ສປປລາວ ຮຽກຮ້ອງ ສະຫະຣັຖ ຍົກເລີກ ການລົງໂທດ ກິວບາ

ທ່ານ ທອງລຸນ ສີສຸລິດ ຮອງນາຍົກ ຣັຖມົນຕຣີ ແລະ ຣັຖມົນຕຣີ ການຕ່າງປະເທດ ສປປລາວ ໄດ້ຂື້ນກ່າວຄຳປາສັຍ ໃນກອງປະຊຸມ ສມັຊຊາໃຫຍ່ ສະຫະປະຊາຊາຕ ທີ່ນະຄອນ ນິວຢອກ ເມື່ອວັນຈັນ ວັນທີ່ 29 ກັນຍານີ້.
ຫວາດ ສີມູນ ຣາຍງານ
2008-09-30
ອີແມວລ໌
ຄໍາເຫັນ
Share
ພິມ

ທ່ານ ທອງລຸນໄດ້ແຖລງໃນຕອນໜື່ງວ່າ:

ສປປລາວຍັງມີບັນຫາ ຂ້ອງຄາໃຈ ທີ່ສະຫະຣັຖ ຍັງລົງໂທດ ທາງດ້ານເສຖກິຈ ຕໍ່ສາທາຣະນະຣັຖ ກິວບາຢູ່, ການລົງໂທດນີ້ ບໍ່ໄດ້ເປັນໂຍດໃຫ້ແກ່ທັງສອງປະເທດ ​​ແຕ່ຢ່າງໃດເລີຍ. ສະນັ້ນ ສປປລາວ ຈື່ງຂໍຮຽກຮ້ອງ ໃຫ້ສອງປະເທດ ຫາລືກັນເພື່ອແກ້ໄຂບັນຫາ ຂໍ້ຂັດແຍ້ງ ດັ່ງກ່າວ.”

ທ່ານ ທອງລຸນ ສີສຸລິດໄດ້ກ່າວ ໃນຕອນໜື່ງ ອີກວ່າ:

ປີນີ້ ປະເທດລາວໄດ້ປະສົບກັບ ​ພັຍ​ນ້ຳຖ້ວມຢ່າງຮ້າຍແຮງເປັນເຫຕໃຫ້ ຊັພສົມບັຕ ເສັຽຫາຍຢ່າງມະຫາສານເຖິງປານນັ້ນສປປລາວ ກໍຍັງສາມາດ ປັບປຸງໂຄງຮ່າງພື້ນຖານ ຊັພຍາກອນ ມະນຸສແລະການຮ່ວມມື ກັບປະຊາຄົມໂລກ ​​ໃຫ້ດີຂື້ນ ສືບຕໍ່ມາ.”

ນອກຈາກນັ້ນ ຣັຖມົນຕຣີ ກາຣຕ່າງປະເທດລາວ ຍັງໄດ້ກ່າວ​​ເນັ້ນ ອີກວ່າ ສປປລາວ ມີຄວາມທຸ່ນທ່ຽງທາງດ້ານການເມືອງດີເສຖກິດຂຍາຍຕົວແຕ່ປະເທດລາວ ກໍປະສົບ ກັບບັນຫາເສຖກິຈ ຫລາຍໆຢ່າງເຊັ່ນ​: ບັນຫາ ຣາຄານ້ຳມັນແພງ ບັນຫາເງິນເຟິ້ ແລະ ບັນຫາ ທີ່ເກີດມາຈາກ​ ​ເສຖກິຈ ຂອງໂລກທີ່ກຳລັງຖອຍຫລັງ.

ຈາກນັ້ນ ທ່ານ ທອງລຸນ ສີສຸລິດກໍໄດ້ຮຽກຮ້ອງ ໃຫ້ສະຫະ ປະຊາຊາຕ ແລະ ປະເທດ ທີ່ພັທນາແລ້ວຈົ່ງໃຫ້ການຊ່ວຍເຫລືອ ແກ່ປະເທດ ທີ່ດ້ອຍພັທນາທີ່ສຸດ ແລະ ປະເທດທີ່ບໍ່ມີຊາຍແດນ ຕິດກັບທະເລໃຫ້ຫລາຍຂື້ນ. ຜ່ານມາ ປະເທດເຫລົ່ານີ້ ກໍມີແຕ່ທ່າເສັຍປຽບ. ​ໃນຕອນສຸດທ້າຍ ທ່ານ ທອງລຸນ ​​​ກໍໄດ້ເນີ ໃຫ້ມີການແກ້ໄຂ ບັນຫາໂລກຮ້ອນ ພ້ອມກັບ ບັນຫາສະພາບແວດລ້ອມອື່ນໆ.


ເຕັມຫນ້າ