Абдушүкүр муһәммәтниң «анамниң әслимилири» намлиқ китаби һәққидә

Мухбиримиз җүмә
2020-02-14
Елхәт
Пикир
Share
Принт
Абдушүкүр муһәммәтниң «анамниң әслимилири» намлиқ китабиниң муқависи.
Абдушүкүр муһәммәтниң «анамниң әслимилири» намлиқ китабиниң муқависи.
Photo: RFA

Муһаҗирәттики уйғурлар һәрхил йоллар билән өз мәдәнийитини сақлап қелиш, өз тарихи вә кәчмишлирини әбәдийләштүрүш йолида китаб-әслимиләрни йезип қалдуруш қатарлиқ тиришчанлиқларни көрсәтмәктә. Шуларниң бири 2018-йили түркийәдә нәшр қилинған «анамниң әслимилири» намлиқ мақалиләр топлимидур.

Топлам шиветсийәдә яшаватқан шаир абдушүкүр муһәммәт қәләмгә алған мақалиләрдин тәркиб тапқан болуп, униңға апторниң өз анисидин айрилиштин ибрәт қара һиҗран туйғулири, явропа тупрақлирида көргән-аңлиғанлири вә бәзи илмий тәтқиқат әмгәклири киргүзүлгән. 

Китаб муәллипи абдушүкүр муһәммәт 1967-йили куча наһийәсиниң кона шәһәр районида туғулған. 2003-Йили шиветсийәгә келип, еғир санаәт кәспидә 3 йил оқуған вә оқуши ахирлашқандин кейин шиветсийәдә олтурақлишип қалған. У шундин кейинму өз иҗадийитини тохтатмай тарихий, сиясий, диний вә әдәбий мақалиләрни йезип «мәрипәт» журнили, «уйғур академийәси мунбири» вә башқа нопузлуқ тор бәтләр арқилиқ оқурмәнләр билән йүз көрүштүрүп кәлди.

Һәр хил сәвәбләр билән ата-анисидин айрилиш, еғир күнләрдә уларниң йенида, сәкратта уларниң бешида болалмаслиқ муһаҗирәттики көпинчә уйғурлар бешидин өткүзүп баққан яки шу қара күнләрниң өз бешиға келип қелишини тәсәввур қилишқиму җүрәт қилалмайдиған қорқунчлуқ туйғуларниң бири. 

«Анамниң әслимилири» намлиқ мақалидә һиҗран дәрдидә бағри қан болған бир мусапир уйғурниң шу хилдики назук туйғулири һәмдә бир аниниң һекайиси арқилиқ дәвримиздики уйғур хәлқи мәҗбурланған зулмәтлик реяллиқ йорутуп берилгән. 

Бүгүнки «әркин тиниқлар» сәһипимизни мәзкур китабқа беғишлаймиз.

Пикирләр (0)
Share
Толуқ бәт