ຊາວອອສເຕຣເລັຽ ຊ່ວຍສ້າງໂຮງຮຽນ

ຕາມລາຍງານຂອງ Newcastle Herald ຂອງ ອອສເຕຣເລັຽ ໃວັນທີ 1 ມິຖຸນາ. ຢູ່ອອສເຕຣເລັຽ ນັກຮຽນຄິດວ່າ ຫ້ອງຮຽນຕ້ອງມີ ກະດານຂາວ computer internet ແລະ ອາຍເຢັນ ແຕ່ໂຮງຮຽນ ຢູ່ລາວ ບໍ່ມີຮອດໄຟຟ້າ ແລະນ້ຳ.

ຈາກການແພ່ເງິນ ໂດຍການຈັດງານ ຕ່າງໆ ແລະຈາກການ ບໍຣິຈາກສ່ວນຕົວ ໂດຍມີ ສະໂມສອນ Lions ໄດ້ປະກອບສ່ວນ ຊ່ວຍເຫລືອ ນາງ Linden Perry ຈຶ່ງສາມາດ ຮິບໂຮມເງິນໄດ້ 15 ພັນກວ່າໂດລາ ເພື່ອຊ່ວຍເຫລືອສ້າງ ໂຮງຮຽນນ້ອຍຫລັງນຶ່ງ ຢູ່ແຂວງ ສາຣະວັນ. ເງິນຈຳນວນດັ່ງກ່າວ ໄດ້ນຳໃຊ້ເຂົ້າ ໃນສ້າງສ້າງ ໂຮງຮຽນ ແລະຊື້ອຸປກອນ ການຮຽນ ການສອນຕ່າງໆ.

ໃນປັດຈຸບັນນີ້ ຢູ່ໂຮງຮຽນນັ້ນ ໄດ້ມີການສອນ ເລກ ພາສາລາວ ແລະ ປວັດສາດ. ນາງ Linden Perry ໄດ້ຖືກເຊີນ ໃຫ້ສອນ ພາສາອັງກິດ ໃນເວລາທີ່ ນາງໄປ ຢ້ຽມຢາມ ໂຮງຮຽນນ້ອຍຫລັງນັ້ນ ເມື່ອບໍ່ນານມານີ້.

ໂຮງຮຽນທີ່ສ້າງ ສຳເຣັດໄປແລ້ວນັ້ນ ແມ່ນໂຮງຮຽນຢູ່ບ້ານ ດອນຄຳ ແຂວງສາຣະວັນ ພາກໃຕ້ຂອງ ປະເທດລາວ.