ສະຫະຣັດເຕືອນການເດີນທາງ ຢູ່ລາວ

ອຸ່ນແກ້ວ ສຸກສະຫວັນ
2016-03-09
ອີແມວລ໌
ຄໍາເຫັນ
Share
ພິມ
ສະຖານທູດ ສະຫະຣັດ ອະເມຣິກາ ທີ່ ນະຄອນຫຼວງວຽງຈັນ
ສະຖານທູດ ສະຫະຣັດ ອະເມຣິກາ ທີ່ ນະຄອນຫຼວງວຽງຈັນ
US Embassy in Laos

ກະຊວງ ການຕ່າງປະເທດ ສະຫະຣັຖ ໄດ້ອອກແຈ້ງ ເຕືອນ ພົລເມືອງ ຂອງຕົນເອງ ກ່ຽວກັບ ເຫດການ ຍິງຣົດ ຢູ່ຖະໜົນ ເລກທີ 13 ເໜືອ ຣະຫວ່າງ ເຂດພູຄູນ ແຂວງ ຫຼວງພະບາງ ກັບ ເມືອງກາສີ ແຂວງ ວຽງຈັນ. ສະຖານທູດ ສະຫະຣັຖ ປະຈໍາລາວ ໄດ້ ຫ້າມບໍ່ໃຫ້ ພະນັກງານ ຂອງຕົນ ເດີນທາງ ຕາມຖະໜົນ ເລກທີ 13 ເໜືອ ໂດຍສະເພາະ ແຕ່ເຂດ ເມືອງກາສີ ແຂວງວຽງຈັນ ໄປຫາ ເມືອງພູຄູນ ແຂວງ ຫຼວງພຣະບາງ ຍ້ອນວ່າ ມີຄວາມ ບໍ່ສະຫງົບ ເກີດຂຶ້ນ ຢູ່ຕໍ່ເນື່ອງ ແລະ ບໍ່ສາມາດ ຄາດເດົາໄດ້ ແລະຍັງ ຂາດຂໍ້ມູນ ຂ່າວສານ ຈາກ ທາງການລາວ. ນອກຈາກນີ້ ສະຖານທູດ ສະຫະຣັຖ ປະຈໍາລາວ ຍັງຫ້າມ ບໍ່ໃຫ້ ພະນັກງານ ຂອງຕົນ ເດີນທາງ ໄປແຂວງ ໄຊສົມບູນ ຊຶ່ງ ມີເຫດການ ຄວາມວຸ້ນວາຍ ທີ່ ເປັນ ອັນຕະລາຍ ເກີດຂຶ້ນ ຫຼາຍຄັ້ງ.

ຫລ້າສຸດ ມີຣາຍງານ ຂ່າວວ່າ ຢູ່ບ້ານ ວຽງຄໍາ ໃນວັນທີ 1 ມີນາ ເວລາ ປະທານ 20 ໂມງ ມີການລັດ ຍິງ ກັມມະກອນ ຄົນຈີນ ຂອງ ບໍຣິສັດ ຈີນ ເຮັດໃຫ້ມີ ຄົນຈີນ ເສັຽຊີວິດ 1 ຄົນ ແລະ ບາດເຈັບ 3 ຄົນ ແລະ ໃນເວລາ ໃກ້ຄຽງກັນ ເກີດເຫດ ລັດຍິງ ຣົດເມ ໂດຍສານ ວຽງຈັນ ຫາ ຜົ້ງສາລີ ແລະ ຣົດກະບະ ເຮັດໃຫ້ມີ ຜູ້ໄດ້ຮັບບາດ ເຈັບ 5 ຄົນ.

ເຫດການ ຍິງ ຣົດເມ ວຽງຈັນ ຫາ ຫຼວງນໍ້າທາ ໃນວັນທີ 14 ມົກກະຣາ ເຮັດໃຫ້ມີ ຜູ້ບາດເຈັບ, ແຕ່ບໍ່ມີ ຣາຍງານ ຜູ້ເສັຽຊີວິດ. ອີງຕາມ ທີ່ວ່າ ເປັນຈຸດເກີດເຫດ ຄວາມ ບໍ່ສະຫງົບ ນັບແຕ່ ເດືອນ ພຶສຈິກາ ປີ 2015 ເປັນຕົ້ນມາ ໂດຍສະເພາະ ເຫດການ ຍິງຣົດ, ເຫດການ ວາງຣະເບີດ ຕາມເສັ້ນທາງ, ການປະທະກັນ ຣະຫວ່າງ ເຈົ້າໜ້າທີ່ ທະຫານ ກັບ ຜູ້ກໍ່ ຄວາມບໍ່ສະຫງົບ ເປັນເຫດ ເຮັດໃຫ້ ມີຜູ້ເສັຽ ຊີວິດ 8 ຄົນ. ອີງຕາມ ຣາຍງານ ທີ່ບໍ່ເປັນ ທາງການ, ເຈົ້າໜ້າທີ່ ຂອງ ທາງການລາວ ຍັງບໍ່ທັນ ອອກມາ ຊີ້ແຈງ ກ່ຽວກັບ ເຣື້ອງນີ້.

ຄໍາເຫັນ (3)
Share

TOU HER

ຈາກ ANOUVONG

WARNING TO THE U.S. OFFICIALS IN LAOS, PLEASE STOP TRAVELLING TO LAOS. LAOS IS STILL A COMMUNISRH REGIME AND DETATORSHIP THE FIGHTING BETWEEN THE HMONG- LAO WHO SERVED THE U.S. CIA DURING THE VIETNAM WAR ERA, HAS BEEN CONTINUESILY TO FIGHT IN THE AREA OF ROUTE 13 AND SPECIAL ZONE NEW PROVINCE XAISOMEBOUN. LAOS PDR HAS USED MILITARY POWER TO KILL AND CLEAN UP THE HMONG IN THE PAST 41 YEARS. LAOS IS NOT THE SAFE PLACE TO TRAVEL.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2017 02:49 PM

veteran

ຈາກ laos

Dear. Excellency Honorable U.S. Embassador to laos, we are love the U.S. citizen who prefer to visit Laos, Unfortunately, Laos is not a freedom democracy country, Laos is still believing the Communist's Rule the civil war is not ended yet. The Hmong SGU people is a great nation in Laos and royalty to serve the CIA and the Laos country during the Vietnam war, but after the Laos Communist PathetLao Took over Laos, many of laos official had escaped to the third coutry and more than 35, ooo has been to Viengxai camp. and The communist Laos declared war to kill and cleaning Hmong.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2017 02:47 PM

ຄ.ນະຄຳມ່ວນ

ຈາກ ທ່າແຂກ

ເຕືອນໃຫ້ຮູ້ໄວ້ລ່ວງຫນ້ານີ້ ເປັນການດີທີ່ສຸດ, ຊີວິຕຂອງທຸກຄົນ ມີຄຸນຄ່າ, ເກີດມາເປັນມະນຸຕແລ້ວ ຕ້ອງໃຊ້ຊີວິຕໃຫ້ເກີດຜົລປະໂຍດ ຕໍ່ຕົນເອງແລະສັງຄົມຢ່າງມີກຳໄລ, ບໍ່ໃຫ້ຂາດທຶນຢ່າງ ນ້ອຍກໍ່ຕ້ອງໃຫ້ ສະເມີຕົວ, ເພາະອາຍຸຄົນເຮົາ ມັນສັ້ນຢູ່ແລ້ວ. ຂອບໃຈ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 10, 2016 12:45 AM

ເຕັມຫນ້າ