ທາງການລາວຫລຽວກາຍ ຂໍ້ມູນການຄ້າປະເວນີ

ທາງການລາວ ບໍ່ໃຫ້ຄວາມ ສົນໃຈ ນໍາເຣື່ອງ ການ ຄ້າມະນຸສ ຫຼືຂາຍ ບໍຣິການ ທາງເພດ ພໍເທົ່າໃດ.
ມະນີຈັນ
2012-04-26
Share
F-UNODC-meeting ກອງປະຊຸມ ຕ້ານການ ຄ້າມະນຸສ ທີ່ນະຄອນຫຼວງ ວຽງຈັນ 15 ກັນຍາ 2011 ໂດຍກະຊວງ ຍຸຕິທັມ ແລະ UNODC
UNODC

ກົດຟັງສຽງ

ຈົນມາເຖິງ ເວລານີ້ ທາງການລາວ ກໍຍັງບໍ່ຄ່ອຍ ສົນໃຈໃນເຣື່ອງ ສະຖິຕິ ຂໍ້ມູນ ກ່ຽວກັບ ພວກແມ່ຍິງ ທີ່ຂາຍ ບໍຣິການ ທາງເພດ ພໍເທົ່າໃດ ຈື່ງເຮັດໃຫ້ ການຄ້າ ປະເວນີ ໃນ ສປປ ລາວ ຂຍາຍຕົວ ຮວມທັງຜູ້ທີ່ ໄປຂາຍ ບໍຣິການ ທາງເພດ ຢູ່ຕ່າງປະເທດ. ກ່ຽວກັບເຣື່ອງນີ້ ເຈົ້າໜ້າທີ່ ທາງການລາວ ທ່ານນຶ່ງ ຢູ່ນະຄອນຫລວງ ວຽງຈັນ ເວົ້າວ່າ:

"ທາງການລາວ ບໍ່ຮູ້ວ່າ ຜູ້ໃດເຮັດ ແນວໃດ ຍົກຕົວຢ່າງວ່າ ເຂົາໄປ ຄ້າປະເວນີ ຢູ່ໄທບໍ່ ຢູ່ໄສ ພວກເຮົາ ຈະບໍ່ຮູ້ວ່າເຂົາ ໄປແນວໃດ ເພາະວ່າເຂົາໃຊ້ ພາສປອດບໍ່ ຫລືອະຫຍັງ ກໍບໍ່ຮູ້ໃຜ ທໍາງານຫຍັງ ເພາະທາງ ການລາວ ບໍ່ອະນຸຍາດ ໃນເຣື່ອງນີ້".

ນາງເວົ້າຕື່ມ ອີກວ່າ ນອກຈາກພວກ ຂໍໜັງສື ຜ່ານແດນ ໄປແລ້ວ ກໍຍັງມີ ພວກລັກ ອອກໄປຕ່າງ ປະເທດ ຫລື ຖືກຫລອກລວງ ຈາກ ພວກນາຍໜ້າ ໄປຄ້າປະເວນີ ຊຶ່ງທາງໜ່ວຍງານ ທີ່ກ່ຽວຂ້ອງ ບໍ່ໄດ້ເກັບກໍາ ຂໍ້ມູນ ຢ່າງລະອຽດ ເຮັດໃຫ້ການ ແກ້ໄຂບັນຫາ ນີ້ບໍ່ໄດ້ຜົນ ເທົ່າທີ່ຄວນ. ພວກທີ່ ອອກໄປນັ້ນ ກໍມີເດັກນ້ອຍ ທີ່ຖືກບັງຄັບ ໃຫ້ໄປ ບໍຣິການ ທາງເພສ ຄ້າປະເວນີ ໂດຍສະເພາະ ຢູ່ຕາມ ຮ້ານອາຫານ ຕ່າງໆ. ນາງເວົ້າວ່າ:

"ເພາະວ່າ ມັນກໍມີ ນາຍໜ້າ ຫລືເຈົ້າຂອງຮ້ານ ບັງຄັບ ເດັກເນາະ ບາງຄັ້ງ ກໍຖືກບັງຄັບ ຈະໃຫ້ເດັກ ສມັກໃຈເອງ ຄິດວ່າສິບໍ່ມີ".

ໃນຂນະນີ້ ຍັງບໍ່ທັນ ມີກົດໝາຍ ວ່າດ້ວຍການ ຄ້າມະນຸດ ແລະ ຍັງບໍ່ມີ ໜ່ວຍງານ ຮັບຜິດຊອບ ສະເພາະ. ເຖິງຢ່າງໃດ ກໍຕາມ ທາງການລາວ ກໍພຍາຍາມ ແກ້ໄຂບັນຫາ ການຄ້າ ປະເວນີ ນີ້ຢູ່ ເຖິງຈະຍັງ ຫ່າງໄກ ຈາກເປົ້າໝາຍ ທີ່ໄດ້ວາງ ເອົາໄວ້ ກໍຕາມ.

Anonymous says:
May 03, 2012 05:17 AM

for my opinion , government don't care about their people, they dislike religion, they let ladies kha pa ve ni . religion is the only the teaching people doing the right way, you always say conflict your rule system

Anonymous says:
Apr 29, 2012 04:44 AM

ກໍ່ຍ້ອນບໍ່ຢາກໃຫ້ຂາດລາຍໄດ້ ຂອງຜູ້ມີໂອກາດຫາທາງສິກແສກ ເພື່ອຕົນເອງແລະພວກພ້ອງທັງຫລາຍນັ້ນແລ້ວ ຈຶ່ງເອົາຫູໄປນາເອົາຕາໄປທົ່ງໄປເລີຍໆ ເພາະຄົນລາວເຮົາ ມັກສະງົບແລະລືມງ່າຍຢູ່ແລ້ວ,ຈຶ່ງຖືເບົາບໍ່ເອົາຄວາມຍາກ.

Anonymous says:
May 01, 2012 03:12 AM

I told you on VOA, lao govt don't care lao ladies, use them like slave and bet them like animal. No income for them and let go to Vietnam, China and Thailand to do prostitute.

Anonymous says:
May 07, 2012 12:44 PM

ເປັນການຖືເບົາສິດທິຂອງຄວາມເປັນມະນຸຕສ໌ດ້ວຍກັນ.

Anonymous says:
May 01, 2012 10:34 AM

I used to say in my VOA comments that the lao women used to so pure to live with dignity and urge them not to be the victim of the bad side of market economy.The parents have to duty to protect your daugthers.Go back to your root to make a rice farming if you have the problems to make a living in the big cities where everyone is running after money.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ