ນັກທ່ອງທ່ຽວໄທທ່ານນຶ່ງເປີດເຜີຍ ໃຫ້ຜູ້ສື່ຂ່າວວິທຍຸເອເຊັຍເສລີຮູ້ເຖິງ ຄ່າລົດໂດຍສານຫລື ລົດຕຸກໆ ສຳລັບ ນັກທ່ອງທ່ຽວທີ່ໄປທ່ອງທ່ຽວ ນະຄອນຫລວງວຽງຈັນສ.ປ.ປ.ລາວວ່າແພງກວ່າ ລາຄາ ທຳມະດາຫລາຍ:
" ຄ່າ ລົດ ໂດຍສານ ທີ່ ວຽງຈັນ ທີ່ ເຄີຍ ໄປ ທ່ຽວ ໄປ ຖາມ ລາຄາ ເຂົາ ບອກ ລາຄາ ທີ່ ແພງ ຫລາຍ ກວ່າ ທຳ ມະ ດາ ເພາະວ່າ ພໍ ຖາມ ຄົນ ທ້ອງ ຖິ່ນ ເຊັ່ນ ພວກ ແມ່ ຄ້າ ທີ່ ບໍ່ ແມ່ນ ເຈົ້າຂອງ ລົດ ເຂົາ ບອກ ວ່າ ລາຄາ ນັ້ນ ແພງ ຂື້ນ ເຖິງ 2 ເທົ່າ . "
ນອກຈາກ ການຂື້ນ ຄ່າໂດຍສານ ສູງກວ່າແລ້ວທ່ານຍັງວ່າມີກຸ່ມພໍ່ຄ້າ ຫົວໃສ ໄດ້ເຂົ້າມາເຮັດແບບສະໜິດສະໜົມແລະ ຫລອກຂາຍຂອງ ດ້ວຍລາຄາທີ່ແພງກວ່າ ລາຄາ ຢູ່ທ້ອງຕະຫລາດ ທົ່ວໄປຫລາຍເທົ່າ.
ດັ່ງນັ້ນທ່ານຈຶ່ງເຕືອນ ຜູ້ທີ່ຈະໄປທ່ອງທ່ຽວ ວ່າມີຄວາມຈຳເປັນ ຢ່າງຍິ່ງທີ່ຄວນສຶກສາ ໃຫ້ຮູ້ ຄ່າໂດຍສານແລະ ລາຄາສິນຄ້າ ໃນລາວ ແບບພາງໆ ເອົາໄວ້ ກ່ອນທີ່ ຈະໄປທ່ຽວ. ພ້ອມກັນນັ້ນທ່ານສົມພົງຈັນພານິດນັກທຸລະກິດໄທຢູ່ນະຄອນຫລວງວຽງຈັນກໍໄດ້ກ່າວເຖິງ ປະສົບປະການ ຂອງນັກທ່ອງທ່ຽວໄທທີ່ໄດ້ ປະເຊີນມາວ່າ:
"ທ່ານ ວ່າ ມັນ ຕ້ອ ງ ມາ ຢູ່ດົນໆ ແບບ ນີ້ ແລ້ວຈະ ຮູ້ ເວລາ ເຂົາ ຮູ້ ເຮົາ ແລ້ວ ເຂົາ ຈະ ບໍ່ກ້າ ໂກງ . ຖ້າ ແບບ ນັກ ທ່ອງ ທ່ຽວ ໄປ ມັນ ກໍ ເປັນ ວັດທະ ຈັກ ຄື ເຮົາ ໄປ ທ່ຽວບ່ອນ ອື່ນ ມັນ ກໍ ເປັນໝູ ໃຫ້ ພວກ ເຂົາ"
ທ່ານວ່າການທີ່ ນັກທ່ອງທ່ຽວຖືກກຸ່ມພໍ່ຄ້າ ຕາມຕະຫລາດຫລື ກຸ່ມຄົນ ຂັບລົດຮັບຈ້າງກົ່ງລາຄາ ສິນຄ້າຫລື ຂື້ນຄ່າ ໂດຍສານທີ່ແພງກວ່າ ລາຄາປົກກະຕິ ຫລາຍເປັນເທົ່າຕົວນັ້ນກໍເປັນ ເລື່ອງທຳມະດາເພາະວ່າກຸ່ມພໍ່ຄ້າແລະ ກຸ່ມຄົນ ຂັບລົດຮັບຈ້າງແມ່ນນິຍົມ ຫາລາຍໄດ້ ເພີ້ມເຕີມ ຈາກການຂື້ນລາຄາ ສຳລັບ ນັກທ່ອງທ່ຽວ ມາໂດຍຕະຫລອດ ຢູ່ແລ້ວ.