ນາງໝວຍ ຍັງບໍ່ມີສິດ ໃຫ້ ປະກັນໂຕ

ໄຊຍາ
2019-09-16
ອີແມວລ໌
ຄໍາເຫັນ
Share
ພິມ
ໃນຕອນນີ້ ເຈົ້າໜ້າທີ່ຕຳຣວດ ບໍ່ອະຍຸຍາດ ໃຫ້ບຸກຄົນໃດ ຫລື ຍາດພີ່ນ້ອງເຂົ້າພົບ ນາງໝວຍ ໄດ້ເທື່ອ
ໃນຕອນນີ້ ເຈົ້າໜ້າທີ່ຕຳຣວດ ບໍ່ອະຍຸຍາດ ໃຫ້ບຸກຄົນໃດ ຫລື ຍາດພີ່ນ້ອງເຂົ້າພົບ ນາງໝວຍ ໄດ້ເທື່ອ
ນັກຂ່າວພົລເມືອງ

ຄວາມຄືບໜ້າຄະດີຂອງ ນາງ ໝວຍ ທີ່ຖືກຕັ້ງຂໍ້ຫາວ່າໂຄສະນາຕ້ານ ສປປ ລາວ ນັ້ນປັດຈຸບັນອ້າຍຂອງນາງໝວຍ ໄດ້ຕິດຕໍ່ຫາເຈົ້າໜ້າທີ່ ຕຳຣວດ ເມືອງໂພນທອງ ເພື່ອຂໍປະກັນ ໂຕອອກຈາກຄຸກ ແຕ່ຍັງບໍ່ຮູ້ ວ່າຈະປະກັນໄດ້ບໍ່. ດັ່ງເຈົ້າໜ້າທີ່ ເມືອງໂພນທອງ ແຂວງຈຳປາສັກ ໄດ້ໃຫ້ສຳພາດ ຕໍ່ນັກຂ່າວ ວິທຍຸເອເຊັຽເສຣີ ໃນວັນທີ 16 ກັນຍາ ວ່າ:

"ເພິ່ນມາພົວພັນແລ້ວເດີ້ ຫວ່າງເຊົ້ານີ້ ເພິ່ນມາເຮັດໃບຄຳຮ້ອງນຳໃຊ້ຄ້ຳປະກັນຫັ້ນນ່າ ອ້າຍລາວມາເຮັດ ຂໍ້ຫາມັນກາອັນນີ້ຢູ່ ແຕ່ວ່າໃຫ້ທາງ ນີ້ໄປຄ້ຳປະກັນ ໄຖ່ຖອນເອົາຫັ້ນນ່າ."

ເຈົ້າໜ້າທີ່ ໄດ້ກ່າວຕື່ມວ່າ ຍັງບໍ່ທັນຮູ້ຣາຍລະອຽດ ວ່າການຂໍປະກັນໂຕ ນາງໝວຍ ເທື່ອນີ້ຍັງບໍ່ຮູ້ວ່າ ທາງພາກສ່ວນກ່ຽວຂ້ອງ ຈະອະນຸຍາດ ໃຫ້ປະກັນໂຕຫຼືບໍ່ ແຕ່ອີງຕາມກົດໝາຍມາດຕຣາ 117ວ່າດ້ວຍການ ໂຄສະນາ ຕ້ານ ສປປ ລາວ ໂດຍໄດ້ຣະບຸ ໂທດຄວາມຜິດ ຂອງຜູ້ທີ່ ໂຄສະນາໃສ່ຮ້າຍປ້າຍສີ ພັກ-ຣັຖ.

ເຖິງຢ່າງໃດກໍຕາມ, ແຫລ່ງຂ່າວອີກຄົນນຶ່ງ ທີ່ຮູ້ຈັກເລື້ອງນີ້ດີ ໄດ້ກ່າວຕໍ່ເອເຊັຽເສຣີໃນວັນທີ 16 ກັນຍາ ວ່າ: ໃນຕອນນີ້ເຈົ້າໜ້າທີ່ຕຳຣວດ ບໍ່ອະນຸຍາດໃຫ້ບຸກຄົນໃດ ຫລື ຍາດພີ່ນ້ອງເຂົ້າພົບ ນາງໝວຍ ໄດ້ເທື່ອ. ໃນຂນະທີ່ ນັກຂ່າວ ວິທຍຸເອເຊັຽເສຣີ ໄດ້ ສອບຖາມໄປຍັງ ເຈົ້າໜ້າທີ່ ຜແນກສືບສວນ ສອບສວນ ແລະ ຄ້າຍຄຸມຂັງ ແຂວງຈຳປາສັກ ແຕ່ທາງເຈົ້າໜ້າທີ່ ຍັງບໍ່ສາມາດຕອບ ໃນປະເດັນນີ້ໄດ້.

ນາງໝວຍ ຫຼື ຊື່ແທ້ແມ່ນ ນາງ ຮ່ວາຍເຮືອງ ໄຊຍະບູລີ ອາຊີບຄ້າຂາຍ ຢູ່ບ້ານສະເຫຼົ້າ, ເມືອງໂພນທອງ ແຂວງຈຳປາສັກ ໄດ້ຖືກກັກໂຕ ໃນວັນທີ 12 ກັນຍາ ຜ່ານມາ  ຍ້ອນຜູ້ກ່ຽວໄດ້ເຄື່ອນໄຫວ ໂຄສະນາ ຕ້ານ ສປປ ລາວ. ອີງຕາມໃບຣາຍງານ ຂອງຜແນກສືບສວນ ສອບສວນ ແຂວງຈຳປາສັກ ລົງວັນທີ 13 ກັນຍາ 2019 ແຕ່ຊາວບ້ານ ທີ່ຢູ່ບ້ານດຽວກັບ ນາງ ໝວຍ ໄດ້ກ່າວຕໍ່ເອເຊັຽເສຣີ ໃນວັນທີ 14 ກັນຍາ ວ່າ: ນາງ ໝວຍຖືກຈັບ [ຫລັງຈາກ ລາວອອກມາເວົ້າຜ່ານເຟສບຸກ] ເວົ້າເລື້ອງ ການຊ່ວຍເຫລືອ ປະຊາຊົນ ທີ່ປະສົພພັຍນ້ຳຖ້ວມ ຊັກຊ້າ ຢູ່ແຂວງຈຳປາສັກ ແບບວ່າ ພະນັກງານຂອງພັກ-ຣັຖ ນີ້ ບໍ່ລົງມາຊ່ວຍເຫລືອ ປະຊາຊົນຢ່າງທັນເວລາ ມີແຕ່ປະຊາຊົນຊ່ວຍເຫຼືອ ກັນເອງ.

ທີ່ຜ່ານມາໃນລາວ ກໍ່ໄດ້ມີການຕັດສິນຈຳຄຸກ ໃນຂໍ້ຫາໂຄສະນາ ຕໍ່ຕ້ານຜ່ານສື່ສັງຄົມອອນລາຍ ເປັນຕົ້ນ ຄົນລາວ ທີ່ເຮັດວຽກຢູ່ໄທ ເຊັ່ນ ນາງຫຼອດຄຳ ທຳມະວົງ ຖືກຄຸກ 12 ປີ , ທ້າວ ສຸການ ໃຈທັດ ຖືກຄຸກ 18 ປີ ແລະ ທ້າວ ສົມພອນ ພີມມະສອນ ຖືກຂັງຄຸກ 20 ປີ. ນອກຈາກນີ້ ຍັງມີທ້າວ ບູນທັນ ທຳມະວົງ ເຊື້ອຊາດລາວ ສັນຊາດໂປແລນ ຖືກຂັງຄຸກ 4 ປີ ແລະ ຖືກປ່ອຍໂຕ ເມື່ອວັນທີ 19 ມິຖຸນາ ຜ່ານມາ.

ຄໍາເຫັນ (3)
Share

(

Lao commie party-state, you are scums of the earth. You want to suck blood out from your people untill they all die. You sell your country to foreigners, your gold and silver mines to red Chinese and red Vietnamese... You pocket billions of US dollars commissions from your equally blood-sucking investors. What have you done to your country ? Nothing. Now you don't even want people to criticize your policies. Who do you think you are ? You kidnapped people and eventually killed them. Sombath Somphone and Od will haunt you until the day you're gone. Hell is the only place you deserve to go. Lao people wake up, stand up ! There's still time for you to get rid these bastards.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2019 06:48 AM

(

ສປປລາວ ໂຄດເຖື່ອນສຸດເລີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2019 06:40 AM

(

Lao commie party-state. You have the guts to arrest a Lao citizen but you dare not arrest red Chinese who act as if they're the owner of your country. Worse now those Chinese can hit any Lao they want on the street. Where are you ? Are you protecting your own people ? I tell you what, Lao blood-sucking party-state. This is only the beginning. More and more the Chinese will come and they will eat you up bit by bit until there're no more Lao people in Laos. You wanted it this way now you've got it. I don't even feel pity for you because you don't deserve it. RIP. Bye bye !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2019 06:39 AM

ເຕັມຫນ້າ