Abdushükür muhemmetning "Anamning eslimiliri" namliq kitabi heqqide

Muxbirimiz jüme
2020-02-14
Share
Anamning-Eslimiliri-Abdushukur-Muhemmet.jpg Abdushükür muhemmetning "Anamning eslimiliri" namliq kitabining muqawisi.
Photo: RFA

Muhajirettiki Uyghurlar herxil yollar bilen öz medeniyitini saqlap qélish, öz tarixi we kechmishlirini ebediyleshtürüsh yolida kitab-eslimilerni yézip qaldurush qatarliq tirishchanliqlarni körsetmekte. Shularning biri 2018-yili türkiyede neshr qilin'ghan "Anamning eslimiliri" namliq maqaliler toplimidur.

Toplam shiwétsiyede yashawatqan sha'ir abdushükür muhemmet qelemge alghan maqalilerdin terkib tapqan bolup, uninggha aptorning öz anisidin ayrilishtin ibret qara hijran tuyghuliri, yawropa tupraqlirida körgen-anglighanliri we bezi ilmiy tetqiqat emgekliri kirgüzülgen. 

Kitab mu'ellipi abdushükür muhemmet 1967-yili kucha nahiyesining kona sheher rayonida tughulghan. 2003-Yili shiwétsiyege kélip, éghir sana'et kespide 3 yil oqughan we oqushi axirlashqandin kéyin shiwétsiyede olturaqliship qalghan. U shundin kéyinmu öz ijadiyitini toxtatmay tarixiy, siyasiy, diniy we edebiy maqalilerni yézip "Meripet" zhurnili, "Uyghur akadémiyesi munbiri" we bashqa nopuzluq tor betler arqiliq oqurmenler bilen yüz körüshtürüp keldi.

Her xil sewebler bilen ata-anisidin ayrilish, éghir künlerde ularning yénida, sekratta ularning béshida bolalmasliq muhajirettiki köpinche Uyghurlar béshidin ötküzüp baqqan yaki shu qara künlerning öz béshigha kélip qélishini tesewwur qilishqimu jür'et qilalmaydighan qorqunchluq tuyghularning biri. 

"Anamning eslimiliri" namliq maqalide hijran derdide baghri qan bolghan bir musapir Uyghurning shu xildiki nazuk tuyghuliri hemde bir anining hékayisi arqiliq dewrimizdiki Uyghur xelqi mejburlan'ghan zulmetlik réyalliq yorutup bérilgen. 

Bügünki "Erkin tiniqlar" sehipimizni mezkur kitabqa béghishlaymiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.