ຄົນຕິດຢາເສພຕິດ ຢູ່ເມືອງແປກ

ການລັກເລັກ ຂະໂມຍນ້ອຍ ແລະ ໃຊ້ຢາເສພຕິດ ເປັນບັນຫາສັງຄົມ ທີ່ທາງການ ເມືອງແປກ ແຂວງຊຽງຂວາງ ພຍາຍາມປາບປາມ ແກ້ໄຂ.
ໂພໄຊສວັດ
2010-10-13
ອີແມວລ໌
ຄໍາເຫັນ
Share
ພິມ

ກົດຟັງສຽງ

ເຈົ້າໜ້າທີ່ ເມືອງແປກ ແຂວງຊຽງຂວາງ ເລັ່ງຫາທາງປາບປາມ ແລະແກ້ໄຂບັນຫາ ສັງຄົມ ທີ່ສ້າງຄວາມປັ່ນປ່ວນ ພໍສົມຄວນ ເປັນຕົ້ນການ ລັກເລັກຂໂມຍນ້ອຍ ແລະ ບັນຫາຢາເສບຕິດ ໃນກຸ່ມເຍົາວະຊົນ ໃຫ້ຫລຸດຜ່ອນລົງ ຫລືໝົດສ້ຽງໄປ ເພື່ອໃຫ້ ປະຊາຊົນ ໄດ້ຮັບຄວາມສງົບສຸຂ ຂັ້ນພື້ນຖານ. ທີ່ຜ່ານມາບັນຫາ ດັ່ງກ່າວ ໄດ້ສົ່ງຜົນ ກະທົບກະເທືອນ ສ້າງຄວາມວຸ້ນວາຍ ຕໍ່ສັງຄົມ ຈົນເຮັດໃຫ້ ປະຊາຊົນ ຢູ່ຢ່າງບໍ່ມີຄວາມສງົບ ພໍສົມຄວນ. ເຈົ້າໜ້າທີ່ ຈາກຫ້ອງການ ປົກຄອງເມືອງແປກ ແຂວງຊຽງຂວາງ ອະທິບາຍກ່ຽວກັບ ເຣື້ອງນີ້ວ່າ:

"ການແກ້ໄຂປາກົດ ການຍໍ້ທໍ້ຢູ່ໃນເມືອງ ປັດຈຸບັນ ໂດຍສະເພາະກໍແມ່ນ ພວກຂີ້ລັກງັດແງະ ຫລືບັນຫາ ຢາເສບຕິດ ທີ່ກຳລັງດຳເນີນ ຢູ່ໃນ ປັດຈຸບັນນີ້".

ເຈົ້າໜ້າທີ່ໄດ້ເວົ້າ ຕໍ່ໄປວ່າ ກ່ຽວກັບການປາບປາມ ແກ້ໄຂບັນຫາ ດັ່ງກ່າວ ທາງຫ້ອງການປົກຄອງ ເມືອງແປກ ໄດ້ມອບໝາຍໜ້າທີ່ ໃຫ້ກອງບັນຊາການ ທະຫານແລະ ຕຳຣວດເມືອງ ພ້ອມກັບກອງຈັດຕັ້ງ ມະຫາຊົນ ທີ່ເປັນກຳລັງ ປ້ອງກັນຄວາມສງົບ ຫລື ປກສ ປະຈຳບ້ານ ໃຫ້ອອກໄປ ປະຕິບັດໜ້າທີ່ ອອກລາຕເວນ ແລະ ເຝົ້າຍາມ ຢ່າງເຄັ່ງຄັດກວ່າເກົ່າ.

ທີ່ຜ່ານມາທາງ ຫ້ອງການປົກຄອງ ເມືອງແປກ ເຫັນວ່າເຈົ້າໜ້າທີ່ ຕຳຣວດບາງຄົນ ບໍ່ປະຕິບັດ ໜ້າທີ່ຕາມ ທີ່ໄດ້ກຳນົດໄວ້ ແລະບາງກໍຣະນີ ກໍລະເລີຍຕໍ່ໜ້າທີ່ ໂດຍທີ່ບໍ່ ຕິດຕາມ ແລະ ຈັບຜູ້ຮ້າຍ ຜູ້ກະທໍາຜິດເສບຢາ ຫລືຄ້າຢາມາ ລົງໂທດ.

ພ້ອມກັບການປາບປາມ ແກ້ໄຂບັນຫາ ການລັກເລັກຂໂມຍນ້ອຍ ແລະ ບັນຫາຢາເສບຕິດ ນີ້ແລ້ວເຈົ້າໜ້າທີ່ ຜູ້ດຽວກັນເວົ້າວ່າ ທາງຫ້ອງການປົກຄອງ ເມືອງແປກ ຍັງໄດ້ຈັດການ ສຳຣວດ ສັມມະໂນຄົວ ໂດຍການຈົດຊື່ ລົງທະບຽນຄອບຄົວ ຂອງປະຊາຊົນ ຊາວບ້ານ ທີ່ຢູ່ໃນໂຕ ເມືອງແປກ ແລະຍັງໄດ້ສັ່ງ ໃຫ້ມີການກວດກາ ເອກກະສານ ຂອງຄົນທີ່ເຂົ້າອອກ ພາຍໃນເຂດ ກຳແພງນະຄອນ ເພື່ອປ້ອງກັນບໍ່ໃຫ້ ຜູ້ຮ້າຍ ສາມາດຫລົບລີ້ ເຂົ້າມາກໍ່ຄວາມບໍ່ສງົບ ໃນເມືອງແປກໄດ້.

ເຕັມຫນ້າ