ຊາວລາວຕໍ່ແຖວ ໄປຊື້ນ້ຳມັນເຊື້ອເພີງ ກ່ອນຂຶ້ນລາຄາ ຄັ້ງໃໝ່

ຊາວລາວຈຳນວນຫຼາຍ ພາກັນຫຼັ່ງໄຫຼໄປຊື້ນ້ຳມັນເຊື້ອເພີງ ຈົນເກີດຄວາມແອອັດ ແລະ ຣົຖຈັກ-ຣົຖໃຫຍ່ ຕ້ອງຕໍ່ແຖວເປັນສາຍຍາວ ພາຍຫຼັງທີ່ຣັຖບານລາວ ປະກາດຂຶ້ນລາຄານ້ຳມັນ ໃນຮອບໃໝ່ ທີ່ມີຜົລທັນທີ ໃນຕອນເຊົ້າ ຂອງວັນທີ 10 ມີນາ 2022 ນີ້ ເຮັດໃຫ້ປ້ຳນ້ຳມັນເຊື້ອເພີງ ຫຼາຍແຫ່ງ, ໂດຍສະເພາະໃນນະຄອນຫຼວງວຽງຈັນ ມີການຕໍ່ແຖວຍາວ ແລະ ບາງປ້ຳ ເຖິງຂັ້ນຕ້ອງຂຽນຄິວ ໃຫ້ລູກຄ້າ ເພື່ອບໍ່ໃຫ້ຖຽງກັນ ຍ້ອນການແຊງຄິວກັນ