ສາກົນຮຽກຮ້ອງໃຫ້ປ່ອຍ ອະເມຣິກັນ 3 ຄົນ

ອະວາຣີ
2019-04-18
ອີແມວລ໌
ຄໍາເຫັນ
Share
ພິມ
ຄນະກັມມາທິການ ສິດເສຣີພາບ ການເຊື່ອຖື ສາສນາ ຂອງ ສະຫະຣັຖ ອະເມຣິກາ ຫລື USCIRF
ຄນະກັມມາທິການ ສິດເສຣີພາບ ການເຊື່ອຖື ສາສນາ ຂອງ ສະຫະຣັຖ ອະເມຣິກາ ຫລື USCIRF
USCIRF

ຄນະກັມມາທິການ ສະຫະຣັດ ເພື່ອສິດເສຣີພາບ ໃນການນັບຖືສາສນາ ຮຽກຮ້ອງໃຫ້ ຣັຖບານລາວ ຍຸຕິ ຮາວີຣົບກວນຊາວຄຣິສຕຽນ ແລະ ຜູ້ນັບຖືສາສນາອື່ນໆ ໂດຍສະເພາະ ໃຫ້ສົ່ງໜັງສືຜ່ານແດນ ຄືນໃຫ້ແກ່ ຊາວອະເມຣິກັນ ທັງສາມຄົນ, ຊຶ່ງປັດຈຸບັນ ຍັງຖືກກັກໂຕຢູ່ ໃນສ​ປ​ປລາວ ໃຫ້ພວກເຂົາສາມາດ ເດີນທາງອອກຈາກ ປະເທດລາວ ໄດ້.

ຍານາງ ຄ​ຣິ​ສ​ຕີ​ນາ ອາ​ເຣັຽກາ (Kristina Arriaga), ຮອງປະທານ ຄນະກັມມາທິການສະຫະຣັດ ເພື່ອສິດເສຣີພາບໃນການນັບຖືສາສນານີ້, ຊີ້ິ້ແຈງທາງອີແມວລ໌ ຕອບຄຳຖາມ ຂອງນັກຂ່າວ ວິທຍຸ ເອເຊັຽ ເສຣີ ເມື່ອວັນທີ່ 17 ເດືອນເມສາ ປີ 2019 ນີ້ ຕື່ມວ່າ ກົດໝາຍ ແລະ ນະໂຍບາຍ ຂອງ ຣັຖບານລາວ ທີ່ ຄຸ້ມຄອງການນັບຖືສາສນາ ມີລັກສນະ ໃຊ້ສິດອາດຍະສິດ ຫລາຍເກີນໄປ ໂດຍທີ່ ບໍ່ຈຳເປັນ, ປະກອບດ້ວຍ ຄຳເວົ້າ ທີ່ກວ້າງ ແລະ ຜິວເຜີນ ແລະ ກໍເລືອກປະຕິບັດ.

ນອກຈາກນີ້ ທ່ານ ທັດ ເນັດ​ໂທ​ເທິນ (Todd Nettleton), ໂຄສົກອົງການຄຣິສຕຽນ ສຽງ​ຂອງ​ຜູ້​ທີ່​ເສັຽ​ສະ​ຣະ (the Voice of the Martyrs) ຢູ່ ສະຫະຣັດອະເມຣິກາ ເຊັ່ນກັນ ກໍຊື້ ແຈງ ໃນມື້ດຽວກັນນີ້ວ່າ ຣັຖບານລາວ ຍັງຄວບຄຸມການເຜີຍແຜ່ ເອກກະສານສາສນາຄຣິສຕຽນ. ພຣະຄຳພີ ບໍ່ມີຂາຍ ໃນຮ້ານຂາຍປື້ມ ແລະກໍບໍ່ມີໃຫ້ເຫັນ ໃນສາທາຣະນະ. ປະຊາຊົນລາວ ສາມາດ ໄດ້ຮັບພຣະຄຳພີ ຈາກໂບດ ທີ່ຢູ່ພາຍໃຕ້ ການຄຸມຄອງ ຂອງຣັຖບານ ເທົ່ານັ້ນ. ສະນັ້ນ ການທີ່ຊາວອະເມຣິກັນ ໄປແຈກຢາຍ ເອກກະສານຄຣິສຕຽນແບບນັ້ນ ແນ່ນອນ ເຈົ້າໜ້າທີ່ ທາງການລາວ ຕ້ອງຕິດຕາມເບິ່ງ ຢ່າງໃກ້ຊິດ.

ທ່ານ ເນັດ​ໂທ​ເຕິນ ຊີ້ແຈງຕື່ມວ່າ ການປາບາມຊາວຄຣິສຕຽນ ຢູ່ລາວ ມີຫລາຍໃນຂັ້ນບ້ານ. ຖ້າມີຊາວບ້ານຄົນໃດຄົນນຶ່ງ ປ່ຽນໄປນັບຖື ສາສນາ ຄຣິສຕຽນ, ຊາວບ້ານອື່ນໆ ກໍຈະເວົ້າວ່າ ພວກເຮົາ ບໍ່ຢາກໃຫ້ມີ ຄຣິສຕຽນ ຢູ່ໃນບ້ານນີ້. ສະນັ້ນ ຖ້າຊາວບ້ານຜູ້ນີ້ ຢາກເປັນຄຣິສຕຽນ ແທ້ໆ ກໍຕ້ອງໜີອອກຈາກບ້ານ.

ສ່ວນອົງການຄຣິສຕຽນ ອີກອົງການນຶ່ງ ຢູ່ສະຫະຣັດອະເມຣິກາ ທີ່ມີຊື່ວ່າ ອົງການເປັນຫ່ວງຊາວຄຣິສຕຽນ ຢູ່ໃນໂລກ (International Christian Concern) ກໍໍຮຽກຮ້ອງໃຫ້ ທາງການລາວປ່ອຍ ຕົວຊາວຄຣິສຕຽນ ອະເມຣິກັນ ທັງສາມຄົນດັ່ງກ່າວ ພ້ອມທັງຊື້ແຈງວ່າ ຊາວອະເມຣິກັນ ເຫລົ່ານັ້ນ ເປັນພຽງແຕ່ ອາສາສມັກຄຣິສຕຽນ ເຂົ້າໄປປະເທດລາວ ກໍເພາະພວກເຂົາຮັກ ປະຊາຊົນລາວ ແລະ ພວກເຂົາ ບໍ່ໄດ້ ເຮັດຫຍັງຜິດ ເຖິງຂັ້ນຕ້ອງຖືກກັກໂຕ.

ຄໍາເຫັນ (2)
Share

(

ຄໍາເວົ້າທີສາກົນເວົ້າວ່າ ລັດທະບານລາວ ໄຊ້ສິດເປັນອາດຍາສິດ ແລະຄໍາເວົ້າທີ່ກ້ວງຂວາງແລະຜີວເຜີນ, ໃນນີ້ຕີຄວາມໝາຍໄດ້ວ່າ, ລັດທະບານຂອງສປປລາວນັ້ນ ຄືບໍ່ເຄີຍໄດ້ຂໍຮ້ອງຂໍຄວາມຊ່ວຍເຫຼືອ ຈາກສາກົນແຕ່ຢ່າງໃດ ແຕ່ໃນອາດີດແລະປະຈຸບັນ ແລະສະແດງທ່າທີຂອງໂຕເອັງ ວ່າມີພ້ອມໝົດທຸກຢ່າງ ເໝືອນກັບຜູ້ນໍາເກົາຫຼີເໜືອບໍ່ມີຜິດ, ຖ້າຫາກເຖິງຂັ້ນສຸດທ້າຍແລ້ວ ອາດຈະຮ້າຍແຮງກ່ວາເກົາຫຼີເໜືອຊໍ້າອີກ, ສິ່ງທີ່ຮ້າຍແຮງກໍຄືການຂ້ວມບາດນັ້ນເອັງ, ແຕ່ຕອນນີ້ຍັງບໍ່ທັນໄປຮອດຈຸດນັ້ນເທື່ອ ແລະລໍເບິ່ງອີກຕໍ່ໄປຄົງຈະບໍ່ດົນດອກ ມັນອາດຈະໄດ້ເຫັນ ແລະເຂົ້າໃຈກັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 25, 2019 05:59 AM

(

ກົດໝາຍຄູ້ມຄອງສາດສະນາໃນລາວ ມີຢູ່ແຕ່ວ່າຂັ້ນບ້ານ, ຄະນະບ້ານ, ພັກບ້ານ, ການນໍາບ້ານ, ນາຍບ້ານ, ພໍ່ບ້ານແມ່ບ້ານ ແລະຍັງມີອົງຄະນະບ້ານອີກໄດ໋, ແລະຍັງມີອີກຫຼາຍໆຄະນະ ທີ່ຢູ່ໃນບ້ານນັ້ນ, ເພີ່ນຊໍ້າມາຫັນປ່ຽນກົດໝາຍຄຸ້ມຄອງ ສາດສະໜາ ມາເປັນກົດໝາຍ ຄວບຄຸມສາດສະໜາໄປເລີຍ ແລະຂ້ອຍເພາະວ່າພວກເພີ່ນ ຄືສິບໍ່ເຂົ້າໃຈ ແລະຄວາມໝາຍລະຫ່ວາງ ຄຸ້ມຄອງກັບຄວບຄຸມ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 25, 2019 05:57 AM

ເຕັມຫນ້າ