 AM

ເບິ່ງຄວາມເຫັນທັງໝົດ.

ເຕັມຫນ້າ