ບັນຫາຄ້າມະນຸດ ຄືບັນຫາຂອງຊາດ

ບັນຫາການ ຄ້າມະນຸດ ໃນລາວ ເປັນບັນຫາ ຣະດັບຊາດ ໄປແລ້ວ ແລະ ຄວນຖືກແກ້ໄຂ ຢ່າງຮີບດ່ວນ.
ສິດນີ
2012-05-23
ອີແມວລ໌
ຄໍາເຫັນ
Share
ພິມ

ເຈົ້າຫນ້າທີ່ ສູນກາງ ແມ່ຍິງລາວ ທີ່ນະຄອນຫລວງ ວຽງຈັນ ເວົ້າວ່າ ບັນຫາ ການຄ້າມະນຸດ ໃນລາວ ໃນປັດຈຸບັນ ຖືວ່າເປັນ ບັນຫາ ຣະດັບຊາດ ຍ້ອນວ່າທີ່ຜ່ານມາ ຫນ່ວຍງານ ດູແລຮັກສາ ຜູ້ຍິງ ຄື: ສະຫະພັນ ແມ່ຍິງລາວ ບໍ່ຫນັກແຫນ້ນ ໃນການ ປະຕິບັດງານ ແລະ ຂາດຄວາມ ເອົາໃຈໃສ່ ຈື່ງເຮັດໃຫ້ ກຸ່ມຄ້າມະນຸດ ສວຍໂອກາດ ໃນການຫລອກລວງ ໄດ້ຢ່າງງ່າຍດ່າຍ. ດ່ັງນາງກ່າວວ່າ:

"ແມ່ນລະເປັນ ບັນຫາ ຣະດັບຊາດແລ້ວ ແຕ່ກ່ອນ ຄິດວ່າເປັນວຽກງານ ຂອງແມ່ຍິງ ຝ່າຍດຽວ ໃຜກໍຖິ້ມໃຫ້ ສະຫະພັນ ແມ່ຍິງຜູ້ດຽວ ມັນອາດຈະ ບໍ່ຫນັກແຫນ້ນ".

ນາງກ່າວຕໍ່ໄປວ່າ ທີ່ຜ່ານມາ ວຽກງານທີ່ ສະຫະພັນ ແມ່ຍິງລາວ ໄດ້ດຳເນີນກ່ຽວກັບ ແມ່ຍິງລາວ ນັ້ນແບ່ງເປັນ 4 ພາກ ສ່ວນຄື ການປົກປ້ອງ ແມ່ຍິງ ການພັທນາ ແມ່ຍິງ ການສົ່ງເສີມ ຄວາມສເມີພາບ ຣະຫວ່າງ ຍິງ-ຊາຍ ແລະການຕ້ານ ການຄ້າມະນຸດ ຂອງກຸ່ມແມ່ຍິງ ຊື່ງ ໃນປັດຈຸບັນ ຣັຖບານໄດ້ ແຍກບັນຫາ ການຄ້າມະນຸດ ອອກໄປ ແລະໄດ້ຈັດຕັ້ງ ຄນະກັມມະການ ບໍຣິຫານ ວຽກງານນັ້ນ ຕໍ່ໄປ ເພື່ອ ປະສິດທິພາບ ໃນການທຳງານ ດ້ານນີ້. ນາງກ່າວເພີ້ມ ອີກວ່າ:

"ມັນຈະມີ ສ່ວນຮ່ວມ ຫລາຍຂື້ນນະ ແຕ່ກອ່ນເພີ່ນ ມອບໃຫ້ ສະຫະພັນ ແມ່ຍິງ ເນາະ ກົດຫມາຍ ປົກປ້ອງ ແລະພັທນາ ແມ່ຍິງມັນ ຈະມີພາກນື່ງ ເວົ້າກ່ຽວ ກັບການ ຄ້າມະນຸດ ການຄ້າແມ່ຍິງ ພວກເຮົາເລີຍ ຕັດອອກໄປ ໃຫ້ເປັນກົດມຫາຍ ນື່ງເລີຍ".

ທາງການລາວ ໄດ້ຮ່າງກົດຫມາຍ ປາບປາມ ການຄ້າມະນຸດ ໃຫ້ເປັນກົດຫມາຍ ສະເພາະເພື່ອ ການຈັບກຸມ ແລະລົງໂທດ ຜູ້ຕ້ອງຫາ ເພາະທີ່ຜ່ານມາ ກົດຫມາຍ ດັ່ງກ່າວ ຂາດຄວາມຊັດເຈນ ໃນການ ປະຕິບັດ ງານ ແລະ ການດຳເນີນ ຄະດີ.

ເຕັມຫນ້າ