ຄົນບໍ່ຮູ້ໜັງສືຍ້ອນ ສະພາບການບີບບັງຄັບ

ສາເຫດ ອັນສໍາຄັນ ຢ່າງນື່ງ ທີ່ເຮັດໃຫ້ ຄົນລາວເຮົາ ອ່ານບໍ່ອອກ ຂຽນບໍ່ເປັນ ກໍຍ້ອນ ສະພາບການ ແລະ ສີ່ງແວດລ້ອມ ບີບບັງຄັບ.
ໂພໄຊສວັດ
2011.11.23
F-Buffalo-boy ຂາດຮຽນ ຍ້ອນຕ້ອງ ເຮັດນາ ລ້ຽງຄວາຍ ຊ່ອຍຄອບຄົວ. ຂາດຮຽນ ຍ້ອນຢູ່ໄກ ຈາກໂຮງຮຽນ ຫຼືບໍ່ມີ ໂຮງຮຽນ ໃນໝູ່ບ້ານ
RFA

ກົດຟັງສຽງ

ການບໍ່ຮູ້ ໜັງສື ເປັນບັນຫາ ທີ່ ທາງການລາວ ຕ້ອງໄດ້ ແກ້ໄຂ ຢ່າງຮີບດ່ວນ ຍ້ອນວ່າ ມັນສົ່ງຜົນ ກະທົບ ຕໍ່ການ ພັທນາ ຊັພຍາກອນ ມະນຸດ. ສາເຫດຫລັກ ທີ່ເຮັດໃຫ້ ຄົນລາວ ສ່ວນໃຫຍ່ ບໍ່ຮູ້ໜັງສື ກໍຍ້ອນ ສະພາບການ ສີ່ງແວດລ້ອມ ແລະ ຄວາມຄິດ ຄວາມເຊື່ອຖື. ຊາວ ສວັນນະເຂດ ຜູ້ນຶ່ງ ໃຫ້ຄວາມຄິດເຫັນ ກ່ຽວກັບ ເຣື້ອງນີ້ວ່າ:

"ຄືບາງທີ ຄວາມເຂົ້າໃຈ ມັນກໍຍາກ ບາງທີ ເຂົາກໍຄິດວ່າ ມັນບໍ່ສໍາຄັນ ເພາະວ່າການ ທີ່ເຂົາ ບໍ່ຮູ້ຈັກ ການຮຽນນີ້ ມັນສໍາຄັນ ແນວໃດ ເຂົາອາດ ຈະບໍ່ຮູ້ວ່າ ອະນາຄົດ ຈະເປັນແນວໃດ ເຂົາກໍບໍ່ ຈໍາເປັນ ຕ້ອງຮຽນ".

ນາງໄດ້ເວົ້າ ຕໍ່ໄປວ່າ ປັດຈຸບັນ ຕາມໂຕເມືອງ ໄດ້ມີການ ປຸກສ້າງ ໂຮງຮຽນ ຂຶ້ນ ຫລາຍໆແຫ່ງ ແຕ່ ປະຊາຊົນ ສ່ວນໃຫຍ່ ຍັງບໍ່ເຫັນ ຄວາມສໍາຄັນ ໃນການຮຽນ ໜັງສື ໃນການ ສຶກສາ ຊຶ່ງນາງ ຄິດວ່າ ທາງການ ກ່ຽວຂ້ອງ ຄວນແກ້ໄຂ ປ່ຽນແປງ ແນວຄິດ ຂອງ ປະຊາຊົນ. ມີຫລາຍ ສາເຫດ ທີ່ເຮັດໃຫ້ ຄົນ ບໍ່ຢາກ ຮຽນໜັງສື, ເຊັ່ນວ່າ ຍ້ອນຄວາມມັກ ຂອງ ແຕ່ລະຄົນ ຄວາມທຸກຍາກ ແລະອື່ນໆ, ດັ່ງທີ່ ຄົນລາວ ຈາກ ແຂວງ ຄໍາມ່ວນ ຜູ້ນຶ່ງ ໃຫ້ຄວາມ ຄິດເຫັນ ວ່າ:

"ມີຫລາຍ ສາເຫດ ຄວາມທຸກຍາກ ແລະ ກໍຢູ່ ຊົນນະບົດ ໂຮງຮຽນ ມັນກໍບໍ່ຄ່ອຍ ຫລາຍປານໃດ ແຕ່ກີ້ມັນ ຈະມີແຕ່ ມະຫາວິທຍາໄລ ແລະ ກໍສະຖາບັນ ທີ່ວ່າເປັນ ຂອງ ເອກກະຊົນ ມັນຊິມີ ຢູ່ວຽງ ຫລາຍ ແລະ ປະມານ 4-5 ປີ ມານີ້ ມັນຊິມາເປີດ ຢູ່ ຕ່າງແຂວງ ຫລາຍ".

ການແກ້ໄຂ ບັນຫາ ການບໍ່ຮູ້ ໜັງສື ຂອງ ປະຊາຊົນ ໃນປັດຈຸບັນ ມີຄວາມ ກ້າວໜ້າ ກວ່າແຕ່ກ່ອນ ເພາະ ຣັຖບານ ໄດ້ເອົາໃຈໃສ່ ໃຫ້ຄວາມ ສໍາຄັນ ໃນການພັທນາ ຊັພຍາກອນ ມະນຸດ ຫລາຍຂຶ້ນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Nov 23, 2011 07:09 PM

ຂ້າພະເຈົ້າຊາບວ່າຄຳເຫັນຂອງຂ້າພະເຈົ້າຈະບໍ່ໄດ້ອອກອາ
ກາດແຕ່ພຽງຢາກໄຫ້RFAຊາບ.ຄວນເອົາສິງທີດີສ້າງສັນ
ແລະຕົວຈິງຂອງລາວອອກແດ່ບໍ່ແມ່ນພງງແຕ່ໄປຖ່າຍຮູບແລ້ວເອົາມາຄິດຂຽນຂ່າວອອກມາ,news agency ອຶ່ນເຂົາບໍ່ເຮັດແລ້ວແບບRFAເຮັດທຸກວັນນີ້,ມັນຂາດຄວາມ
ເຊື່ອຖື