Balilar yazghuchisi awut mesimof

Muxbirimiz jüme
2020-11-20
Share
Yazghuchi-we-jornalist-awut-mesimof-thumb.jpg Balilar yazghuchisi awut mesimof ependi. 2020-Yili 11-aprél, qazaqistan.
RFA/Oyghan

Balilar yazghuchisi awut mesimof 1953-yili almuta wilayiti chélek, yeni hazirqi emgekchiqazaq nahiyesining qaraturuq yézisida ishchilar a'iliside dunyagha kelgen.

U hazirqi awut sattarof namidiki ottura mektepni 1970-yili tamamlighandin kéyin, herbiy septe xizmet qilghan. Awut mesimof ilgir-kéyin bolup, rusiyening sankit-pétérburg shehiridiki neshriyat-basmixana téxnikomi, kirof namidiki qazaq dölet uniwérsitétining axbaratchiliq fakultétlirida élim tehsil qilghan.

Awut mesimof 1976-yilidin buyan "Uyghur awazi" gézitide korréktora "Arzu" zhurnilida jawabkar katip qatarliq wezipilerde bolghan we 2007-yili qazaqistan yazghuchilar ittipaqining ezaliqigha qobul qilin'ghan. U. 2013-Yil jumhuriyetlik "Asiya bügün" musteqil gézitige bash muherrir bolup ishqa orunliship, ta dem élishqa chiqquche, yeni, 2016-yilghiche Uyghur metbu'atida emgek qilghan.

Awut mesimof axbaratchiliq sahesidimu köp emgek qilip, netijide 1988-yili qazaqistan axbaratchilar ittipaqining ezaliqigha qobul qilin'ghan. U shu jeryanda yene "Intizar", "Yash ewlad", "Meripet", "Xush keypiyat" qatarliq zhurnal-gézitlerde bash muherrirlik wezipisini atquzghan. U shundaqla 2012-yildin tartip yoruq körüshke bashlighan "Ghunche" balilar zhurniliningmu bash muherriri bolup ishligen.

Awut mesimof ijadiyet ishlirini izchil dawamlashturup, balilar hayatigha béghishlan'ghan "Dastixan" we "Hepte we on ikki ay" powéstliri, "Belgiler beslishishi", "Barmaqlar oyuni" qatarliq süretlik kitabchiliri, shundaqla "Aghmixan" zamaniwi chöchekler toplamlirini neshr qildurghan.

Yazghuchining 2008-yili yoruq körgen "Besh kün bosh, ikki kün dem élish" namliq kitabi 2013-yili sana'etchiler, tijaretchiler we yéza igiliki xadimliri birleshmisining "Ilham" mukapatigha sazawer bolghan.

Awut mesimofning 2013-yili ösmürler üchün yazghan "Aq bulut" toplim, i 2019-yili "Zéhningni sinap kör" shé'irlar toplimi we "Sirliq xet" powésti yoruq körgen bolsa, 2020-yili "Qaraturuq-uluq jay, bilseng" namliq kitabliri neshr qilin'ghan.

Yazghuchi awut mesimofning eserliri bashqa tillarghimu terjime qilin'ghan. Jümlidin 2010-yili uning bir türküm hékayiliri "Litératurniy qazaqistan" zhurnilida rus tilida, 2012-yili "Zhüldiz" zhurnilida "Xet siri" powésti, 2016-yili "Jas örkén" zhurnilida balilargha béghishlan'ghan hékayiliri qazaq tilida yoruq kördi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet