ຍິງລາວຖືກຊ່ວຍເຫຼືອ ພົ້ນຈາກກຸ່ມຄ້າມະນຸສ

ຜູ້ຍິງ ລາວ ທີ່ຖືກ ບັງຄັບ ໃຫ້ຄ້າ ປະເວນີ ເພື່ອ ເປັນການ ໃຊ້ໜີ້ ໄດ້ຖືກຊ່ວຍ ໃຫ້ພົ້ນ ຈາກ ຂະບວນການ ຄ້າມະນຸດ ຂ້າມຊາດ ທີ່ ແຂວງ ສົງຂາ ຂອງໄທ.
ມະນີຈັນ
2011-08-01
ອີແມວລ໌
ຄໍາເຫັນ
Share
ພິມ
ເດັກນ້ອຍຍິງ ໃນພາກເໜືອ ຂອງໄທ ກໍາລັງ ແລ່ນຫຼີ້ນ ໃນໂຮງຮຽນ ທີ່ອຸປຖັມ ໂດຍ ຣັຖບານ ສະຫະຣັດ ອະເມຣິກາ ເພື່ອປົກປ້ອງ ເດັກນ້ອຍຜູ້ຍິງ ໃນວັຍ ທີ່ສ່ຽງຕໍ່ ການ ຄ້າມະນຸສ.
ເດັກນ້ອຍຍິງ ໃນພາກເໜືອ ຂອງໄທ ກໍາລັງ ແລ່ນຫຼີ້ນ ໃນໂຮງຮຽນ ທີ່ອຸປຖັມ ໂດຍ ຣັຖບານ ສະຫະຣັດ ອະເມຣິກາ ເພື່ອປົກປ້ອງ ເດັກນ້ອຍຜູ້ຍິງ ໃນວັຍ ທີ່ສ່ຽງຕໍ່ ການ ຄ້າມະນຸສ.
"Kay Chernush for the U.S. State Department

ກົດຟັງສຽງ

ຍິງສາວລາວ 35 ຄົນ ຮວມທັງ ຜູ້ມີອາຍຸ ຕໍ່າກວ່າ 18 ປີ ທີ່ ເຈົ້າໜ້າທີ່ ໄທ ໄດ້ຊ່ວຍ ໃຫ້ພົ້ນຈາກ ຂະບວນການ ຄ້າມະນຸດ ຂ້າມຊາດ ທີ່ຮ້ານ Charlie 259 ແລະ ຮ້ານ Charlie ບ້ານ Spa ອົບນວດ ໃນເມືອງ ສະເດົາ ແຂວງສົງຂາ ຊາຍແດນໄທ ມາເລເຊັຽ ເມື່ອວັນທີ 29 ກໍຣະກະດາ ຜ່ານມາ.

ຍິງສາວລາວ ຖືກບັງຄັບ ໃຫ້ຂາຍ ບໍຣິການ ທາງເພດ ເພື່ອໃຊ້ໜີ້ ເຈົ້າຂອງຮ້ານ ຄົນລະ 5 ໝື່ນ ກວ່າບາດ, ຊຶ່ງ ເຈົ້າຂອງຮ້ານ ວ່າໄດ້ຈ່າຍ ໃຫ້ນາຍໜ້າ ຄ່າປອມແປງ ເອກກະສານ ຄ່າເດີນທາງ ເຄື່ອງນຸ່ງຣົ່ມ ແລະ ກິນຢູ່ ຮວມຢູ່ດ້ວຍ. ເດັກນ້ອຍ ຜູ້ຍິງລາວ ທີ່ເຄາະຮ້າຍ ເວົ້າຕໍ່ນັກຂ່າວ ຂອງໄທ ພ້ອມທັງ ຍໍມືນົບ ຂອບໃຈ ເຈົ້າໜ້າທີ່ໄທ ວ່າ ດີໃຈ ທີ່ຈະໄດ້ ກັບບ້ານ:

"ດີໃຈ…ເປັນໜີ້ເຂົາ ຄ່ານາຍໜ້າ ກິນຢູ່…".

ຜູ້ຍິງລາວ ທີ່ເຄາະຮ້າຍ ກຸ່ມນີ້ ຈໍາຕ້ອງໄດ້ ເຂົ້າສູ່ວົງການ ຄ້າປະເວນີ ຖ້າຜູ້ໃດ ຕ້ອງການ ກັບຄືນບ້ານເກີດ ຈະຕ້ອງໄປຫາ ໝູ່ເພື່ອນ ມາເຮັດວຽກ ແທນຕົນ. ຫາກອາຍຸ ຕໍ່າກວ່າ 18 ປີ ກໍຈະມີ ໂອກາດ ໄດ້ໃຊ້ໜີ້ ໝົດໄວຂຶ້ນ. ພ້ອມດຽວກັນ ຜູ້ເຄາະຮ້າຍ ຈາກຮ້ານ Charlie 259 ຍັງບອກວ່າ ທຸກຄົນຖືກ ຫັກເງິນ ເດືອນລະ 1 ພັນບາດ ເພື່ອຈ່າຍ ໃຫ້ເຈົ້າໜ້າທີ່ ຕໍາຣວດ ແລະ ກຸ່ມຄູ້ມຄອງ ທີ່ໃຫ້ຄວາມ ສະດວກ ແກ່ ເຈົ້າຂອງ ຮ້ານ. ຜູ້ຍິງລາວ ທັງ 35 ຄົນ ຊຶ່ງສ່ວນໃຫຍ່ ມີອາຍຸພຽງ 15 ປີ ນີ້ເປັນສ່ວນນຶ່ງ ຂອງ ຜູ້ເຄາະຮ້າຍ 72 ຄົນ ຮວມທັງ ຄົນໄທໃຫຍ່ ແລະ ພະມ້າ ທີ່ເຈົ້າໜ້າທີ່ ໄທ ໄດ້ຊ່ວຍ ໃຫ້ພົ້ນຈາກ ການຖືກ ບັງຄັບ ໃຫ້ຄ້າ ປະເວນີ.

ນັກຂ່າວໄທ ຣາຍງານວ່າ ພວກນາງ ຖືກຍຶດໜັງສື ເດີນທາງ ແຕ່ມື້ມາຮອດ. ພວກນາງ ບໍ່ມີສິດ ອອກທ່ຽວ ຖ້າບໍ່ມີ ຜູ້ຊາຍ ມາຮັບເອົາ ໄປໃຊ້ ບໍຣິການ ຕາມໂຮງແຮມ ຫລື ບ່ອນອື່ນໆ ແລະ ຕ້ອງໄດ້ກັບ ຮ້ານກ່ອນ 10 ໂມງເຊົ້າ ທຸກວັນ. ເພື່ອແຕ່ງຕົວ ຕຣຽມຮັບແຂກ ເມື່ອຮ້ານເປີດ ຕອນ 11 ໂມງ.

ຄໍາເຫັນ (2)
Share

ຜູ້ອ່ານທີ່ບໍ່ອອກຊື່

ຈາກເຫດການຕ່າງໆຂອງຂ່າວຂ້າງເທິ່ງນີ້ຂ້າພະເຂົ້າຫັວງຢ່າງຍິ່ງວ່າ ເມື່ອແມ່ຍິງລາວທຸກໆຜູ້ທີ່ໄດ້ອ່ານຂ່າວຕ່າງໆຂອງຜູ້ທີ່ຖືກເຄາະຮ້າຍນີ້ແລ້ວ ຄວນມີສະຕິ ແລະ ຢ່າຫລົງເຊຶ່ອບຸກຄົນອື່ນງ່າຍເກີນໄປ,ຄວນ ຕຶກຕອງໃຫ້ຮອບຄອບໃຫ້ດີເສຍກ່ອນ ,ກ່ອນຈະຕັດສິນໃຈບັນຫາ ໃດຫນຶ່ງລົງໄປ ເພື່ອຫຼີກລ້ຽງການກະທຳອັນຊົ່ວຊ້າ ແລະ ຫວັງແຕ່ຜົນປະໂຫຍດທີ່ເຫັນແກ່ຕົວຂອງພວກມັນ,ເພື່ອບໍ່ໃຫ້ພວກ ເຮົາເສຍອານາຄົດ ແລະ ເສຍໃຈຕາມພາຍຫຼັງ.

Sep 04, 2011 01:32 AM

ຜູ້ອ່ານທີ່ບໍ່ອອກຊື່

ອະນາຄົດຂອງຊາດທັ້ງນັ້ນ

Aug 02, 2011 09:47 AM

ເຕັມຫນ້າ