ສະຖານະການ ການຄ້າມະນຸດ ທັງຜູ້ຍິງແລະ ເດັກນ້ອຍ ຕາມເຂດຊາຍແດນ ໄທ-ລາວ ຍັງເປັນບັນຫາ ທີ່ແກ້ບໍ່ຮູ້ຈົບ ຈັກເທື່ອ. ການຮ່ວມງານກັນນີ້ ແມ່ນພາຍໃຕ້ ຂອບເຂດ ອານຸ ກັມະການ ປະສານງານ ຄວາມຮ່ວມມືໃນອານຸ ພູມີພາກແມ່ນໍ້າຂອງ.
“ເຮົາຈື່ງ ມີການທໍາງານ ຮ່ວມກັນ ທັ້ງພາຍໃນ ປະເທດໄທ ໃນປະເທດ ເພື່ອນບ້ານ ບໍ່ວ່າຈະເປັນ ໄທກັບລາວ ໄທກັບກໍາພູຊາ ແລະ ໄທກັບພະມ້າ.”
ສະຖານະການ ການຄ້າມະນຸດ ຕາມເຂດຊາຍແດນລາວ-ໄທໃນປັດຈຸບັນນີ້ເປັນໜ້າວິຕົກ ທີ່ສຸດຍ້ອນວ່າ ມັນເປັນການຄ້າ ມະນຸດ ຢ່າງສົມບູນແບບ ແລ້ວ. ການຄ້າມະນຸດ ຂະຫຍາຍຕົວ ຫລາຍຂື້ນ, ນາຍໜ້າ ຄ້າມະນຸດ ທໍາຕົວ ເປັນຄົນໃກ້ຊິດ ກັບເຍື່ອເປົ້າໝາຍ, ແລະ ຍາກໃນການຕິດຕາມ.
ເຈົ້າໜ້າທີ່ໄທ ວ່າການທໍາງານ ຂອງຫນ່ວຍງານ ຕໍ່ຕ້ານການຄ້າມະນຸດແມ່ນເນັ້ນໜັກ ໄປທາງແກ້ໄຂ ບັນຫາຕົ້ນສາເຫດ ເຊັ່ນວ່າ ປະສານງານ ກັບຝ່າຍລາວ ເພື່ອໃຫ້ຄວາມຮູ້ ແກ່ປະຊາຊົນ ທີ່ຢູ່ໃນກຸ່ມສ່ຽງ ຕໍ່ການຖືກຫລອກລວງ ຂອງຜູ້ຄ້າມະນຸດ, ຊ່ວຍໃຫ້ຝ່າຍລາວ ລົງສໍາຣວດ ພື້ນທີ່ ບ່ອນທີ່ ປະຊາຊົນ ຕົກຢູ່ໃນຄວາສ່ຽງ ຕໍ່ການຄ້າມະນຸດ, ພ້ອມທັງແລກປ່ຽນ ຂ່າວສານກັນ ກັບເຈົ້າໜ້າທີ່ລາວ.