ສິນຄ້າການກະເສດ ບໍ່ກູ້ມທຶນ

ຊາວ ກະສີກອນ ລາວ ທີ່ນະຄອນຫລວງ ວຽງຈັນ ໄດ້ຮັບ ຜົລກະທົບ ຈາກຣາຄາ ພືດຜົນຜລິດ ຕົກຕ່ຳ ແລະ ເຄື່ອງອຸປກອນ ການກະເສດ ພ້ອມທັງ ຝຸ່ນປຸ໋ຍ ຢາຂ້າແມງໄມ້ ຕ່າງໆ ກັບມີຣາຄາ ສູງຂື້ນ, ເຮັດໃຫ້ ຂະເຈົ້າຂາດ ລາຍໄດ້ ຍັງບໍ່ແລ້ວ ຍັງຕ້ອງ ຕິດຫນີ້ ເພີ້ມອີກ. ດ່ັງຊາວ ກະສີກອນ ທີ່ເມືອງ ຫາດຊາຍຟອງ ຜູ້ນື່ງເວົ້າວ່າ:

"ຄົນກໍອຶດເງິນ ແລ້ວເຮັດໃຫ້ ຄົນຊື້ຂອງ ຫນ້ອຍລົງ ເພາະວ່າ ສິນຄ້າ ກະສີກັມ ປະເພດ ຢູ່ບ້ານ ມັນຖືກ ຄົນບໍ່ມີເງີນ ຂາຍຜັກ ມັນກໍ່ຖືກ ເຂົາບໍ່ມີ ເງິນມາຊື້ ລູກຄ້າ ກໍ່ຫລຸດລົງ ຝຸ່ນປຸ໋ຍກໍ່ແພງ ບໍ່ມີຄົນ ມາຊື້ ຂາຍກໍ່ບໍ່ໄດ້".

ຊາວນາຄົນ ນັ້ນ ກ່າວເພີ້ມວ່າ ສິນຄ້າ ໃນຮ້ານຄ້າ ຕ່າງໆ ກໍຂື້ນ ຣາຄາຫມົດ ຍ້ອນຣາຄາ ນ້ຳມັນແພງ ຄ່າຂົນສົ່ງ ແພງ ຈື່ງເຮັດໃຫ້ ສິນຄ້າແພງ ແຕ່ຣາຄາ ຜົລຜລິດ ທາງດ້ານ ການກະເສດ ແຮ່ງຫລຸດລົງ ແລະ ຊາວສວນ ສ່ວນໃຫຍ່ ກໍ່ບໍມີເງີນ ຈະຊື້ສີ່ງຂອງ ມາເຮັດ ການກະເສດ ຕໍ່ໄປ.

ເຈົ້າຂອງຮ້ານຄ້າ ຍ່ອຍແຫ່ງນື່ງ ໃນເຂດນັ້ນ ເວົ້າວ່າ ສິນຄ້າ ລາຍອື່ນໆນັ້ນ ຂື້ນຣາຄາຫມົດ ແຕ່ສີນຄ້າ ທາງດ້ານ ກະເສດ ບໍ່ຂື້ນຣາຄາ ພໍ່ຄ້າຄົນກາງ ເປັນຜູ້ ກຳນົດຣາຄາ ໃຫ້ຊາວນາ ບໍ່ມີທາງເລືອກ ກໍ່ຂາຍໄປ ແບບຫລຸບທືນ.

ສິນຄ້າ ປະເພດອື່ນ ເມື່ອຣາຄາ ຂື້ນແລ້ວ ຈະບໍ່ຫລຸດລົງ ໂດຍງ່າຍ ເຖິງແມ່ນວ່າ ຣາຄາ ນ້ຳມັນ ຈະຫລຸດລົງ ກໍ່ຕາມ ເຮັດໃຫ້ ຊາວນາ ຊາວສວນ ຕ້ອງທົນຕໍ່ ບັນຫາ ດັ່ງກ່າວ ບາງລາຍ ກໍ່ໄປ ປະກອບ ອາຊີບອື່ນ.