ຜູ້ເຄາະຮ້າຍຈາກການ ຄ້າມະນຸດໃນໄທ

ຜູ້ຍິງລາວງ 103 ຄົນ ທີ່ຖືກ ເຄາະຮ້າຍ ຈາກການ ຄ້າມະນຸດ ໃນ ປະເທດໄທ ຍັງລໍຖ້າ ການຖືກ ສົ່ງກັບ ປະເທດລາວ.
ໂພໄຊສວັດ
2012-02-23
Share

ກົດຟັງສຽງ

ເຈົ້າໜ້າທີ່ ທາງການໄທ ເປີດເຜີຍວ່າ ນັບຕັ້ງແຕ່ ປີ 2011 ຈົນຮອດ ປັດຈຸບັນ ຍັງມີ ແມ່ຍິງລາວ ຈໍານວນ 103 ຄົນ ທີ່ເຄີຍໄດ້ ຕົກເປັນເຫຍື່ອ ຂອງກຸ່ມ ຄ້າມະນຸດ ໃນປະເທດໄທ ແລະ ໄດ້ຖືກສົ່ງ ຟ້ອງຂຶ້ນສານ ໃນໄທ ມາແລ້ວ ແຕ່ຍັງທັນບໍ່ ໄດ້ຖືກສົ່ງ ກັບສປປລາວ ເທື່ອ ຍ້ອນວ່າ ການສົ່ງກັບ ລາວ ມີຫລາຍ ຂັ້ນຕອນ ເປັນຕົ້ນການ ສືບຫາພໍ່ແມ່ ຍາດຕິພີ່ນ້ອງ ຜູ້ຮັບ ຜິດຊອບ ຂອງ ພວກຂະເຈົ້າ ເສັຍກ່ອນ. ເຈົ້າໜ້າທີ່ ກ່ຽວຂ້ອງ ໃນປະເທດໄທ ເວົ້າກ່ຽວກັບ ເຣື່ອງນີ້ວ່າ:

"ໃນປີ 2011 ມີແມ່ຍິງລາວ ຜ່ານຄະດີ ແລ້ວ ແລະຍັງລໍຖ້າ ການຕອບຮັບ ຈາກ ປະເທດລາວ ມີທັງໝົດ 103 ຄົນ. ທາງການລາວ ໄດ້ຕັ້ງ ເງື່ອນໄຂວ່າ ຊິຮັບເອົາ ຫາກຕິດຕໍ່ ຫາຄອບຄົວ ຂອງ ພວກແມ່ຍິງ ເຫລົ່າ ນີ້ໄດ້ ແລ້ວເອົາ ພໍ່ແມ່ ມາຢືນຢັນວ່າ ເປັນລູກເຕົ້າ ແທ້ໆ ລາວຈະບໍ່ຮັບ ກັບ ຫາກພິສູດ ສັນຊາດບໍ່ໄດ້".

ໃນເວລາ ດຽວກັນ ເຈົ້າໜ້າທີ່ ທາງການລາວ ກໍໄດ້ຊີ້ແຈງ ຢືນຢັນ ເຊັ່ນດຽວກັນ ວ່າ ທາງການລາວ ຕ້ອງໄດ້ ສືບຫາຄອບຄົວ ແລະ ບ້ານເດີມ ຂອງ ພວກແມ່ຍິງ ຜູ້ທີ່ໄດ້ຮັບ ເຄາະຮ້າຍ ດັ່ງກ່າວ ເພື່ອຢືນຢັນວ່າ ແມ່ນ ຄົນສັນຊາດ ລາວແທ້ ຍ້ອນວ່າ ທີ່ຜ່ານມາ ເຄີຍມີ ແມ່ຍິງຈາກ ປະເທດ ເພື່ອນບ້ານ ທີ່ໄດ້ເຕົວະວ່າ ເປັນຄົນລາວ ເພື່ອຫາທາງ ອອກຈາກໄທ. ເຈົ້າໜ້າທີ່ ກະຊວງການ ຕ່າງປະເທດ ອະທິບາຍ ວ່າ:

"ສະຖານທູດລາວ ໃນ ບາງກອກ ສົ່ງຂໍ້ມູນ ມາໃຫ້ຝ່າຍລາວ ຫາຂໍ້ມູນ ວ່າຂະເຈົ້າ ແມ່ນຄົນລາວ ແທ້ຈິງບໍ່ ເຮົາບໍ່ແນ່ໃຈ ກໍາລັງພິສູດ ສັນຊາດ ຢູ່ ຕອນນີ້".

ເຖິງຢ່າງໃດກໍຕາມ ພວກແມ່ຍິງລາວ 103 ຄົນນີ້ກໍໄດ້ຮັບການເບິ່ງແຍງຈາກທາງການໄທ ຊຶ່ງພວກນາງໄດ້ອາສັຍຢູ່ຕາມສະຖານທີ່ ສູນປິ່ນປົວຟື້ນຟູສະພາບຈິດໃຈ ຕ່າງໆ, ໂດຍສ່ວນ ຫລາຍກໍຕ້ອງການກັບຄືນປະເທດໂດຍໄວ ແລະທາງການຂອງທັງ ສອງປະເທດ ກໍກໍາລັງ ຮີບເຮັ່ງດໍາເນີນການຢູ່.

Anonymous says:
Mar 23, 2012 09:57 PM

ເສດຮ້າຍຂອງສັງຄົມກໍ່ແມ່ນພວກນັກກວນເມືອງເຫັນ ຜົລປະໂຍຊນ໌ສ່ວນຕົວແລະພັກພວກ ສ້າງຂຶ້ນເອງທັງນັ້ນ,ເອົາດີໃສ່ຕົວຖິ້ມຄວາມຮ້າຍໃສ່ ພໍ່ແມ່ແລະຜູ້ຖືກເຄາະຮ້າຍ ດ້ວຍຄວາມຮູ້ເທົ່າບໍ່ເຖິງການຮັບພິດຊອບເອງທຸກຢ່າງ,ນັກການເມືອງປະເພດນີ້ ແມ່ນຜິດຂອງສັງຄົມໂດຽຕົຣງ ແລະສົມຄວນຕໍ່ການປະນາມຢ່າງຍິ່ງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ