ຊາວລາວບໍ່ເຄີຍຮູ້ກ່ອນໜ້າ ໂຄງການສ້າງເຂື່ອນໃດໆ

ປະຊາຊົນ ລາວ ບໍ່ສາມາດ ຊອກຫາ ຮຽນຮູ້ ຂໍ້ມູນ ກ່ຽວກັບ ໂຄງການ ສ້າງເຂື່ອນ ໃສ່ແມ່ນໍ້າຂອງ ອີກທັງໝົດ 7 ແຫ່ງ ຂອງ ຣັຖບານ.
ມະນີຈັນ
2012-12-05
ອີແມວລ໌
ຄໍາເຫັນ
Share
ພິມ
ແມ່ນໍ້າຂອງ ໃນເຂດ ໂຄງການ ສ້າງເຂື່ອນ ດອນສະໂຫງ
ແມ່ນໍ້າຂອງ ໃນເຂດ ໂຄງການ ສ້າງເຂື່ອນ ດອນສະໂຫງ
RFA

ເຈົ້າໜ້າທີ່ ຂັ້ນສູງ ກະຊວງ ພະລັງງານ ແລະບໍ່ແຮ່ ຂອງລາວ ເປີດເຜີຍ ເມື່ອມໍ່ໆມານີ້ ວ່າ ຣັຖບານລາວ ໄດ້ອະນຸຍາດ ໃຫ້ບໍຣິສັດ ຕ່າງປະເທດ ດໍາເນີນ ການສຶກສາ ຄວາມ ເປັນໄປໄດ້ ເຣື່ອງການ ສ້າງເຂື່ອນ ໃສ່ແມ່ນໍ້າຂອງ ແລ້ວ 7 ແຫ່ງ ຄື ເຂື່ອນທ່າຄໍ້ ແຂວງຈໍາປາສັກ ເຂື່ອນປາກແບ່ງ ແຂວງອຸດົມໄຊ ເຂື່ອນ ຫລວງພຣະບາງ ແຂວງ ຫລວງພຣະບາງ ເຂື່ອນ ປາກລາຍ ແຂວງ ໄຊຍະບູລີ ເຂື່ອນ ສານະຄາມ ແຂວງວຽງຈັນ ເພື່ອຜລິດ ໄຟຟ້າ ຂາຍໃຫ້ ປະເທດໄທ ແລະ ອີກສອງແຫ່ງຄື ເຂື່ອນ ແກ່ງຫລວງ ເຂື່ອນ ດອນສະຮົງ ແຂວງຈໍາປາສັກ ເພື່ອໃຊ້ ພາຍໃນປະເທດ ແລະ ສົ່ງຂາຍ ໃຫ້ວຽດນາມ. ກ່ຽວກັບແຜນ ການກໍ່ສ້າງເຂື່ອນ ທັງໝົດ ເຈົ້າໜ້າທີ່ລາວ ດ້ານ ສິ່ງແວດລ້ອມ ທີ່ໄດ້ຕິດຕາມ ຂ່າວສານ ເຣື່ອງ ການກໍ່ສ້າງເຂື່ອນ ໃນປະເທດລາວ ໃຫ້ຄໍາເຫັນວ່າ:

"ຂໍ້ມູນສ່ວນຫລາຍ ມັນຊິອອກ ມາຈາກ ປະເທດເພື່ອນບ້ານ ປິດກັນເລີຍ ຢູ່ນີ້ນະ ຄືກອງປະຊຸມ ບາງຢ່າງ ເຂົາກໍຍົກຂຶ້ນວ່າ ເຮົາສິເອົາໄດ້ ຢູ່ໄສ ເພິ່ນກໍບໍ່ໄດ້ຕອບ ມັນເປັນ ບັນຫາ ຢູ່ບ່ອນນີ້ ແຫລະ".

ທ່ານກ່າວ ເນັ້ນຕື່ມວ່າ ໃນການເຂົ້າຮ່ວມ ກອງປະຊຸມ ກັບເຈົ້າໜ້າທີ່ ຣັຖບານ ກໍມີການ ຂໍຂໍ້ມູນເພີ່ມຕື່ມ ກ່ຽວກັບ ໂຄງການເຂື່ອນ ເຫລົ່ານີ້ ແຕ່ປາກົດວ່າ ທາງຣັຖບານ ເພິ່ນ ປິດຂໍ້ມູນ ບໍ່ເປີດເຜີຍ ຕໍ່ປະຊາຊົນ ທັງໆທີ່ ປະຊາຊົນ ເປັນຜູ້ຮັບ ຜົນປະໂຫຍດ ຫຼື ເສັຽຜົນປະໂຫຍດ ກໍຄວນມີສິດ ໄດ້ຮັບຮູ້ ຂໍ້ມູນຕ່າງໆ ກ່ຽວກັບ ແຜນການສ້າງ ເຂື່ອນນັ້ນ ຈາກຣັຖບານ ຂອງຕົນໂດຍກົງ ແທນທີ່ວ່າ ຈະໄດ້ຮັບຟັງ ຈາກຕ່າງປະເທດ.

ເວົ້າສະເພາະ ເຂື່ອນ ໄຊຍະບູຣີ ຊຶ່ງຈະເປັນເຂື່ອນ ທໍາອິດ ທີ່ ຣັຖບານລາວ ໄດ້ເລີ່ມສ້າງໃສ່ ແມ່ນໍ້າຂອງ ຕອນລຸ່ມ ກໍຍັງດໍາເນີນໄປ ຖ້າມກາງ ການຄັດຄ້ານ ຂອງຊຸມຊົນ ຊາວໄທ ຈາກ 8 ແຂວງ ລຸ່ມແມ່ນໍ້າຂອງ ແລະ ອົງການ ປົກປ້ອງ ສິ່ງແວດລ້ອມ ຕ່າງໆ.

ຄໍາເຫັນ (6)
Share

ຈ໋າ

ຈາກ ປາກລາຍ

ການສ້າງເຂື່ອນ ປາກລາຍ ແລະ ແຫ່ງອື່ນ ຂອງໂຄງການລັດຖະບານ ແມ່ນດີແລ້ວ ແຕ່ຄວນສຶກສາ ຜົນກະທົບ ຕໍ່ສິ່ງແວດລ້ອມ ແລະ ຊີວຶດການດເປັນຢູ່ ຂອງປະຊາຊົນໃນພື້ນທີ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 31, 2013 10:35 AM

ສົມ

ຈາກ ເມືອງພຽງ

ການກໍ່ສ້າງ ເຄື່ອນໄຟຟ້າ ຢູ່ໄຊຍະບູລີ ແມ່ນເປັນຜົນດີ ຕໍ່ປະເທດຊາດ ຂອງພວກເຮົາ ໂດຍສະເພາະແມ່ນ ປະຊາຊົນຊາວ ແຂວງໄຊຍະບູລີ ຂອງພວກເຮົາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 14, 2013 11:09 AM

ທ້າວແດງ

ຈາກ ວຽງຈັນ

ພວກເຮົາສ້າງເຂື່ອນ ເຮັດຫັຍງ ໃຫ້ມັນຍາກ ແລະ ທຳລາຍ ສິ່ງແວດລ້ອມ ຫາວິທີທາງ ຊອກແບບໃຫມ່ດີກ່ວາເພື່ອເພີ່ມ GDP


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 11, 2013 02:00 PM

ວັນຄຳ

ຈາກ ປາກລາຍ

ພລັງງານໄຟຟ້າ ຈາກພລັງງານນ້ຳ ເປັນພລັງງານສະອາດ ລັດຖະບານລາວຕັດສິນໃຈສ້າງ ຖືກຕ້ອງແລ້ວ ຖ້າຈະປະທ້ວງຄັດຄ້ານ ໄປປະທ້ວງ ການສ້າງພະລັງງານ ໄຟຟ້ານິວເຄຍດີກ່ວາ ຖ້າທ່ານຮັກໂລກແທ້ຈິງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2012 10:58 AM

ວັນຄຳ

ຈາກ ປາກລາຍ

ສ້າງເຄື່ອນໄຊຍະດີ ມີລາຍໄດ້ເຂົ້າປະເທດ ເພື່ອຫຼຸດພົ້ນຈາກ ປະເທດດ້ອຍພັດທະນາ ແຕ່ລັດຖະບານ ຕ້ອງໃສ່ໃຈເປັນພິເສດ ກັບປະຊາຊົນ ທີ່ຢູ່ໃນພື້ນທີ່ ທີ່ໄດ້ຮັບຜົນກະທົບ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2012 10:28 AM

ເບິ່ງຄວາມເຫັນທັງໝົດ.

ເຕັມຫນ້າ