ແກັສມີພິດຈາກໂຮງງານ ຮົ່ວອອກສູ່ຊຸມຊົນ

ຊາວບ້ານ ເມືອງ ພະລານໄຊ ຜູ້ນື່ງ ໄດ້ເວົ້າຕໍ່ ເອເຊັຽເສຣີ ວ່າຂະເຈົ້າ ຢ້ານກົວ ກັງວົນນໍາ ໂຮງງານ ຂອງໄທ ທີ່ຕັ້ງຢູ່ ເມືອງ ພະລານໄຊ ອາດຜລິດ ສາຣເຄມີ ຫຼືແກັສ ທີ່ມີ ຜົລກະທົບ ຕໍ່ ສີ່ງແວດລ້ອມ ແລະ ຊຸມຊົນ.
ສິດນີ
2012-10-05
Share
F-Savanh-park ເຂດເສຖກິດ ສະເພາະ ແຂວງ ສວັນນະເຂດ ທີ່ທາງການ ຈັດສັນໄວ້ ສະເພາະເຂດ ໂຮງງານ ອຸດສາຫະກັມ ຕ່າງໆ
RFA/Oratai

ຜູ້ສື່ຂ່າວ ເອເຊັຍເສຣີ ໄດ້ຕິດຕໍ່ໄປຍັງ ຜແນກ ຊັພຍາກອນນ້ຳ ແລະ ສິ່ງແວດລ້ອມ ປະຈຳແຂວງ ເພື່ອສອບຖາມ ຣາຍຣະອຽດ ກ່ຽວກັບເຣື້ອງນີ້ ໃນວັນທີ 5 ຕຸລາ ແລະ ເຈົ້າຫນ້າທີ່ ກໍໄດ້ເປີດເຜີຍ ຕໍ່ນັກຂ່າວວ່າ ໂຮງງານດັ່ງກ່າວ ຊື່ວ່າ ລາວມີໄຊ ຊື່ງເປັນ ໂຮງງານຜລິດ ນ້ຳກົດຂອງໄທ ບາງຄັ້ງກໍໄດ້ ປ່ອຍສາຣເຄມີ ປະເພດແກັສພິດ ຈາກ ໂຮງງານ ສົ່ງຜົລກະທົບ ຕໍ່ສິ່ງແວດລ້ອມ ຊຸມຊົນ ແລະ ຜົລຜລິດ ການກະເສດ. ເຈົ້າຫນ້າທີ່ ທ່ານນື່ງກ່າວວ່າ:

"ໂຮງງານ ກ່ຽວກັບນ້ຳກົດ ເຂົາໃຊ້ ສາຣເຄມີ HO2 ໄປແຍກທອງແດງ ຫັ້ນເດ ເວລາເຂົາ ທຳການຜລິດ ແລ້ວມີໄຟຟ້າດັບ ແບບກະທັນຫັນ ມັນເກີດໃຫ້ມີແກັສ ຂອງມັນ ອອກ HO2 ຫັ້ນອອກ ແລ້ວຈະເຮັດໃຫ້ ພືດພັນທັນຍາຫານ ເປັນເຂົ້າບໍ່ ຫລືເປັນຕົນໄມ້ ມັນເຫລືອງລົງ".

ທ່ານກ່າວ ຕໍ່ໄປວ່າ ເຖິງແມ່ນວ່າ ເມື່ອແກັສອອກມາ ທາງໂຮງງານ ຈະສາມາດ ຄວບຄຸມໄດ້ ໃນທັນທີທັນໃດ ກໍຕາມ ແຕ່ແກັສທີ່ຮົ່ວ ອອກໄປນັ້ນ ມີຄວາມ ເຂັ້ມຂົ້ນສູງ ຊື່ງ ຖ້າຫາກ ຄົນຫາຍໃຈເອົາ ແກັສດັ່ງກ່າວ ຈະເປັນອັນຕະຣາຍ ຕໍ່ຮ່າງກາຍໄດ້ ໂດຍສະເພາະ ຣະບົບທາງເດີນ ຫາຍໃຈ. ທ່ານກ່າວເພີ້ມວ່າ:

"ຖ້າວ່າຫາຍໃຈ ເອົານ້ຳກົດຫັ້ນ ຈະເປັນອັນຕະຣາຍ ຄວາມເຂັ້ມຂົ້ນ ຂອງມັນກະວ່າ 98 ຫາ 99 ເປີເຊັນ".

ທີ່ຜ່ານມາ ເຖິງແມ່ນວ່າ ທາງໂຮງງານ ຈະຮັບປາກກັບ ເຈົ້າຫນ້າທີ່ທາງການ ວ່າຈະບໍ່ໃຫ້ເກີດ ບັນຫາ ດັ່ງກ່າວນີ້ ຂື້ນອີກ ແຕ່ຊາວບ້ານ ທີ່ເມືອງ ພະລານໄຊ ຫລາຍຄົນຍັງ ຢ້ານເປັນອັນຕະຣາຍ ທີ່ຈະເກີດຂື້ນຕໍ່ ສຸຂພາບ ຂອງພວກຂະເຈົ້າ ແລະ ຄອບຄົວຢູ່ ໃນອານາຄົດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ