ສົພທ່ານວັງປາວຖືກຝັງ ທີ່ສຸສານເອກກະຊົນ

ຊາວມົ້ງລາວ ໄດ້ນໍາສົພ ຂອງທ່ານວັງປາວ ໄປຝັງທີ່ ສຸສານ ເອກກະຊົນ ທີ່ນະຄອນ Los Angeles.
ສິດນີ
2011.02.10
F-funeral3 ໃນວັນໄວ້ອາໄລແດ່ດວງວິນຍານຂອງອະດີດນາຍພົນວັງປາວ
RFA

ກົດຟັງສຽງ

ຫລັງຈາກ ທີ່ ທາງການ ສະຫະຣັຖ ປະຕິເສດ ທີ່ຈະ ອະນຸຍາດ ໃຫ້ຝັງທີ່ສຸສານ ທະຫານແຫ່ງຊາດ ອາລີງຕັນ ທີ່ກຸງວໍຊີງຕັນ ປະຊາຄົມ ຊາວມົ້ງລາວ ໄດ້ພາກັນນຳສົພ ຂອງອະດີດທ່ານ ນາຍພົລວັງປາວ ໄປຝັງທີ່ປ່າຊ້າ ເອກກະຊົນ ທີ່ ນະຄອນ ລອສແອນເຈີລີສ.

ກຸ່ມຊາວມົ້ງລາວ ຫລາຍພັນຄົນ ດ້ວຍການນຸ່ງເຄື່ອງ ພື້ນເມືອງຊາວມົ້ງ ໄດ້ພາກັນແຫ່ ຕາມຣົຖບັນທຸກ ສົພ ຂອງທ່ານ ວັງປາວ ຈາກເມືອງ ເຟຣສໂນ ທີ່ໄດ້ຄົບງັນ ກັນເປັນເວລາ 6 ມື້ ມາຝັງທີ່ປ່າຊ້າ ເອກກະຊົນ ທີ່ເມືອງ Los Angeles ບ່ອນທີ່ທ່ານພັກຢູ່ ໃນຣະຍະເວລາ ທີ່ທ່ານ ຍັງມີຊິວິດ.

ອະດີດ ທ່ານນາຍພົລ ວັງປາວ ເສັຽຊິວິດ ຍ້ອນໂຣຄປອດບ່ວມ ມີອາຍຸ 81 ປີ ວ່າງເດືອນກ່ອນ ທີ່ເມືອງ Fresno ຖືກຍົກຍ້ອງ ຈາກຊາວມົ້ງລາວ ວ່າເປັນວິຣະບຸຣຸດ, ວິຣະຊົນຂອງຊາດ ແລະ ນັກຕໍ່ສູ້ເພື່ອ ສິດເສຣິພາບ ຂອງຊາວມົ້ງໃນລາວ.

ຊາວມົ້ງອາເມຣິກັນ ໄດ້ຮ້ອງຂໍຕໍ່ທາງການ ສະຫະຣັຖ ໃຫ້ຝັງສົບຂອງທ່ານ ທີ່ສຸສານ ທະຫານແຫ່ງຊາດ ອາລີງຕັນ ຢ່າງສົມກຽດ ໃນນາມຜູ້ຕໍ່ສູ້ ເພື່ອຊາວ ອະເມຣິກັນ ໃນສມັຍສົງຄາມ ວຽດນາມໃນລາວ ແຕ່ກະຊວງປ້ອງກັນ ປະເທດ ສະຫະຣັຖ ບໍ່ອະນຸມັດ ແລະ ໃຫ້ເຫດຜົລວ່າ ມີພື້ນທີ່ຈຳກັດ ໃນສຸສານທະຫານແຫ່ງຊາດ ອາລີງຕັນ ຮັກສາໃວ້ສຳລັບ ຝັງສົບນັກລົບ ຄົນອະເມຣິກັນ ທີ່ສະລະຊີພ ເພື່ອຊາດ ໃນສນາມລົບ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.