ຟາມລ້ຽງຫມີ ຂ.ຫລວງພຣະບາງ

ກຸ່ມລ້ຽງໝີ ຊາວຈີນ ແລະ ຊາວວຽດນາມ ຖືກກົດດັນ ຈາກ ທາງການ ໃນປະເທດ ຂອງຕົນເອງ ໃຫ້ປິດ ກິຈການ ຈື່ງພາກັນ ຫັນມາເປີດ ຟາມລ້ຽງໝີ ໃນເມືອງລາວ.
ສິດນີ
2012-01-12
ອີແມວລ໌
ຄໍາເຫັນ
Share
ພິມ
ຄອກລ້ຽງໝີ ທີພໍໄດ້ມາຕຖານ ໃນແຂວງວຽງຈັນ
ຄອກລ້ຽງໝີ ທີພໍໄດ້ມາຕຖານ ໃນແຂວງວຽງຈັນ
RFA

ກົດຟັງສຽງ

ຊາວລາວ ທີ່ແຂວງ ຫລວງພຣະບາງ ຫລາຍຄົນ ຮ່ວມກັບ ພວກລ້ຽງຫມີ ຈາກ ປະເທດ ເພື່ອນບ້ານ ພາກັນລັກ ລ້ຽງຫມີ ໃນທີ່ຄັບແຄບ ຫຼືໃນບ້ານ ຂອງຕົນ ເປັນສ່ວນໃຫຍ່ ເພື່ອເອົາ ນ້ຳບີຫມີ ໄປຂາຍ. ບາງຄົນ ກໍເຮັດເປັນ ຟາມລ້ຽງຫມີ ແບບການຄ້າ ຊື່ງທາງການ ກໍບໍ່ສາມາດ ເຮັດຫຍັງໄດ້. ດັ່ງເຈົ້າຫນ້າທີ່ ຜແນກສັດລ້ຽງ ປະຈໍາແຂວງ ເວົ້າວ່າ:

"ກໍຊີ່ມີຢູ່ ແຕ່ກໍບໍ່ ຮູ້ວ່າຈຸດ ໃດແທ້ ຂະເຈົ້າ ກໍຕິດຕາມ ແຕ່ສ່ວນຫລາຍ ກໍເປັນແບບ ຄອບຄົວ ແລະກໍຟາມ ຢູ່ກໍມີ ຍັງບໍ່ທັນ ຄົບວົງຈອນ ແລະ ກໍເປັນແບບ ຂອງ ບໍຣິສັດ ຫລືວ່າ ຂອງຂະເຈົ້າ ເອົາມາເອງ ອັນນັ້ນ ສ່ວນຕົວ ແລະເຮົາກໍມີ ແຕ່ແຈ້ງ ເຮັດບ່ອນນັ້ນ ແຈ້ງແລ້ວກໍແລ້ວ".

ທ່ານວ່າ ຟາມຫມີ ສ່ວນຫລາຍແລ້ວ ຈະເປັນກົງເຫລັກ ມີພື້ນທີ່ ຂນາດພໍໃຫ້ ຫມີສາມາດ ຫມູນໂຕໄດ້ ເທົ່ານັ້ນ ແລະ ຕ້ອງຢືນຢູ່ ຕຣອດເວລາ. ວິທີລ້ຽງ ແບບນີ້ ເປັນການ ທໍຣະມານ ສັດ ແຕ່ກໍ ເຮັດຫຍັງໄດ້ ເພາະມີ ໃບ ອະນຸຍາດ ຢ່າງຖືກຕ້ອງ. ດັ່ງເຈົ້າຫນ້າທີ່ ຈາກອົງການ ອະນຸຮັກ ສັດປ່າ ເວົ້າວ່າ:

"ເຣື້ອງສັດລ້ຽງ ໃນກົງ ບໍ່ດີ ເພາະສະນັ້ນ ເຮົາຕ້ອງ ເຮັດໃຫ້ມັນ ກວ້າງໆ ຄັນວ່າໃສ່ ກົງຄືກັນກັບ ເຮົາຢູ່ໃນຄຸກ ຄັນວ່າ ມີໂປຣເຈກ ເຮົາກໍບອກ ຂະເຈົ້າວ່າ ຕ້ອງປັບປຸງ ແນວໃດ ເລື້ອງຄອກສັດ ໃຫ້ມັນເໝາະສົມ ກັບສັດທີ່ລ້ຽງ".

ກຸ່ມຄຸ້ມຄອງ ສວັດດີ ພາບສັດລ້ຽງ ໃນລາວ ກ່າວວ່າ ໃນລາວ ໃນປັດຈຸບັນ ມີການລ້ຽງຫມີ ຢູ່ຣະຫວ່າງ 100-200 ໂຕ ແຕ່ຍັງຖືວ່າ ໜ້ອຍກວ່າ ໃນຈີນ ແລະວຽດນາມ ແຕ່ໃນ ອະນາຄົດ ອາດຈະຫລາຍ ກວ່ານີ້ ຖ້າບໍ່ມີ ການປາບປາມ.

ຄໍາເຫັນ (1)
Share

ຜູ້ອ່ານທີ່ບໍ່ອອກຊື່

ສັດປ່າທີ່ໃກ້ສູນພັນບ້ານເຮົາເຂົາບໍ່ໄດ້ເອີ້ນວ່າຫມີແຕ່ເອີ້ນວ່າເຫມືອຍ ຖ້າເບິ່ງຮູບຂ້າງເທິງແລ້ວແມ່ນຄືກັນເລີຍ.ຍ້ອນແນວນີ້ຕິຈຶ່ງຈັບຜູ້ຂາຍແຕ່ເຫນືອຮອດໃຕ້ບໍ່ໄດ້ຈັກເທື່ອ.ພົບເຫັນການຊື້-ຂາຍສັດປ່າໂທແຈ້ງ 412464 ຂະແຫນງປ່າໄມ້ນະຄອນຫລວງວຽງຈັນ ອົງການອະນຸລັກສັດປ່າ WCSຖ້າຍັງມີຂາຍຢູ່ກໍ່ແຈ້ງອົງການນີ້ເລີຍ ASEAN Regional Centre for Biodiversity Conseveration ( ARCBC )

Jan 13, 2012 10:36 AM

ເຕັມຫນ້າ