ຮ່ວມມື ປາບປາມ ການຄ້າມະນຸດ

ທາງການລາວ ແລະ ໄທ ຮ່ວມມືກັນ ໃນການປາບປາມ ກຸ່ມຄ້າມະນຸດ ຕາມຊາຍແດນ ຣະຫວ່າງ ສອງປະເທດ.
ຊິດນີ ຣາຍງານ
2008-07-16
ອີແມວລ໌
ຄໍາເຫັນ
Share
ພິມ

ຫ້ອງການ ​ປາບ​ປາມ ການຄ້າ​ມະນຸດ ​ເວົ້າວ່າ ​ໃນ​ອະນາ​ຄົດ​ ບັນຫາ ນາຍ​ຫນ້າ ຄ້າ​ຜູ້​ຍີ​ງ ອາດ​ຈະ​ເບົາບາງ​ລົງ​ ​ເພາະ​ມີ ​ກາ​ນຮ່ວມ​ມື ຣະຫວ່າງ ​ເຈົ້າຫນ້າ​ທີ່ ​ໄທ-​ລາວ. ​ເຈົ້າຫນ້າ​ທີ່ ຈາກ​ຫນ່ວຍ​ງານ ​ດ້ານ ການ​ຄ້າ​ມະນຸດ ທີ່​ນະຄອນຫລວງ​ວຽງ​ຈັນ ​ໄດ້ກ່າວ​ເຖີງ ຄວາມ​ຮ່ວມ​ມື ຣະຫວ່າງ​ ຫນ່ວຍ​ງານ​ ທີ່​ປະ​ເທດ​ໄທ ກັບ ສປປລາວ ​ໃນ​ການ​ປາບ​ປາມ ​ກຸ່ມ​ຄ້າ​ມະນຸດ ​ແລະ​ ຄ້າ​ປະ​ເວນີ ວ່າ ບັນຫາ​ດັ່ງກ່າວ ອາດ​ເບົາບາງ​ລົງ ​ໃນ​ອະນ​າຄົດ ​ເພາະ ລາວ ​ແລະ ​​ໄທ ກຳລັງ​ວາງ​ ມາ​ຕການ​ ການ​ປາບ​ປາມ ​ຮ່ວມ​ກັນ ຢ່າງ​ເຂັ້ມງວດ ດັ່ງ​ທ່ານ ກ່າວ​ໃນ​ຕອນນື່ງ ວ່າ:

“ການ​ແລກປ່ຽນ ​ປະສານ ​ຂໍ້​ມູນ ​ກັບ​ທາງນັ້ນ ກໍ່​ຄິດ​ວ່າ ​ທາງ​ນັ້ນ ​ໄດ້​ເຮັດ​ຢ່າງ​ຈີ​ງຈັງ ຢູ່​​ໄທ ​ຂະ​ເຈົ້າ ກໍ່​ອອກ ພຣະຣາຊບັນ​ຍັດ ​ຕ້ານ​ການ​ຄ້າມະ​ນຸດ ກໍ່​ຄິດ​ວ່າ ຕ່າງ​ຝ່າຍ ຕ່າງ​ຖືວ່າ ​ເປັນ​ເຈົ້າການ​ຮ່ວມກັນ ຄິດ​ວ່າ ບັນຫາ​ນີ້ ​ຈະ​ຫມົດ ​ໄປ​ກໍ່​ຕ້ອງ​ໄດ້ ​ໃຊ້​ເວລາ.”

ທ່ານ​ກ່າວ ​ເພີ້​ມອີກ​ວ່າ ທາງ​ການ​ລາວ ​ແລະ ​ໄທ​ຈະ​ຈັດ ​ກອງ​ປະຊຸມ ກ່ຽວ​ກັບ​ ບັນຫາ​ ດັ່ງກ່າວ ​ທຸກໆ 3 ​ເດືອນ ​ເພື່ອ​ແລກປ່ຽນ ​ຂໍ້​ມູນ​ ຊື່​ງກັນ​ແລະ​ກັນ ​ເພື່ອການ​ຈັບ​ກຸມ ​ແລະ ​ແກ້​​ໄຂ ບັນຫາ​ ສ່ວນ​ໃຫຍ່ ​ແມ່ນ​ການ​ຫລອກ​ລວງ ​ຈາກ ກຸ່ມ​ນາຍ​ຫນ້າ.

ສຳລັບ ​ການ​ປະຕິບັດງານ​ນັ້ນ ຝ່າ​ຍລາວ ​ແລະ ​ໄທ ຈະ​ໃຫ້​ຂໍ້​ມູນ ຣະຫວ່າງ​ກັນ ​ກ່ຽວ​ກັບ ​ກຸ່ມ​ຄ້າ​ມະນຸດ ​ໃນ​ແຕ່ລະ​ ປະ​ເທດ ສອງ​ຝ່າຍ ​ຈະ​ເອົາ​ ຊື່​ບຸກຄົນ​ ທີ່​ຕ້ອງ​ສົງ​​ໃສ ​ໃຫ້​ກັນ ເພື່ອການ​ຈັບ​ກຸມ ທ່ານ​ກ່າວ ​ເພີ້​ມ ອີກ ​ວ່າ:

ທາງ​​ເຮົາ ​ກຳລັງ​ວ່າ ​ຈະ​ດຳ​ເນີນ ​ເຣື້ອງ​ນາຍ​ຫນ້າ​ລາວ ​ແລະ ​ກໍ່​ຈະ​ສົ່ງ ​ເປັນ​ລາຍ​ຊື່​ ເພື່ອ​ໃຫ້ ​ທາງ​ຝ່າຍ​ໄທ​ຄື​ກັນ ​ເພາະວ່າ​ ທາງ​ເຮົາ ກໍ​ປະສານ​ ກັບ​ທາງ​ຕຳຣວດ ກອງ​ກຳກັບ ​ການ​ປາບ​ປາມ ​ທາງ​ເພີ່ນ ​ຢູ່​ແລ້ວ”

ດ້ວຍ​ການ​ຮ່ວມ​ມື ​ຊື່​ງກັນ​ແລະ​ກັນ ຢ່າງ​ເຄັ່ງ​ຄັດ ​ໃນຣະຍະ​ ທີ່​ຜ່ານ​ມາ ຝ່າຍ​ລາວ ​ກໍ່​ສາມາ​ດ ຈັບ​ກຸມ ກຸ່ມ​ຄ້າ​ມະນຸດ ​ໄດ້​ຫລາຍ​ຄົນ ​ແລະ​ ກໍ່​ໄດ້​ຊອ່ຍ​ເຫລື​ອ ຜູ້​ຍີ​ງ ທີ່​ຕົກ​ເປັນ​ເຫຍື່ອ ຂອງ​ກຸ່ມ​ຄ້າມະນຸດ ມາ​ຫລາຍ​ຄັ້ງ ​ເພາະ​​ໄດ້ ​ຂໍ້​ມູນ​ລາຍ​ລະອຽດ ຈາກ​ຝັ່ງ​ໄທ ​ໃນ​ເວລາ ​ດຽວ​ກັນ ທີ່​ຝັ່ງ​ໄທ ກໍ່​ສາມາດ ​ຈັບ​ກຸມ​ນັກ​ຄ້າ​ມະນຸດ ໄດ້​ຫລາຍ​ຄົນ​ ເຫ​ມຶ​ອນກັນ ​ເພາະ​ໄດ້​ຂໍ້​ມູນ ​ຈາກ​ຝັ່ງ​ລາວ ​ເປັນ​ແຜນການ ​ທີ່​ເປັນ​ປ​ໂຍດ ​ໃຫ້​ແກ່​ສອງ​ປະ​ເທດ.

ເຕັມຫນ້າ