ສາມຫົວເມືອງໃຫຍ່ໃນພະມ້າ ປະທ້ວງ ຣັຖປະຫານ

ເນປີດໍ, ປະເທດພະມ້າ ຕໍາຣວດໃຊ້ປືນສີດນໍ້າ ໃສ່ພວກປະທ້ວງ ໃນເມືອງຫຼວງ ຂອງພະມ້າ ເມື່ອອາທິດນຶ່ງຕໍ່ມາ ຫຼັງຈາກ ທີ່ທະຫານ ເຂົ້າຄວບຄຸມ ແລະ ຂັບໄລ່ຣັຖບານ ພົລເຮືອນ ນໍາໂດຍ ອອງ ຊານ ຊູ ຈິ. ຜູ້ເຫັນເຫດການ ບອກກັບ RFA ວ່າ ມີຜູ້ປະທ້ວງຄົນນຶ່ງ ໄດ້ຮັບບາດເຈັບ. ນະຄອນຢ້າງກຸ້ງ, ປະເທດພະມ້າ ຫຼັງຈາກການປະທ້ວງ ຄັ້ງໃຫຍ່ ໃນຊ້ວງສຸດສັປດາ, ຈໍານວນ ຜູ້ປະທ້ວງໃນວັນຈັນ ໄດ້ ເພີ່ມຂຶ້ນ ເປັນຫຼາຍແສນຄົນ ໃນນະຄອນຢ້າງກຸ້ງ ແລະ ຕາມຫົວເມືອງຕ່າງໆ ທົ່ວປະເທດ ພະມ້າ. ຜູ້ປະທ້ວງຮຽກຮ້ອງໃຫ້ປ່ອຍຕົວ ອອງ ຊານ ຊູ ຈິ ຈາກການຄວບຄຸມຕົວ ແລະ ໄດ້ສະແດງຄວາມບໍ່ພໍໃຈ ໃນຣັຖບານທະຫານ ຊຸດໃໝ່ ທີ່ນໍາໂດຍ ຜູ້ບັນຊາການທະຫານ ສູງສຸດ ມິນ ອອງ ຫຼ່າຍ. ມັນດາເລ, ປະເທດພະມ້າ ພັກສັນນິບາດແຫ່ງຊາດ ເພື່ອ ປະຊາທິປະຕັຍ ຂອງ ອອງ ຊານ ຊູ ຈິ ຊນະການເລືອກຕັ້ງ ໃນເດືອນ ພຶສຈິກາ ຢ່າງຂາດລອຍ ແຕ່ຣັຖບານທະຫານ ໄດ້ປະຕິເສດ. ໄດ້ປະກາດ ສະພາວະ ສຸກເສີນ 1 ປີ ແລະ ມີແຜນຈະຈັດ ການເລືອກຕັ້ງໃໝ່.ໃນຂນະທີ່ມີ ຜູ້ປະທ້ວງ ເພີ່ມຂຶ້ນ ທາງການທະຫານ ໄດ້ອອກກົດຫ້າມ ອອກບ້ານ (ເຄິຟິວ) ຕອນກາງຄືນ ໃນບາງ ເມືອງ. ສື່ຂອງທາງການທະຫານ ເຕືອນວ່າ ອາຈມີການດໍາເນີນການ ຕໍ່ຜູ້ປະທ້ວງ.