ລາວເຄັ່ງຄັດເພື່ອກໍາຈັດ ການແຕ່ງດອງປອມ

ສປປລາວ ເຂັ້ມງວດ ໃນເຣື່ອງ ຜູ້ຍິງລາວ ຈະແຕ່ງດອງ ກັບ ຄົນຕ່າງຊາຕ ເພື່ອຕ້ານການ ຄ້າມະນຸດ ທີ່ໃຊ້ການ ເປັນຜົວເມັຽ ບັງໜ້າ.
ສິດນີ
2012-08-20
Share
F-stop-human-trafficking ຂໍຮຽກຮ້ອງ ໃຫ້ທາງການ ປາບປາມກໍາຈັດ ພວກຄ້າມະນຸສ ຢ່າງຈິງຈັງ
blogspot

ໃນບັນຫາ ທີ່ກ່ຽວພັນ ກັບການ ຄ້າມະນຸດ ໃນຮູບແບບ ແຕ່ງງານປອມ ໃນລາວ ຂອງ ຄົນຕ່າງຊາດ ກັບຜູ້ຍິງລາວ ເມື່ອຖືກພາອອກ ນອກປະເທດ ໄປແລ້ວ ຜູ້ຍີງລາວ ກໍຈະຖືກ ຂາຍເຂົ້າ ໂຮງໂສເພນີ. ທາງການລາວ ຈື່ງເຂັ້ມງວດ ໃນການປາບປາມ ກຸ່ມດັ່ງກ່າວ ເພື່ອປ້ອງກັນ ຜູ້ຍີງລາວ ບໍ່ໃຫ້ຕົກ ເປັນເຫຍື່ອ ອີກຕໍ່ໄປ. ເຈົ້າຫນ້າທີ່ ປາບປາມກຸ່ມ ຄ້າມະນຸດ ໃນລາວ ທ່ານນື່ງເວົ້າວ່າ:

"ຣັຖບານອອກ ກົດຫມາຍໃຫມ່ ຖ້າຜູ້ໃດ ຈະແຕ່ງງານ ຊາຍຕ່າງຊາດ ທີ່ຈະມາແຕ່ງງານ ກັບຄົນລາວ ຈະຕ້ອງຢູ່ລາວ ພາຍໃນສາມເດືອນ ເພື່ອ ເຮັດເອກສານ ເພາະວ່າຄົນ ທີ່ເຮັດ ເອກກະສານຊື່ໆ ແລ້ວໄປເລີຍ ແມ່ຍີງກໍສູນຫາຍ ໄປເລີຍ ຖືກຂາຍຕໍ່ ແລ້ວກໍບໍ່ຮູ້ວ່າ ຕົກຢູ່ປະເທດໃດ".

ນາງກ່າວ ຕໍ່ໄປວ່າ ກົດຣະບຽບໃຫມ່ນີ້ ທາງການລາວ ໃຫ້ຄົນຕ່າງຊາດ ຜູ້ທີ່ຈະມາ ແຕ່ງງານ ກັບແມ່ຍີງລາວ ຕ້ອງໄດ້ສົ່ງຫລັກຖານ ຢັ້ງຢືນສັນຊາດ ປະຫວັດ ຂອງຜູ້ກ່ຽວ ຮວມທັງ ຂໍ້ມູນຕ່າງໆ ໃຫ້ເຈົ້າຫນ້າທີ່ ສືບສວນກ່ອນ. ການກວດສອບ ສືບສວນ ຈະໃຊ້ເວລາ ປະມານ 3 ເດືອນ ຖ້າພົບວ່າ ບຸກຄົນໃດ ເປັນຫນ້າເຊື່ອຖື ກໍຈະໄດ້ ແຕ່ງງານໄວ ຫຼື ຖ້າຫາກມີພິຣຸດ ຫນ້າສົງສັຍ ກໍອາຈຈະຊັກຊ້າ ຫລື ບໍ່ອະນຸຍາດ ໃຫ້ແຕ່ງງານເລີຍ.

ທີ່ຜ່ານມາ ມີຜູ້ຍີງລາວ ຫລາຍຄົນ ຖືກຫລອກລວງ ຈາກຄົນຕ່າງຊາຕ ເຂົາຂໍແຕ່ງງານ ແລ້ວກໍພາອອກ ນອກປະເທດ ຜົນສຸດທ້້າຍ ກໍຖືກບັງຄັບ ໃຫ້ຂາຍໂຕ ຄ້າປະເວນີ ພ້ອມທັງ ຖືກທຳຮ້າຍ ຮ່າງກາຍ ແລະ ຫລາຍຄົນ ກໍບໍ່ສາມາດ ຫາທາງກັບຄືນ ບ້ານໄດ້ ຫລື ຫາຍສາບສູນ ໄປເລີຍ.

ເຈົ້າໜ້າທີ່ ກ່າວເຕືອນອີກວ່າ ເຖີງແມ່ນວ່າຈະມີ ກົດຣະບຽບໃຫມ່ ເຣື່ອງກວດສອບ ການແຕ່ງງານ ຂອງຍິງລາວ ກັບຄົນ ຕ່າງຊາຕ ກໍຕາມ ມັນກໍຂື້ນກັບ ຜູ້ຍີງລາວເອງ ທີ່ຄວນ ຣະມັດຣະວັງ ຫລາຍຂື້ນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ