ຄວາມທຸກຍາກຂາດການຮຽນ ຈຶ່ງຖືກຫຼອກ

ຜູ້ຍິງລາວ ຈາກເຂດ ພາກເຫນືອ ຕົກເປັນ ເຫຍື່ອ ຂອງກຸ້ມ ຄ້າມະນຸດ ຍ້ອນຄວາມ ທຸກຍາກ ແລະ ຂາດການ ສຶກສາ.
ສິດນີ
2011-09-22
ອີແມວລ໌
ຄໍາເຫັນ
Share
ພິມ
ຜູ້ຍິງລາວ ໃນທາງພາກເໜືອ ແຂວງບໍ່ແກ້ວ ຫາກິນ ດ້ວຍຄວາມ ບໍຣິສຸດ ແລະພູມໃຈ (ຮູປຖ່າຍ 1/28/2011)
ຜູ້ຍິງລາວ ໃນທາງພາກເໜືອ ແຂວງບໍ່ແກ້ວ ຫາກິນ ດ້ວຍຄວາມ ບໍຣິສຸດ ແລະພູມໃຈ (ຮູປຖ່າຍ 1/28/2011)
RFA

ກົດຟັງສຽງ

ອົງການ ສາກົນ ທີ່ໃຫ້ການ ຊ່ວຍເຫລືອ ຜູ້ຍິງລາວ ທີ່ຕົກເປັນ ເຫຍຶ່ອ ຂອງກຸ່ມ ຄ້າມະນຸດ ຖແລງວ່າ ແຂວງ ທາງພາກເຫນືອ ໂດຍສະເພາະ ແຂວງ ທີ່ມີຊາຍແດນ ຕິດກັບ ປະເທດ ເພຶ່ອນບ້ານ ເປັນແຫລ່ງ ທີ່ ນາຍຫນ້າ ຈາກ ຕ່າງປະເທດ ມັກເຂົ້າໄປ ຫລອກລວງເອົາ ຜູ້ຍິງລາວ ໄປຄ້າ ປະເວນີ ເພາະເປັນ ບ່ອນທີ່ ຄົນທຸກຍາກ ແລະ ຂາດການ ສຶກສາ. ດັ່ງເຈົ້າ ຫນ້າທີ່ ຈາກ ອົງການ ກ່າວວ່າ:

"ໄປສຳມະນາ ເອົາຂໍ້ມູນ ຕ່າງໆ ໄປອົບຮົມ ກັບ ຄອບຄົວ ການຈັດຕັ້ງ ໃນຫມູ່ບ້ານ ຊຸມຊົນ ສ່ວນໃຫຍ່ ຂະເຈົ້າ ມີການ ສຶກສາຕ່ຳ ເຮັດໃຫ້ ນາຍຫນ້່າ ທີ່ມາ ຕົວະຍົວະ ຈອບອອຍ ຂະເຈົ້າ ໄດ້ງ່າຍ ດ້ວຍຫລາຍ ວິທີ ອາດຈະມັດຈຳ ເງີນຄຳ ວັຖຸສິ່ງຂອງ ຕ່າງໆ ເພື່ອເອົາ ລູກສາວ ໄປທຳງານ ໄປ ເຮັດວຽກ ບ່ອນທີ່ມີ ລາຍໄດ້ດີ".

ຈາກຂໍ້ມູນ ຂອງອົງການ ທີ່ບໍ່ຂຶ້ນ ກັບ ຣັຖບານ ຂະບວນການ ຄ້າມະນຸດ ໃນລາວ ເປັນພວກ ມີລາຍໄດ້ດີ ໂດຍນາຍຫນ້າ ຄົນລາວ ມີຫນ້າທີ່ ຫາແຮງງານລາວ ໄປໃຫ້ ນາຍທຶນ ໃນ ຕ່າງປະເທດ ຈະເປັນ ປະເພດ ໃດກໍຕາມ. ສຳລັບ ແຮງງານ ທີ່ເປັນຜູ້ຍິງ ແລ້ວ ສ່ວນໃຫຍ່ ກໍ່ຈະແມ່ນການ ຄ້າປະເວນີ ຫລາຍກວ່າ. ນາຍຫນ້າ ຈະໄດ້ ຄ່າຕອບແທນ ຣະຫວ່າງ 7-9 ແສນກີບ ຕໍ່ນຶ່ງຄົນ  ຊື່ງຖືວ່າ ຖືກທີ່ສຸດ.

ເຈົ້່າຫນ້າທີ່ ກ່າວ ຕໍ່ໄປວ່າ ສ່ວນຫລາຍ ຊາວບ້ານ ໃນເຂດ ພາກເຫນືອ ເຊັ່ນທີ່ແຂວງ ບໍ່ແກ້ວ, ຜົ້ງສາລີ ຫລື ຫລວງນ້ຳທາ ຈະເປັນ ເປົ້າຫມາຍ ໃນການ ຕົວະຍົວະ ຂອງ ພວກ ຄ້າມະນຸດ ເພາະເປັນ ບ່ອນທີ່ ບໍ່ມີ ຄວາມຈະເຣິນ ທຸກຍາກ ການສຶກສາໜ້ອຍ ແລະ ກໍມັກ ເຊຶ່ອຜູ້ອຶ່ນ ໄດ້ງ່າຍ.

ເຕັມຫນ້າ