ຂ.ບໍ່ແກ້ວເປັນທາງຜ່ານ ຂອງກຸ່ມຄ້າມະນຸສ

ຂະບວນກາຣ ຄ້າມະນຸສ ຈາກ ພະມ້າ ແລະຈີນ ມັກຈະໃຊ້ ແຂວງບໍ່ແກ້ວ ເປັນທາງຜ່ານ ໄປຍັງ ປະເທສໄທຽ
ຫວາດ ສີມູນ
2012-04-20
Share
F-Bokeo-baots ໃນແຂວງ ບໍ່ແກ້ວ ການຂົນສົ່ງ ທັງຄົນ ທັງສິນຄ້າ ໄປມາ ຣະຫວ່າງ ລາວ ໄທ ພະມ້າ ຈີນ
RFA

ກົດຟັງສຽງ

ຂະບວນກາຣ ຄ້າມະນຸສ ຕ່າງຊາຕ ໂດຽສະເພາະ ຈາກ ສປຈີນ ແລະ ພະມ້າ ປ່ຽນມາໃຊ້ ແຂວງ ບໍ່ແກ້ວ ເປັນທາງຜ່ານ ຫລາຍຂຶ້ນ ເພື່ອເຄື່ອນຍ້າຍ ແຮງງານ ໄປຍັງ ປະເທສໄທຽ ຍ້ອນກາຣ ກວດກາ ຕາມຊາຍແດນ ລາວ ບໍ່ເຂັ້ມແຂງພໍ. ດັ່ງເຈົ້າໜ້າທີ່ ອົງກາຣ ສາກົລ ຕ້ານກາຣ ຄ້າມະນຸສ ໄດ້ແຈ້ງວ່າ:

"ຄົນພະມ້າ ເຂົ້າທາງລາວ ແລ້ວ ເຂົ້າໄປໄທຽ ຈັງຊີ່ນ໋າ ຄົນຈີນ ອາຈສິເຂົ້າມາ ທາງພະມ້າ ເຂົ້າມາລາວ ແລ້ວກໍເຂົ້າ ໄປໄທຽ ຈັງຊີ່ນ໋າ ມັນມີສາຍ (ຂອງໃຜ) ຂອງມັນ".

ພ້ອມດຽວກັນນີ້ ທ່ານກໍວ່າ ກາຣກວດກາ ຕາມດ່ານຊາຍແດນ ຢູ່ແຂວງ ບໍ່ແກ້ວ ຍັງບໍ່ເຄັ່ງຄັດ ເຂັ້ມແຂງ ຈຶ່ງມີຂະບວນ ກາຣຄ້າມະນຸສ ຈາກ ປະເທສ ເພື່ອນບ້ານ ຜ່ານເຂົ້າ ເມືອງລາວ ສ່ວນຫລາຍແມ່ນ ໃນນາມ ເປັນນັກ ທ່ອງທ່ຽວ ແລ້ວເດີນທາງ ຕໍ່ໄປຍັງ ປະເທສໄທຽ ແລະໃນຂນະ ດຽວກັນກໍມີ ກາຣລັກລອບນໍາ ຢາເສພຕິດ ຫຼືສິນຄ້າ ຜິດກົດໝາຍ ແລະສິນຄ້າ ລະເມີດສິທທິ ຕ່າງໆ ເຂົ້າເມືອງລາວ ນຳອີກ.

ສະເພາະ ກາຣຄ້າມະນຸສ ຂອງຄົນລາວ ໃນແຂວງ ບໍ່ແກ້ວນັ້ນ ທ່ານກໍວ່າ ມີພວກນາຍໜ້າ ທີ່ຕິດຕໍ່ ເອົາຄົນໄປ ເຮັດວຽກກາຣງານ ຢູ່ປະເທສໄທຽ ຫລາຍຂຶ້ນ ເຊັ່ນກັນ ແຕ່ສ່ວນຫລາຍ ກໍຈະບໍ່ຜ່ານ ດ່ານຊາຍແດນ ຂອງໄທຽ ໄປໄດ້ ຍ້ອນກາຣກວດກາ ຂອງ ເຈົ້າໜ້າທີ່ໄທຽ ລະອຽດ ແລະ ມີເຄື່ອງມື ສຳຫລັບ ກາຣກວດ ທີ່ທັນສມັຍ ກວ່າຢູ່ທາງ ຝັ່ງລາວ.

ເຈົ້າໜ້າທີ່ ດັ່ງກ່າວ ໄດ້ແຈ້ງເພີ່ມວ່າ ກາຣທີ່ມີ ນັກທ່ອງທ່ຽວ ເຂົ້າແຂວງ ບໍ່ແກ້ວ ຢ່າງຫລວງ ຫລາຍນັ້ນ ກໍເປັນກາຣດີ ສຳລັບ ທຸຣະກິຈ ກາຣຄ້າຂາຍ ແຕ່ໃນຂນະ ດຽວກັນ ກໍມີບັນຫາ ທາງສັງຄົມ ຫລາຍໆຢ່າງ ຕາມມາ ເຊັ່ນກັນ.



Anonymous says:
May 01, 2012 01:54 AM

ຮູ້ແຈ້ງເຖິງຈຸດອ່ອນແລ້ວ ກໍ່ສົມຄວນຫາທາງແກ້ໄຂ ເພື່ອໃຫ້ເກີດເປັນຈຸດດີຂຶ້ນມາໃຫ້ໄດ້ໄນອານາຄົດຂ້າງຫນ້າ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ