ຄຣູຂາດເຂີນ ຍ້ອນຜົນຕອບແທນໜ້ອຍ

ໂຄງການ ສົ່ງຄຣູ ໄປສອນ ຢູ່ເຂດ ສອກຫລີກ ຫ່າງໄກ ຕາມ ແຜນການ ທີ່ ຣັຖບານ ສປປລາວ ວາງອອກ ນັ້ນ ບໍ່ໄດ້ຜົນ ຕາມ ເປົ້າໝາຍ ເລີຍ ເພາະ ນັກສຶກສາ ທີ່ ຮຽນຈົບ ໂຮງຮຽນ ສ້າງຄຣູ ບໍ່ຍອມ ໄປ ປະຕິບັດ ໜ້າທີ່ ຢູ່ ໃນເຂດ ຊົນນະບົດ ມັກ ຢູ່ແຕ່ ໃນເມືອງ.
ອະວາຣີ
2011-09-26
ອີແມວລ໌
ຄໍາເຫັນ
Share
ພິມ
ໂຮງຮຽນ ໃນເຂດ ຊົນນະບົດ ສປປລາວ ທີ່ມີ ນັກຮຽນ ກໍາລັງ ຄອງຖ້າ ການຊ່ວຍເຫຼືອ
ໂຮງຮຽນ ໃນເຂດ ຊົນນະບົດ ສປປລາວ ທີ່ມີ ນັກຮຽນ ກໍາລັງ ຄອງຖ້າ ການຊ່ວຍເຫຼືອ
Tyler Chapman

ກົດຟັງສຽງ

ດຣ. ມີທອງ ສຸວັນວິໄຊ ຫົວໜ້າ ກົມສ້າງຄຣູ ກະຊວງ ສຶກສາ ທິການ ແລະ ກິລາ ກ່າວວ່າ ຣັຖບານ ໄດ້ຈັດ ໂຄຕ້າ ສົ່ງຄຣູ ໄປສອນ ຢູ່ເຂດ ຊົນນະບົດ ໃນປີນີ້ ຕື່ມເຖິງ 9,000 ຄົນ; ແຕ່ ປະກົດວ່າ ມີຄຣູ ໄປ ປະຈຳການ ພຽງສ່ວນນື່ງ ເທົ່ານັ້ນ ເປັນເຫດໃຫ້ ເຂດ ສອກຫລີກ ຫ່າງໄກ ຍັງຂາດເຂີນ ຄຣູ ຢ່າງໜັກຢູ່.

ດຣ. ມີທອງ ອະທິບາຍ ສາເຫດ ວ່າ ນັກຮຽນຄຣູ ສ່ວນຫລາຍ ເປັນນັກຮຽນ ທີ່ມາຈາກ ເຂດທົ່ງພຽງ ແລະ ໃນເມືອງ; ສະນັ້ນ ເມື່ອ ຮຽນຈົບ ພວກເຂົາຈຶ່ງ ບໍ່ຍອມ ໄປສອນ ຢູ່ທີ່ອື່ນ ເພາະຊີວິດ ການເປັນຢູ່ ທຸກຍາກ ລຳບາກ; ອີກຢ່າງນຶ່ງ ໂອກາດ ຈະໄດ້ ຮັບຄວາມ ກ້າວໜ້າ, ເຊັ່ນໄດ້ ຮັບທຶນ ໄປ ສຶກສາຕໍ່ ຫລືໄປ ຝຶກອົບຮົມ ກໍມີໜ້ອຍ. ດຣ. ມິທອງ ສຸວັນວິໄຊ ກ່າວອີກວ່າ ນັບແຕ່ນີ້ ເປັນຕົ້ນໄປ ກົມສ້າງຄຣູ ຈະສ້າງ ໂຄງການ ນຶ່ງຂື້ນ ເພື່ອຊຸກຍູ້ ສົ່ງເສີມຄຣູ ໃຫ້ໄປສອນ ຢູ່ເຂດ ຊົນນະບົດ, ເຊັ່ນຈະຕັ້ງ ກອງທຶນ ເພື່ອໃຫ້ ການຊ່ວຍເຫລືອ ແກ່ຄຣູ ທີ່ ໄປສອນ ຢູ່ເຂດ ສອກຫລີກ ຫ່າງໄກ ພ້ອມທັງຈະ ປະຕິບັດ ນະໂຍບາຍ ໃຫ້ຄວາມ ສະດວກ ສະບາຍ ແກ່ຄຣູ ຢ່າງເຕັມທີ່.

ເຂດຊົນນະບົດ ຂອງລາວ ປະສົບກັບ ບັນຫາ ການຂາດເຂີນ ຄຣູ ມາເປັນ ເວລາ ຫລາຍ ສິບປີ ແລ້ວ; ຣັຖບານ ບໍ່ສາມາດ ແກ້ໄຂ ໄດ້ຈັກເທື່ອ. ໃນລະຍະ ປີກ່ອນ ຣັຖບານ ກໍອອກ ນະໂຍບາຍ ໃຫ້ ເງິນໂບນັສ ພິເສດ ແກ່ຄຣູ ທີ່ໄປສອນ ຢູ່ເຂດ ຊົນນະບົດ ແຕ່ກໍ ບໍ່ໄດ້ຜົນ. ໃນແຜນການ ປະຕິຮູບ ການສຶກສາ ຣັຖບານ ລາວ ວາງເປົ້າໝາຍ ໄວ້ວ່າ ຈະສົ່ງເສີມ ໃຫ້ເດັກນ້ອຍ ໄດ້ເຂົ້າ ໂຮງຮຽນ ຊັ້ນປະຖົມ ໝົດທຸກ ຄົນພາຍ ໃນສອງສາມ ປີ ຂ້າງໜ້າ; ແຕ່ ປັດຈຸບັນ ເປົ້າໝາຍ ດັ່ງກ່າວ ຍັງໄກ ຫລາຍ ຍ້ອນບໍ່ມີ ຄຣູ; ຢູ່ ບາງບ້ານ ບາງເມືອງ ຄຣູຜູ້ນຶ່ງ ມີນັກຮຽນ ເຖິງ 70 ຄົນ.

ຄໍາເຫັນ (3)
Share

ຜູ້ອ່ານທີ່ບໍ່ອອກຊື່

INTRODUCE LAO GOV'T TO LOOK TO LEARN MORE WITH THAILAND KO-SO-NO , HOW TO DO
SOMEONE BUDDHISTMONK TO BE TEACHER, SOMEONE POLICE, VULUNTEER

Sep 29, 2011 03:28 PM

ຜູ້ອ່ານທີ່ບໍ່ອອກຊື່

Only Good Conditions of living and Better Benefits for teachers who go to the rurals will solve this problem.Creating a fund or a special program,i think it might help.

Sep 28, 2011 01:28 PM

ຜູ້ອ່ານທີ່ບໍ່ອອກຊື່

it's hard to reach the government's goal of teaching program in Laos and impossible that government will provide a special budjet for rural teacher because most of budjet will not run out from the concern's pocket to another... it's very selfish of budjet for promote and support the rural teacher to get better livelyhood.

Sep 28, 2011 12:25 AM

ເຕັມຫນ້າ