ກົດໝາຍຕ້ານຄ້າມະນຸສ ຈະໃຫ້ຄວາມສະດວກ

ຖ້າຫາກວ່າ ລາວມີກົດໝາຍ ດັ່ງກ່າວ ຈະເຮັດໃຫ້ການ ປະສານວຽກ ຮ່ວມມື ຣະຫວ່າງປະເທດ ມີຄວາມ ສະດວກຂຶ້ນ ແລະ ຈັບພວກ ຄ້າມະນຸສ ໄດ້ງ່າຍຂຶ້ນ. ເຈົ້າໜ້າທີ່ ຕ້ານການ ຄ້າມະນຸສ ຂອງລາວ ກ່າວວ່າ:

"ສະເພາະບັນຫາ ຄືມັນບໍ່ມີ ກົດໝາຍ ສະເພາະ ການຄ້າມະນຸສ ນີ້ນະ ມັນແມ່ນການ ຮ່ວມມື ການສົ່ງຜູ້ ກະທໍາຜິດ ຂ້າມແດນ ມັນຂ້ອນຂ້າງ ຈະຍາກ ຂັ້ນຕອນຂອງມັນ ຕ້ອງຫລາຍຂັ້ນ ວ່າໂຕນີ້ ກົດໝາຍ ຕ້ານ ການຄ້າມະນຸສ ແລ້ວມັນກໍເຮັດ ໃຫ້ວຽກງານ ຕອບໂຕ້ ຈະໄວຂຶ້ນ ສະດວກຂຶ້ນ ຕື່ມອີກ ໃນການພົວພັນ".

ທ່ານກ່າວຕື່ມວ່າ ທີ່ຜ່ານມາ ບັນດາປະເທດ ສະມາຊິກ ອາຊຽນ ເປັນຕົ້ນ ໄທ ມາເລເຊັຽ ສາມາດຈັບ ຜູ້ຄ້າມະນຸສ ຊາວລາວໄດ້ ແຕ່ເມື່ອ ທາງການລາວ ຂໍຕົວຜູ້ຕ້ອງຫາ ມາດໍາເນີນ ຄະດີ ຢູ່ລາວ ປາກົດວ່າຕ້ອງ ເປັນໄປຕາມ ບັນທຶກຄວາມ ເຂົ້າໃຈ MOU ຈຶ່ງເຮັດ ໃຫ້ມີຄວາມ ລ່າຊ້າ. ບາງເທື່ອ ທາງການລາວ ກໍບໍ່ໄດ້ໂຕ ມາລົງໂທດ ຊຶ່ງຖ້າລາວ ຫາກມີ ກົດໝາຍ ສະເພາະຕ້ານການ ຄ້າມະນຸສ  ກໍຈະເຮັດໃຫ້ ການຂໍໂຕຜູ້​ຕ້ອງຫາຄົນລາວນັ້ນ ໄດ້ງ່າຍຂຶ້ນ.

ປັຈຈຸບັນ ກົດໝາຍ ຕ້ານການ ຄ້າມະນຸສ ຂອງລາວ ກໍາລັງຢູ່ໃນ ຂັ້ນຕອນ ພິຈາຣະນາ ໂດຍໜ່ວຍງານ ກ່ຽວຂ້ອງ ເພື່ອສເນີໃຫ້ ສະພາແຫ່ງຊາດ ຮັບຮອງເອົາ ຄາດວ່າຄົງ ຈະສໍາເຣັດ ພາຍໃນປີ 2013 ເປັນຢ່າງຊ້າ.