ແຮງງານຕ່າງດ້າວໃນລາວ

ຊາວລາວ ມີຄວາມຂ້ອງໃຈ ກ່ຽວກັບ ການຄຸ້ມຄອງ ແຮງງານຕ່າງດ້າວ ໃນສປປລາວ.
ມະນີຈັນ
2010-10-15
ອີແມວລ໌
ຄໍາເຫັນ
Share
ພິມ

ກົດຟັງສຽງ

ມາເຖິງ ປັຈຈຸບັນນີ້ ປະຊາຊົນລາວ ຍັງຂ້ອງໃຈກ່ຽວກັບ ການກວດກາ ແລະການຄຸ້ມຄອງ ຄົນຕ່າງດ້າວຢູ່ລາວ ເພາະເຫັນວ່າ ມີຄົນຈາກປະເທດຈີນ ເຂົ້າມາຫາຢູ່ຫາກິນ ຢູ່ລາວຫລາຍຂຶ້ນ ໂດຍສະເພາະ ການເຂົ້າມາຄ້າຂາຍ ຫລືບໍຣິການ ຕ່າງໆ. ການຂາຍເຄື່ອງ ຢູ່ຕາມແຄມທາງ ແລະ ຕາມສາທາຣະນະ ໃນນະຄອນຫລວງ ວຽງຈັນ ສ່ວນຫລາຍ ແມ່ນຄົນຈີນ ເປັນເຈົ້າ ການຄຸ້ມຄອງ. ດັ່ງນັ້ນຊາວລາວ ຈຶ່ງຢາກສເນີ ຜ່ານສື່ມວນຊົນ ຮຽກຮ້ອງໃຫ້ ຣັຖບານ ເອົາໃຈໃສ່ ກວດກາຢ່າງເຂັ້ມງວດ.

ທາງການລາວ ວ່າ ການແກ້ໄຂບັນຫາ ແຮງງານ ຕ່າງປະເທດທີ່ ເຂົ້າມາ ໃນລາວ ແບບບໍ່ຖືກຕ້ອງ ຕາມກົດໝາຍ ເປັນບັນຫາທີ່ຫລໍ່ແຫລມ ລະອຽດອ່ອນ ແລະເປັນຄວາມຮັບຜິດຊອບ ຂອງຫລາຍ ພາກສ່ວນ ໃນການແກ້ໄຂ.  ການຄຸ້ມຄອງ ການເຂົ້າ-ອອກປະເທດ ແລະການພັກອາສັຍ ຂອງຄົນຕ່າງດ້າວ ຢູ່ລາວ ເປັນຄວາມຮັບຜິດຊອບ ຂອງ ກະຊວງປ້ອງກັນ ຄວາມສງົບ. ສ່ວນການອະນຸຍາດ ໃຫ້ຄົນຕ່າງດ້າວ ມາຂາຍແຮງງານ ຢູ່ລາວ ເປັນຄວາມ ຮັບຜິດຊອບ ຂອງກະຊວງແຮງງານ ແລະສວັດດີການ-ສັງຄົມ. ສໍາລັບ ການອະນຸມັດ ການລົງທຶນ ແລະດໍາເນີນທຸຣະກິດ ຄ້າຂາຍຕ່າງໆ ຢູ່ໃນຄວາມຮັບຜິດຊອບ ຂອງກະຊວງແຜນການ ແລະການລົງທຶນ ພ້ອມດ້ວຍກະຊວງ ອຸດສາຫະກັມ ແລະການຄ້າ.

ແຕ່ເຖິງຈະມີຫລາຍ ພາກສ່ວນ ຮັບຜິດຊອບ ສະພາບດັ່ງກ່າວ ກໍ່ບໍ່ມີຫຍັງ ປ່ຽນແປງ ຊໍ້າຍັງມີແນວໂນ້ມ ຮ້າຍແຮງຂຶ້ນໄປເລື້ອຍໆ. ທາງການລາວ ໃຫ້ເຫດຜົລວ່າ ປະເທດລາວ ມີຊາຍແດນຕິດກັບ ຫລາຍປະເທດ ເພື່ອນບ້ານ ເຊັ່ນ ວຽດນາມ ແລະຈີນ ຊຶ່ງສ່ວນໃຫຍ່ ເປັນຊາຍແດນ ທີ່ປົກຄຸມໄປດ້ວຍ ປ່າໄມ້ ແລະເປັນເຂດພູດອຍ ມີຫລາຍດ່ານຊາຍແດນ ຣະດັບແຕກຕ່າງກັນ ອັນເປັນເງື່ອນໄຂ ສະດວກ ໃຫ້ແກ່ການເດີນທາງ ເຂົ້າ-ອອກ ຂອງຄົນງານ ຕ່າງປະເທດ ແລະຍາກ ໃນການກວດກາ ແລະຄຸ້ມຄອງຂອງ ເຈົ້າໜ້າທີ່. ອີກປະການນຶ່ງ ຖ້າບໍ່ມີການ ຜ່ອນສັ້ນ ຜ່ອນຍາວ ກໍຢ້ານມີຜົລ ກະທົບກະເທືອນ ຕໍ່ການພົວພັນ-ຮ່ວມມື ທີ່ດີນໍາກັນ ຣະຫວ່າງ ສປປລາວ ກັບວຽດນາມ ແລະກັບຈີນ ທີ່ເປັນເພື່ອນບ້ານ ຍຸທສາດຂອງລາວ.

ຄໍາເຫັນ (4)
Share

ຜູ້ຫວັງດີຕໍ່ຊາດ

ຈາກ ລາວ

ຕາມຄວາມຄິດຂອງຂ້າພະເຈົ້າແລ້ວ ບັນຫາທີ່ກ່າວມາຂ້າງເທິງນັ້ນມັນເປັນບັນຫາໃຫຍ່ຫຼາຍ ເພາະຖ້າເຂົາເຈົ້າເຂົ້າມາຫຼາຍ, ມາຢູ່ດົນ, ມາຍາດອາຊີບຄົນທ້ອງຖິນ ແລະ ຕໍ່ໄປປະເທດນີ້ກໍ່ຕ້ອງເປັນຂອງເຂົາເຈົ້າ ຖ້າຫາກລາວເຮົາຍັງປະຕິບັດຄືແນວນີ້ ແລະ ນີ້ກໍ່ແມ່ນການກືນກິນກັນແບບບໍ່ຮູ້ໂຕ

ນັບຖື ແລະ ຫວັງດີ,

Jul 26, 2012 03:13 AM

ຜູ້ອ່ານທີ່ບໍ່ອອກຊື່

คนต่างชาติออกความเห็นได้ไหมครับ

Sep 25, 2011 06:49 AM

ຜູ້ອ່ານທີ່ບໍ່ອອກຊື່

คนต่างชาติออกความเห็นได้ไหมครับ

Sep 25, 2011 06:48 AM

ຜູ້ອ່ານທີ່ບໍ່ອອກຊື່

คนต่างด้าวมีสิทธืแสดงความเห็นไหมครับ

Sep 25, 2011 06:43 AM

ເຕັມຫນ້າ