ຊາວວຽງຈັນກັງວົນໃນວັນ ກິລາຊີເກັມສ໌

ຊາວນະຄອນຫລວງວຽງຈັນ ຈໍານວນນຶ່ງ ກັງວົນວ່າ ການແຂ່ງຂັນ ກິລາຊີເກັມສ໌ ຄັ້ງທີ 25 ທີ່ລາວເປັນເຈົ້າພາບ ໃນເດືອນທັນວາ 2009 ຈະບໍ່ຄຶກຄື້ນ ດັ່ງທີ່ຄາດໝາຍ.
ມະນີຈັນ
2009-11-30
Share

ໃນຂນະທີ່ກໍາລັງ ນັບຖອຍຫລັງ count down ວັນເປີດການແຂ່ງຂັນ ງານມະຫາກັມ ກິລາຊີເກັມສ ຄັ້ງທີ 25 ຢູ່ນີ້ ມີຊາວລາວຫລາຍຄົນ ທີ່ຍັງກັງວົນວ່າ ເມື່ອເຖິງຊ່ວງການແຂ່ງຂັນ ບັນຍາກາດ ອາຈບໍ່ຄຶກຄື້ນ ຄືດັ່ງທີ່ຄາດເອົາໄວ້. ຕາມຄໍາເວົ້າຂອງ ຊາວນະຄອນຫລວງ ວຽງຈັນທ່ານນຶ່ງ ຕໍ່RFA.

ທ່ານວ່າ ສາເຫດທີ່ພາໃຫ້ ພວກເຂົາເຈົ້າຮູ້ສຶກ ເຊັ່ນນັ້ນກໍຍ້ອນວ່າ ທາງການກ່ຽວຂ້ອງ ໄດ້ປະກາດເລື້ອງ ການສັນຈອນວ່າ ໃນຊ່ວງຊີເກັມສ ເສັ້ນທາງຈາກຕົວເມືອງ ໄປສູ່ສນາມກິລາ ແຫ່ງຊາດຫລັກ 16 ຄື: ຖນົນລ້ານຊ້າງ ແລະ ຖນົນໃກສອນ ພົມວິຫານ ນັ້ນເພິ່ນໃຫ້ສະເພາະ ສໍາລັບແຂກທາງການ, ການນໍາຂັ້ນສູງ, ນັກກິລາ ແລະເຈົ້າໜ້າທີ່ ທຸກປະເທດ ທີ່ມາເຂົ້າຮ່ວມ ການແຂ່ງຂັນນັ້ນໃຊ້. ສ່ວນປະຊາຊົນ ທົ່ວໄປໃຫ້ໃຊ້ ເສັ້ນທາງເວີ້ງ ຫລືທາງອ້ອມເມືອງ ຊຶ່ງສ່ວນໃຫຍ່ ກໍມີສະພາບ ບໍ່ຄ່ອຍດີແລະຕ້ອງ ໃຊ້ເວລາຫລາຍກ່ວາ.

ສໍາລັບວັນປິດ ແລະເປີດງານ ກໍຫ້າມຂີ່ຣົຖ ສ່ວນຕົວໄປເດັດຂາດ. ຣາຄາເຂົ້າຊົມ ການແຂ່ງຂັນກິລາ ກໍແພງຫລາຍ ເຊັ່ນ: ກິລາປະເພດ ທີ່ມີຄວາມນິຍົມ ຄື:  ເຕະບານຍິງ ຮອບທັມມະດາ ປີ້ນຶ່ງ50ພັນກີບ. ສ່ວນຮອບ ຊະນະເລີດ ແມ່ນ70ພັນກີບ ແລະ1ແສນກີບ. ສ່ວນເພດຊາຍ ຮອບຄັດເລືອກ ຫລືຮອບທັມມະດາ 50ຫາ70ພັນກີບ ຕໍ່1ປີ້ ແລະ ຮອບຊິງຊະນະເລີດ ແມ່ນ70ພັນກີບ ແລະ 1ແສນກີບຕໍ່1ປີ້. ມວຍປີ້ນຶ່ງ 50ພັນກີບ. 

ສ່ວນກິລາປະເພດ ອຶ່ນໆທີ່ບໍ່ຄ່ອຍ ມີຄວາມນິຍົມ ແມ່ນ20ພັນກິບ ແລະ 30ພັນກີບຕໍ່1ປີ້. ຖ້າທຽບໃສ່ເງິນເດືອນ ຫລືຣາຍໄດ້ຂອງ ພນັກງານພັກ-ຣັຖ ແລະ ປະຊາຊົນທົ່ວໄປແລ້ວ ເຫັນວ່າ ຣາຄາສູງຫລາຍບໍ່ຄຸ້ມຄ່າ. ສໍາລັບກິລາ ປະເພດທີ່ບໍ່ ຕ້ອງຈ່າຍເງິນ ມີຢູ່8ປະເພດ ຄື: ຍົກນໍ້າໜັກ ຍິງທະນູ ຖີບຣົຖຖີບ ແລ່ນແລະລານ ເປັນຕົ້ນ.

ນອກຈາກນີ້ ເລື້ອງການປ້ອງກັນ ຄວາມສງົບຮຽບຮ້ອຍ ກໍເຫັນວ່າເຂັ້ມງວດ ແລະ ການຈັດກອງກໍາລັງ ພິເສດຝຶກຊ້ອມ ປ້ອງກັນການຈາຣະຈົນ ແລະ ສລາຍການປະທ້ວງ ກໍຍິ່ງເຮັດໃຫ້ຄົນ ສ່ວນໃຫຍ່ ມີຄວາມຢ້ານກົວ ວ່າຈະເກີດເຫດຮ້າຍ ແນວໃດແນວນຶ່ງຂຶ້ນ. ຊາວນະຄອນຫລວງວຽງຈັນ ທ່ານນີ້ກ່າວ.

Anonymous says:
Dec 02, 2009 09:51 PM

as this time it is the first time for laos that was got to be host for 25 th SEAgame so every thing we have to make it sure and so clear you know and you have to understand for the reason that our gorvernment have to do like that. i am evry proud of laos and loa gorvernment that have very very good ability to make around the world know that laos is one country in the world. i hope most of lao peaple understand but some d0on't understand but however now they don't understand but i am sure that one more time they will be understand.ok
i am loa blood.
my mother is lao
my father is lao
so i am lao
go laos go laos

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ