ສະຫະຣັຖໃຫ້ທຶນ ການສຶກສາ

ສະຖານທູຕ ສະຫະຣັຖ ປະຈຳລາວ ປະກາດ ໃຫ້ທືນ ການສຶກສາ ແກ່ ນັກວິຊາການ ລາວ.
ສິດນີ
2012-10-12
ອີແມວລ໌
ຄໍາເຫັນ
Share
ພິມ

ສະຖານ ເອກອັຄຣາຊທູຕ ສະຫະຣັຖ ປະຈຳ ນະຄອນຫລວງ ວຽງຈັນ ໄດ້ປະກາດ ໃຫ້ທຶນ ການສຶກສາ Fullbright ແບບໃຫມ່ ໃນປີ 2013 ສຳລັບ ຂົງເຂດ ອາຊຽນ ໃນພື້ນຖານ ໂຄງການ ການສຶກສາ ຢ້ຽມຢາມ ສະຫະຣັຖ ຂອງ ນັກວິຊາການ ໃນປະເທດ ຂົງເຂດ ອາຊຽນ ຮ່ວມດ້ວຍ ນັກວິຊາການ ລາວ.

ໂຄງການດ່ັງກ່າວ ຈະໃຫ້ທຶນ ການສືກສາ ແກ່ ນັກວິຊາການລາວ ໃນຂແນງຕ່າງໆ ຄນະອາຈານ ສອນ ມະຫາວິທຍາລັຍ ພະນັກງານ ກະຊວງ ຕ່າງປະເທດ ຮ່ວມທັງຈາກ ອົງການ ທີ່ບໍ່ຂື້ນ ກັບຣັຖບານໃນລາວ ແລະ ໃນບັນດາ 10 ປະເທດ ສະມາຊິກອາຊຽນ ເພື່ອໄປສຶກສາ ຄົ້ນຄວ້າ ເປັນເວລາ 3-4 ເດືອນ ທີ່ສະຫະຣັຖ ກ່ຽວກັບ ບັນຫາອາຊຽນ ແລະ ຄວາມສຳພັນ ຣະຫວ່າງ ອາຊຽນ ກັບ ສະຫະຣັຖ.

ການຄັດເລືອກ ຈະຂື້ນກັບ ຄວາມຮູ້ ຄວາມສາມາດ ຂອງຜູ້ສມັກ ແລະ ຄຸນນະພາບ ຄວາມສຳຄັນ ຂອງຂໍ້ສເນີ ຫລື Proposal ໃນໂຄງການທີ່ຜູ້ ສມັກສເນີເຂົ້າໄປ. ທຶນສຳລັບ ການສຶກສາ ແລະຄົ້ນຄວ້າ ໃນສະຫະຣັຖ ຂອງບັນດາ ນັກວິຊາການ ໃນຂົງເຂດ ອາຊຽນ ໃນປີ 2013 ຂອງມູລນິທິ Fullbright ເປັນໂຄງການ ໃຫມ່ ຜູ້ທີ່ຖືກຄັດເລືອກ 1.ຈະໄດ້ຮັບທືນ ການຄົ້ນຄວ້າ ປະມານ ເດືອນລະ 2,500 ຫາ 2,900 ໂດລາ ແລ້ວແຕ່ເມືອງ ທີ່ຂະເຈົ້າຢູ່ 2.ຈະໄດ້ຮັບປີ້ຍົນ ໄປກັບ 3.ຈະໄດ້ຮັບເບັ້ຽລ້ຽງ ເດືອນລະ 9 ຮ້ອຍໂດລາ 4.ຄ່າໃຊ້ຫ້ອງວິຈັຍ ໃນການຄົ້ນຄວ້າ ທີ່ໄດ້ມາຕຖານ ປະມານ 3 ພັນ ໂດລາ ຖ້າຕ້ອງການ ແລະ 5.ສະມາຊິກ ຄອບຄົວ ຜູ້ທີ່ໄປນຳ ຈະບໍ່ຖືກ ອຸດຫນູນ.

ເຕັມຫນ້າ