ຄວາມວູ້ນວາຍດ້ານການເມືອງ ຢູ່ໄທ


2013-12-22
Share
F-Thai-protest ການປະທ້ວງ ຂອງມະຫາຊົນໄທ ທີ່ບາງກອກ ແລະກໍາລັງແພ່ຂຍາຍ ໄປສູ່ຫລາຍໆເຂດ ໃນຕ່າງແຂວງ
RFA

 

ວິກິຕການດ້ານການເມືອງຢູ່ໄທສົ່ງຜົນກະທົບຕໍ່ໂຄງການສ້າງທາງຣົດໄຟຄວາມໄວສູງຢູ່ລາວເພາະທາງການຈີນຢາກລໍຖ້າເຈຣະຈາກັບຣັຖບານ ໃໝ່ຂອງໄທ. ປັດຈຸບັນຣັຖບານລາວກຳລັງເຈຣະຈາຢ່າງຂຸ້ນຂ້ຽວກັບຣັຖບານຈີນ ເພື່ອຢືມເງິນຈຳນວນ 7 ຕື້ດອນລ່າສະຫະຣັຖ ເພື່ອສ້າງທາງ ຣົດໄຟ ຄວາມໄວສູງ ຈາກນະຄອນຫຼວງ ວຽງຈັນ ຂຶ້ນໄປຫາຊາຍແດນຈີນ.

ຈີນເຈຣະຈາກັບລາວກໍເພາະເຂົ້າໃຈວ່າທາງຝ່າຍໄທ ຈະສ້າງທາງຣົດໄຟຄວາມໄວສູງຕໍ່ກັບທາງຣົດໄຟຂອງລາວ ຫລືຈາກໜອງຄາຍລົງໄປຫາ ບາງກອກ. ແຕ່ເນື່ອງຈາກນາຍົກຣັຖມົນຕຣີໄທໄດ້ປະກາດຍຸບສະພາ ແລະປະກາດ ເລືອກຕັ້ງໃໝ່ ໃນເດືອນກຸມພາປີໜ້າ ໂຄງການນັ້ນ ຂອງ ໄທ ກໍອາດຈະບໍ່ແນ່ນອນເພື່ອແນ່ໃຈ ຈີນຈຳເປັນຕ້ອງລໍຖ້າເຈຣະຈາກັບຣັຖບານໃໝ່ຂອງໄທ. ທ່ານ ຊັດຊາດສິດທິພັນ ຮັກສາການຣັຖມົນຕຣີ ວ່າການກະຊວງຄົມມະນາຄົມ ຂອງໄທ ກ່າວກ່ຽວກັບ ເຣື່ອງນີ້ຕື່ມວ່າ:

“ໂຕເມັດເງິນທີ່ຕຣຽມໄວ້ ຈະເປັນເງິນເພື່ອສ້າງທາງຣົດໄຟສາຍ ກຸງເທບ-ໂຄຣາຊ ເພາະວ່າເປັນຈຸດເມືອງໃຫຍ່ ແລະກໍເປັນຈຸດທີ່ເຊື່ອມຕໍ່ ໄປ ຫາໜອງຄາຍ ໃນອະນາຄົດຈີນຈະສ້າງລົງມາຫາລາວ ແລ້ວກໍມາເຊື່ອມກັນທີ່ໜອງຄາຍ ຈາກນັ້ນ ລົງໄປເຖິງບາງກອກ ແຕ່ຕອນນີ້ ຍັງບໍ່ທັນ ສລຸບໄດ້ເທື່ອ ເພາະຈີນກຳລັງເຈຣະຈາ ກັບທາງການລາວ ຢູ່ຢ່າງເຂັ້ມຂົ້ນ.”

ຜູ້ຮັກສາການຣັຖມົນຕຣີກະຊວງຄົມມະນາຄົມຂອງໄທ ເວົ້າໃນທຳນອງວ່າ ສິ່ງທີ່ແນ່ນອນ ທາງການໄທ ໄດ້ຈັດເງິນງົບປະມານໄວ້ແລ້ວ ເພື່ອ ສ້າງທາງຣົດໄຟຄວາມໄວສູງຣະຫວ່າງບາງກອກຫາໂຄຣາຊ ສ່ວນທີ່ຈະສ້າງໄປເຖິງໜອງຄາຍນັ້ນ ຍັງບໍ່ຮູ້ແນ່ນອນເທື່ອ. ທາງຝ່າຍຈີນ ກ່ອນ ຈະຕົກລົງໃຫ້ລາວຢືມເງິນ ກໍຢາກຮູ້ຢ່າງແນ່ນອນວ່າ ໄທຈະສ້າງຕໍ່ຈາກໜອງຄາຍລົງໄປເຖິງບາງກອກແທ້ຫລືບໍ່.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ