ລາວ-ໄທເສີມສ້າງ ວັທນະທັມຕໍ່ກັນ

ລາວ ແລະ ໄທ ຈະຮ່ວມມືກັນ ເສີມຂະຫຍາຍ ບົດບາດທາງດ້ານວັທນະທັມ ຂອງປະຊາຊົນ ທີ່ຢູ່ 2 ຟາກຝັ່ງແມ່ນ້ຳຂອງ ໂດຍໄດ້ຈັດຕັ້ງ ກອງປະຊຸມ ຣະຫວ່າງສອງປະເທດ ກ່ຽວກັບ ໂຄງການ ສືບຊາຕາແມ່ນ້ຳຂອງ.
ມະນີຈັນ
2010-01-25
ອີແມວລ໌
ຄໍາເຫັນ
Share
ພິມ
ແມ່ນໍ້າຂອງຄືແມ່ນໍ້າ ທີ່ລໍ່ລ້ຽງຊີພ ຂອງຫລາຍໆລ້ານຄົນ
ແມ່ນໍ້າຂອງຄືແມ່ນໍ້າ ທີ່ລໍ່ລ້ຽງຊີພ ຂອງຫລາຍໆລ້ານຄົນ
Photo: RFA

ເມື່ອມໍ່ໆມານີ້  ອັນໄດ້ມີມະຕິ ມອບໝາຍໃຫ້ ສຳນັກງານຄະນະກັມມະການ ວັທນະທັມແຫ່ງຊາດ ຈັດໂຄງການ ສືບຊາຕາແມ່ນ້ຳຂອງ. ຕາມຄຳເວົ້າຂອງທ່ານ ທີລະ ສະຫລັກເພັດ ຣັຖມົນຕຣີ ກະຊວງວັທນະທັມຂອງໄທ.

ທ່ານວ່າ, ສິ່ງດັ່ງກ່າວ ເປັນການຂະຫຍາຍຜົນ ທີ່ທ່ານໄດ້ເດີນທາງໄປ ປຶກສາຫາລື ກ່ຽວກັບການຮ່ວມມື ກັບທ່ານ ໝຸນແກ້ວ ອໍລະບູນ ຣັຖມົນຕຣີກະຊວງ ຖແລງຂ່າວ ແລະວັທນະທັມຂອງ ສປປລາວ ເພື່ອເຮັດໃຫ້ຄວາມສຳພັນ ທາງດ້ານວັທນະທັມ ຣະຫວ່າງສອງປະເທດ ແໜ້ນແຟ້ນຍິ່ງຂື້ນ.

ທ່ານ ທີຣະ ກ່າວຕໍ່ສື່ມວນຊົນວ່າ ເມື່ອບໍ່ດົນມານີ້ວ່າ ພິທີສືບຊາຕາແມ່ນ້ຳຂອງ ຈະຈັດຂື້ນ ຢູ່ບໍຣິເວນ ສອງຟາກຝັ່ງແມ່ນ້ຳຂອງ ໂດຍຈະເລີ່ມຕັ້ງແຕ່ ແຂວງຊຽງຮາຍ ຂອງໄທ ຊຶ່ງຕັ້ງຢູ່ກົງກັນຂ້າມກັບ ແຂວງບໍ່ແກ້ວ ຂອງລາວ ເປັນຈຸດທຳອິດ ແລ້ວຈະຂະຫາຍຕໍ່ລົງມາ ແຂວງເລີຍ ກົງກັນຂ້າມກັບແຂວງ ວຽງຈັນ ຈົນລົງໄປເຖິງແຂວງ ອຸບົນ ຂອງໄທ ທີ່ຢູ່ ກົງກັນຂ້າມກັບແຂວງ ຈຳປາສັກ ຂອງລາວ.

ທ່ານວ່າ ໃນພິທີດັ່ງກ່າວ ຈະຈັດໃຫ້ມີ ກິຈກັມຮ່ວມກັນ ຣະຫວ່າງ ແຂວງຕ່າງໆຂອງ ລາວແລະໄທທີ່ຢູ່ ສອງຟາກຝັ່ງແມ່ນ້ຳຂອງ ເພື່ອໃຫ້ປະຊາຊົນ ເຂົ້າໃຈເຖິງຄວາມ ສຳຄັນຂອງແມ່ນ້ຳຂອງ ຊຶ່ງເປັນເອກກະລັກ ຂອງຄວາມເຊື່ອຖື ທາງດ້ານວັທນະທັມ ປະເພນີທ້ອງຖິ່ນ ແລະຈະໄດ້ຊ່ວຍກັນຮັກສາ ສະພາບແວດລ້ອມ ໃຫ້ແມ່ນ້ຳຂອງ ມີຄວາມສະອາດ, ສາມາດໃຊ້ບໍຣິໂພກ ໄດ້ຢ່າງປອດໄພ ແລະຟື້ນຟູຮັກສາ ວັທນະທັມ ອັນເກົ່າແກ່ເອົາໄວ້ ເຊັ່ນທາງດ້ານ ການແພດແຜນໂບຮານ, ການສະແດງ ສິລປະດັ້ງເດີມ, ການບູຊາພະຍານາກ ແລະສິ່ງອື່ນໆ.

ທ່ານ ທີລະ ສະຫລັກເພັດ ວ່າ ກະຊວງວັທນະທັມຂອງໄທ ຈະນຳເລື່ອງດັ່ງກ່າວ ສເນີໃນທີ່ປະຊຸມ ຂອງຄະນະຣັຖມົນຕຣີ ເພື່ອພິຈາຣະນາ ໃຫ້ຄຳຕົກລົງຕໍ່ໄປ.

ເຕັມຫນ້າ