ຜົນຮ້າຍຈາກການ ຈູດໄຮ່ເຮັດນາ

ຄວັນຈາກກາຣຈູດໄຮ່ ໃນແຂວງວຽງຈັນ ສົ່ງຜົລຮ້າຍຕໍ່ ສຸຂພາບ ຂອງປະຊາຊົນ ແລະສິ່ງທີ່ມີຊີວິດ.
ຫວາດ ສີມູນ
2010-03-26
ອີແມວລ໌
ຄໍາເຫັນ
Share
ພິມ

ແຂວງວຽງຈັນ ກຳລັງປະສົບ ກັບບັນຫາໝອກຄວັນ ທີ່ສົ່ງຜົລຮ້າຍ ຕໍ່ສຸຂພາບ ຂອງປະຊາຊົນ ກໍເປັນໄດ້ ຍ້ອນປະຊາຊົນ ຈູດໄຮ່-ເຜົາປ່າ ເພື່ອຕຣຽມກາຣປູກ ພືຊພັນ ຕ່າງໆ ດັ່ງເຈົ້າໜ້າທີ່ ຫ້ອງກາຣສິ່ງ ແວດລ້ອມ ທ່ານໜຶ່ງໄດ້ເວົ້າວ່າ:

“ຣະດູນີ້ກໍເປັນ ກາຣຈູດປ່າ ເຂົາເອີ້ນຈູດໄຮ່ ປະຊາຊົນຖາງປ່າ ເຮັດໄຮ່ ແລະມັນເຮັດໃຫ້ ໝອກຄວັນນີ້ເປັນພິສ ຍາມນີ້ ເພາະປະຊາຊົນ ຈູດໄຮ່”.

ພ້ອມດຽວກັນນີ້ ທ່ານກໍວ່າ ກາຣຈູດໄຮ່ຂອງ ປະຊາຊົນ ເປັນກາຣກຳຈັດ ວັຊພືຊທີ່ສະດວກ ແລະງ່າຍທີ່ສຸດ ແຕ່ກໍເປັນວິທີກາຣ ທີ່ບໍ່ຖືກຕ້ອງຕາມ ຫລັກວິຊາກາຣ ເພາະເປັນກາຣສ້າງ ຄວາມເສັຽຫາຍຕໍ່ ສະພາບແວດລ້ອມ ແລະສ້າງມົລພິສ ສົ່ງຜົລກະທົບ ຕໍ່ສຸຂພາບຂອງ ປະຊາຊົນນຳດ້ວຍ:

“ພວກເຮົາກໍມີແຕ່ ໄປເຜີຽແພ່ ສ້າງຈິຕສຳນຶກ ເພື່ອປ້ອງກັນບໍ່ໃຫ້ ຕັດໄມ້ທຳລາຍປ່າ ຫລືວ່າ ຈູດປ່າເກີນຂອບເຂຕ ແລະ ກໍຝຶກອົບຮົມ ໃຫ້ປະຊາຊົນ ຢູ່ເຂຕເມືອງນີ້ ບໍ່ໃຫ້ຈູດໄມ້ ທະລາຍປ່າ ບໍ່ໃຫ້ໃຊ້ຢາ ປາບສັຕຣູພືຊ ຕໍ່ພືຊກະສິກັມ”.

ເຈົ້າໜ້າທີ່ລາວ ທ່ານນີ້ໄດ້ເວົ້າຢ້ຳວ່າ ກາຣຈູດປ່າຂອງ ປະຊາຊົນ ຖືເປັນກາຣສ້າງ ຜົລກະທົບ ຕໍ່ສິ່ງແວດລ້ອມ ຫລາຍປະກາຣ ຊຶ່ງນອກຈາກມີກາຣ ຕັດຕົ້ນໄມ້ແລ້ວນັ້ນ ຍັງມີກາຣຈູດໄຮ່ ທີ່ກໍ່ໃຫ້ເກີດມົລພິສ ທາງອາກາສ ເປັນບັນຫາສຳຄັນ ທີ່ທາງກາຣລາວ ກໍບໍ່ສາມາດ ແກ້ໄຂໄດ້ຈັກເທື່ອ.

ເຕັມຫນ້າ