ຊາວໂດງໂພສີ ຕ້ອງເສັຍຖິ່ນລໍາເນົາ

ຊາວບ້ານ ດົງໂພສີ ຈຳນວນນຶ່ງ ໃນເຂດ ນະຄອນຫລວງ ວຽງຈັນ ບໍ່ພໍໃຈ ທີ່ຈະຕ້ອງ ສູນເສັຍ ທີ່ດິນໃຫ້ແກ່ ບໍຣິສັດ ລອງທັນ ກ໊ອຝ ຂອງ ວຽດນາມ.
ອະວາຣີ
2012-01-13
ອີແມວລ໌
ຄໍາເຫັນ
Share
ພິມ
ສ່ວນນື່ງຂອງພື້ນທີ່ ໃນບ້ານດົງໂພສີ ທີ່ກໍາລັງພັທນາ ແລະລິເລີ້ມ ມາໄດ້ລະຍະ ນື່ງແລ້ວ ໂດຍບໍຣິສັດ ລອງທັນກ໊ອຝ ຂອງວຽດນາມ
ສ່ວນນື່ງຂອງພື້ນທີ່ ໃນບ້ານດົງໂພສີ ທີ່ກໍາລັງພັທນາ ແລະລິເລີ້ມ ມາໄດ້ລະຍະ ນື່ງແລ້ວ ໂດຍບໍຣິສັດ ລອງທັນກ໊ອຝ ຂອງວຽດນາມ
RFA

ກົດຟັງສຽງ

ບໍຣິສັດ ລອງທັນ ກ໊ອຝ ຂອງວຽດນາມ ຈະໃຊ້ ທີ່ດິນນັ້ນ ສ້າງເປັນ ສນາມກ໊ອຝ ແລະ ໂຮງແຮມ ຫລືເປັນເຂດ ເສຖກິດສະເພາະ. ຊາວບ້ານ ເວົ້າວ່າ ທີ່ດິນ ຂອງພວກຕົນ ແມ່ນບ່ອນຢູ່ ບ່ອນທຳມາ ຫາກິນ ມາເປັນ ເວລາດົນນານ ຈື່ງບໍ່ຢາກ ປະລະ ບໍ່ຢາກຂາຍ ແຕ່ວ່າຢູ່ ສປປລາວ ປະຊາຊົນ ບໍ່ສາມາດ ຕໍ່ວ່າຮຽກຮ້ອງ ຂັດຂືນໄດ້. ດັ່ງຊາວດົງໂພສີ ຜູ້ນຶ່ງເວົ້າວ່າ:

“ບາງຄົນ ເຂົາກະຖືວ່າ ເປັນທີ່ ມໍລະດົກ ຕົກທອດ ເຂົາກະບໍ່ ຢາກຂາຍ ຄືເຂົາເວນຄືນ ໃຫ້ຫັ້ນນະ ແຕ່ກໍຕ້ອງ ຈຳເປັນ ກະຕ້ອງໄດ້ ຂຍາຍໄປ ຢູ່ພີ້ ສ່ວນຫລາຍມັນ ຄັດຄ້ານ ບໍ່ໄດ້.”

ຊາວບ້ານ ເວົ້າອີກວ່າ ພື້ນທີ່ດິນ ທີ່ຕ້ອງໄດ້ ສະລະໃຫ້ ຣັຖບານນັ້ນ ເປັນບ່ອນ ຜລິດຜົນ ສ້າງຣາຍໄດ້ ໃຫ້ແກ່ຄອບຄົວ ມາໂດຍຕລອດ ແຕ່ເມື່ອ ຖືກຍຶດໄປ ພວກເຂົາເຈົ້າ ກໍເສັຍດາຍ ຖ້າອາໄສ ໄປຊອກຫາໃໝ່ ກໍບໍ່ຮູ້ວ່າ ຈະໄປຢູ່ເຂດໃດ ໄປໄກຊໍ່າໃດ? ເງິນຄ່າຊົດເຊີຍ ຈະໄດ້ເທົ່າໃດ? ພໍທີ່ຈະຊື້ ດິນບ່ອນໃໝ່ ຫຼືບໍ່?

ແຕ່ປະຊາຊົນ ໃນເຂດບ້ານ ດົງໂພສີ ສ່ວນນຶ່ງ ກໍກັບດີໃຈ ທີ່ຈະໄດ້ເງິນ ຈາກການຂາຍ ທີ່ດິນ ເພາະບໍ່ໄດ້ ສ້າງສາພັທນາ ແນວໃດເລີຍ ໃນດິນຕອນນັ້ນ.

ເຖິງຢ່າງໃດ ກໍຕາມ ຊາວບ້ານ ທີ່ຈະໄດ້ຮັບ ເງິນຄ່າຊົດເຊີຍ ນັ້ນຕ້ອງມີ ໃບຕາດິນ ຢ່າງຄັກແນ່ ມີຫລາຍຄອບຄົວ ບໍ່ມີ ໃບຕາດິນ ແຕ່ໄດ້ຢູ່ອາໄສ ແລະທຳມາ ຫາກິນ ໃນບໍຣິເວນ ນັ້ນມາຫລາຍ ສິບປີ ຕາມກົດໝາຍ ແລ້ວ ພວກນີ້ ກໍຈະບໍ່ໄດ້ ຄ່າຊົດເຊີຍ ແນວໃດເລີຍ ແຕ່ທາງການລາວ ເວົ້າວ່າ ຊາວບ້ານ ຈໍາພວກນີ້ ກໍສາມາດ ຮ້ອງຂໍໄດ້.

ຄໍາເຫັນ (7)
Share

ຜູ້ອ່ານທີ່ບໍ່ອອກຊື່

ທັ້ງໆທີ່ ປະຊາຊົນຍັງບໍ່ມີທີ່ດິນຈະເຮັດການຜະລິດ ແລະສີ່ງປຸກສ້າງ ແຕ່ເອົາໄປສ້າງເດີ່ນກອບ ມັນສົມຄວນແລ້ວບໍ່?? ຈະແກ້ໄຂຄວາມທຸກຈົນໄດ້ແນວໃດ? ບໍ່ສະເພາະແຕ່ບັນຫາດັ່ງກ່າວນີ້ ຍັງມີຫຼາຍບ່ອນເຊັ່ນ:ການສ້າງສະຖານີໄຟຟ້າ ໂດຍເອົາເນື້ອທີ່ເປັນຈຳນວນຫຼາຍເຮັກຕາ ແຕ່ການກໍ່ສ້າງຕົວຈິງມີບໍ່ເຖີງ1ເຮັກຕາຊ້ຳ ເຊີ່ງກຳລັງມີບັນຫາກັນຢູ່ ແລະຜູ້ມີອຳນາດກຳລັງໃຊ້ວິທີຕ່າງໆ ເພື່ອໃຫ້ໄດ້ທີ່ດິນດັ່ງກ່າວ RFA ຊ່ວຍກວດເບີ່ງແດ່ ເພື່ອໃຫ້ສັງຄົມຮັບຮູ້ນຳກັນ ວ່າຜູ້ກ່ຽວເຮັດຖືກຕ້ອງແລ້ວບໍ່?

Jan 16, 2012 10:31 PM

ຜູ້ອ່ານທີ່ບໍ່ອອກຊື່

ສັງເກດເຫັນວ່າ ການສ້າງເດີ່ນກອບ ໄດ້ເປັນທີ່ນິຍົມຂອງຜູ້ມີອຳນາດ ແລະນາຍທືນ ຄົນຮັ່ງມີໄປແລ້ວ ເຊີ່ງgiafໃຫ້ປະຊາຊົນຈຳນວນບໍ່ໜ້ອຍ ໃນການສູນເສຍທີ່ດິນ ໃນປັດຈຸບັນຢູ່ແຂວງຫຼວງພະບາງ ມີເດີ່ນກອບ2ເດີ່ນຄື ເດີ່ນຂອງຊາວເກົາຫຼີ ບ້ານ ຫວ້ຍພາຍ ແລະເກີດຂື້ນຕື່ມ 1ເດີ່ນມີເນືອທີ່ ຫຼາຍສິບເຮັກຕາ ຢູ່ເຂດບ້ານ ຊຽງມວກ ເມືອງຫຼວງພະບາງ ເທີງເຂື່ອນນ້ຳດົງ ເຊີ່ງເຈົ້າຂອງກິດຈະການ ເປັນຂອງພະນັກງານລັດວິສາຫະກິດໄຟຟ້າລາວ ເປັນຜູ້ມີອຳນາດຫຼາຍໃນທ້ອງຖີ່ນ ສົ່ງຜົນເຮັດໃຫ້ປະຊາຊົນຕ້ອງສູນເສຍທີ່ດິນທຳກິນ ຈຳນວນຫຼາຍ ຂໍຊ່ວຍ RFA ກວດກາເບີ່ງຄືນແດ່ວ່າເປັນຄວາມຈິງຫຼືບໍ່????

Jan 16, 2012 10:17 PM

ຜູ້ອ່ານທີ່ບໍ່ອອກຊື່

Very soon Loas will disappear from the world map. Loas will become one province of the Vietnam or chinese. Many thanks to the new lao govt.

Jan 15, 2012 08:21 PM

ຜູ້ອ່ານທີ່ບໍ່ອອກຊື່

ຂ້າພະເຈົ້າບໍ່ເຫັນດີຣັຖບານລາວທຳຢ່າງນີ້.ໂດຍສະເພາະໂຍກຍ້າຍປະຊາຊົນອອກຈາກທີ່ທຳກິນມາຫລາຍຊົ່ວຄົນ.ຖ້າວ່າຕ້ອງການໃຫ້ຕ່າງຊາດສຳປະທານຄວນຫາດົງດອນຫລືສາຍປ່າ.ກອ່ນທີ່ຈະສ່າວນາໄດ້ແຕ່ລະຜັ່ນໃຊ້ເວລາຈັກປີ? ຫລືພວກຣັຖບານຈະມີແຜນການໃຫ້ປະຊາຊົນຢຸດເຮັດນາກິນແລ້ວ. ຂໍຝາກຄວາມຄິດເຫັນໄປຫາພວກຣັຖບານດວ້ຍ!!!

Jan 14, 2012 01:39 PM

ຜູ້ອ່ານທີ່ບໍ່ອອກຊື່

ຄວນປັບປຸງວິທີການໃຊ້ພາສາລາວ ໂດຍສະເພາະການຂຽນ ຄວນໃຫ້ຖືກຕ້ອງຫຼາຍກວ່ານີ້
ຂໍຂອບໃຈ

Jan 14, 2012 03:22 AM

ເບິ່ງຄວາມເຫັນທັງໝົດ.

ເຕັມຫນ້າ