Sha'ir abdurehim parachning "Wetensiz küy" liri (1)

Muxbirimiz jüme
2019-06-21
Élxet
Pikir
Share
Print
Sha'ir abdurehim parachning 2018-yili türkiyede neshr qildurghan "Wetensiz küy" namliq shé'irlar toplimini.
Sha'ir abdurehim parachning 2018-yili türkiyede neshr qildurghan "Wetensiz küy" namliq shé'irlar toplimini.
Photo: RFA

Abdurehim imin (parach) 1975-yili qeshqer peyziwat nahiyesining qizilboyi yézisida tughulghan.

1995-Yili aliy mektep imtihanidin layaqetlik ötüp, eyni waqittiki qeshqer pédagogika instituti (hazirqi qeshqer uniwérsitéti) ning siyasiy qanun fakultétigha qobul qilin'ghan. U 1997-yili 6-ayning 30 küni (yeni xitay da'iriliri xongkongni ötküzüwalmaqchi bolghan künining harpisi) mekteptin tutqun qilinip, 40 kün qamaqta yatqandin kéyin "Kommunistik hakimiyetke qarshi idiye we herikette bolushqa urun'ghan" dégen jinayet bilen héchqandaq sot qilinmastin üch yilliq késilgen. 

U 2000-yili iyunda türmidin chiqip 2013-yili ana yurtidin ayrilghuche bolghan jeryanda xitay saqchilirining tutqun qilish, ten jazasi we tehditlirige her üch ayda bir qétim uchrap turghan.

Axiri 2013-yili awghustta xitay ölkiliri arqiliq qachaq yollar bilen béshini élip chet'elge chiqip ketken. Abdurehim parach texminen bir yildin kéyin türkiyege yétip kelgen. 

U türkiyege yitip kelgendin kéyin 2015-yilidin 2017-yilighiche istanbulda "Uyghur médiya" qarmiqidiki "Istiqlal" tor téléwiziyiside ishligen. 2017-Yilidin buyan ijtima'iy taratqularda Uyghurlargha munasiwetlik uchur, xewerchilik bilen shughullinip kelmekte. 

Uning ilgiri "Tengritagh" "Tarim", "Kroran" we "Qeshqer edebiyati" qatarliq zhurnallarda 100 parchigha yéqin shé'ir we yazmiliri élan qilin'ghan. 2018-Yili türkiyede "Wetensiz küy" namliq shé'irlar toplimini neshr qildurghan.


Kélidu


Külgine yürek, janan kélidu,

Lebbeyde hörler yan-yan kélidu.

Ériydu qarlar her jilwisidin,

Bulbulung bolghan zaman kélidu.

Tajida hilal yultuz tünigen,

Kök zer libasliq sultan kélidu.

Ötkür jan bergen ishqida ah dep,

Turpan puraqliq ayxan kélidu.

Qandaq süpetley ajiz tilimda,

Janni alghuchi bir jan kélidu.

Wisalda yürek yérilmay tursun,

Toy üstige toy dewran kélidu.

Shunchilik tatliq wisal lezziti,

Qepeste qanxor qawan kélidu.

Siqilghan janlar samada lerzan,

Ölen towliship chuqan kélidu.

Intizarliqning sübhidur ismi,

Zulmetni chaqqan ezan kélidu.

Teyyar turunglar, ey baghri qanlar,

Yüz yil saqlighan méhman kélidu.

Intizar közler ger sorap qalsa,

"Kütken u janan qachan kélidu?".

Éytip qoyunglar jawabim shuki,

Yolda u janan chapsan kélidu.

Toluq bet