ທ່ານກິ່ງແກ້ວຊະນະສົມບູນໄຊນັກທຸຣະກິດລາວ ກ່າວວ່າວິກິດການ ດ້ານການເງິນ ໃນສະຫະຣັຖ ໄດ້ສົ່ງຜົນສະທ້ອນ ໜັກ ຕໍ່ຄູ່ຄ້າໃຫ່ຽ ດ້ວຍກັນ ເຊັ່ນວ່າສົ່ງຜົນສະທ້ອນ ຕໍ່ບັນດາປະເທດ ໃນຢູໂຣບ, ຕໍ່ຍີ່ປຸ່ນຫລາຍກ່ວາ ຈະສົ່ງຜົນສະທ້ອນ ຕໍ່ລາວເຖິງແມ່ນວ່າ ນັກລົງທືນລາວ ແລະ ນັກລົງທືນ ຕ່າງຊາດໃນລາວ ຈະໃຊ້ ເງິນໂດລາ ສະຫະຣັຖ ໃນການດໍາເນີນ ກິດຈະການ ກໍດີ.
ໃນຂະນະທີ່ ວິກິດການ ດ້ານການເງິນ ໃນບັນດາ ປະເທດຕະເວັນຕົກ ບໍ່ທັນ ໄດ້ສົ່ງ ຜົນສະທ້ອນໜັກ ຕໍ່ທາງເອເຊັຽແລະ ຕໍ່ລາວນີ້ນັກລົງທືນ ໃນລາວ ກໍຄອຍ ຕິດຕາມ ຖະແຫລງການ ຂອງພາກຣັຖ ຢ່າງໃກ້ຊິດ ເພື່ອຢາກ ຮູ້ວ່າ ຣັຖ ມີນະໂຍບາຍ ຮັບມື ກັບວິກິດການ ນີ້ແບບໃດ:
"ບາງ ເທື່ອ ຕາມ ການ ແຈ້ງ ການ ຂອງ ທະນາຄານ ວ່າ ລົງ ກໍ ວ່າ ລົງ , ຂື້ນ ກໍ ວ່າ ຂື້ນກໍ ມີ ຈໍານວນ ນື່ງ ທີ່ ວ່າ ມີ ຜົນ ກະທົບ ແຕ່ ກໍ ບໍ່ ມີ ບັນຫາ ເພາະ ພວກ ເຮົາ ເຄີຽປະສົບ ບັນຫາ ມາ ຫລາຍ ປີ ແລ້ວ . ແຕ່ ດຽວ ນີ້ ກໍ ຖື ວ່າ ຄ່າ ເງິນ ແຂງ ຂື້ນ ກໍ ຖື ວ່າ ດີ ."
ທ່ານກິ່ງແກ້ວໃຫ້ຄວາມເຫັນສ່ວນຕົວ ວ່າເສຖກິດ ຂອງປະເທດລາວ ຈະດີ ຫລື ບໍ່ດີນັ້ນ ຂື້ນຢູ່ກັບ ອົງປະກອບ 4 ຂໍ້ຄື: ທຸຣະກິດ ການສົ່ງອອກ, ການບໍຣິໂພກ ຂອງປະຊາຊົນ, ການລົງທືນ ຂອງເອກະຊົນ, ແລະ ການລົງທືນ ຂອງພາກຣັຖ. ສໍາລັບ ເສຖກິດ ຂອງລາວ ໃນຂະນະນີ້ ຢູ່ໃນທ່າຂື້ນໂດຍສະເພາະ ການລົງທືນ ຂອງຕ່າງປະເທດ ໃນດ້ານເຂື່ອນ ຜລິດກະແສ ໄຟຟ້າ. ທາງການລາວ ຖະແຫລງວ່າເສຖກິດ ໃນລາວ ຈະເຕີບໃຫຍ່ຂື້ນ ປະມານ 7.5% ໃນປີນີ້.
ວິກິດການ ທາງດ້ານການເງິນ ໃນສະຫະຣັຖ ແລະ ໃນຢູໂຣບ ໃນຂະນະນີ້ ຖືວ່າ ບໍ່ທັນຖືກ ແກ້ໄຂໄດ້. ກອງປະຊຸມ ຣັຖມົນຕຣີ ການຄັງ ຂອງກຸ່ມ 7 ປະເທດ ທີ່ຮັ່ງມີ, ກຸ່ມປະເທດ ອຸດສະຫະກໍານ້ອຍ 20 ປະເທດ, ທະນາຄານໂລກ, ແລະ ກອງທືນສາກົນ IMF ຢູ່ທີ່ນະຄອນຫລວງວໍຊິງຕັນຕົກລົງກັນວ່າ ຈະຊ່ວຍກັນແກ້ໄຂ ວິກິດການດ້າການເງິນ ເພື່ອບໍ່ໃຫ້ມີ ຜົນສະທ້ອນ ຕໍ່ເສຖກິດ ຂອງປະເທດ ທີ່ກໍາລັງພັດທະນາແລະ ປະເທດ ທີ່ຍາກຈົນ ຊື່ງອາໃສ ການລົງທືນແລະ ການຊ່ວຍເຫລືອ ຈາກຕ່າງປະເທດ. ຖ້າຫາກວ່າທະນາຄານ ໃນຕ່າງປະເທດ ບໍ່ສາມາດ ປ່ອຍສິນ ເຊື່ອໃຫ້ກັນ ກູ້ຢືມແລ້ວມັນກໍຈະມີ ຜົນກະທົບ ຕໍ່ເສຖກິດ ໃນທົ່ວໂລກໄດ້.