"Kéche" : shiwétsiyede yoruq körgen tunji Uyghurche shé'irlar toplimi

Muxbirimiz jüme
2019-11-15
Élxet
Pikir
Share
Print
Shiwétsiyede Uyghur we shiwét tilida parallél neshr qilin'ghan "Kéche" namliq shé'irlar toplimining muqawisi. 2019-Yili. Sitokholm, shiwétsiye.
Shiwétsiyede Uyghur we shiwét tilida parallél neshr qilin'ghan "Kéche" namliq shé'irlar toplimining muqawisi. 2019-Yili. Sitokholm, shiwétsiye.
RFA/Jume

Bügünki sehipimiz yéqinda shiwétsiyede neshridin chiqqan "Kéche" namliq Uyghurche we shwétche shé'irlar toplimi hemde mezkur toplamni tarqitish murasimidiki hayajanliq minutlar heqqide bolidu. Belki bu xush xewer radiyo anglighuchilirimizning zimistan we Uyghur weziyiti heqqidiki mudhish xewerlerdin muzlighan qelblirige azraq bolsimu illiqliq ata qilalisa ejeb emes.

Mezkur toplamning royapqa chiqishigha bash bolup emgek singdürgen shiwétsiyediki Uyghur sha'iri abdushükür muhemmetning éytishiche, xitayda Uyghur yazghuchi-sha'irliri türmilerge tashlinip, Uyghur tili mesilisiz derijide ziyankeshlikke uchrawatqan ushbu minutlarda ilgiri xitayning ziyankeshlikige uchrighan, xitay türmiliride azab chekken we nöwette türmide yétiwatqan Uyghur sha'irlirining eserliri asasliq salmaqni igileydighan bu toplamning shwét we Uyghur tilida neshr qilinishi intayin muhim ehmiyetke ige iken.

Murasim 12-öktebir stokholm shehiride ötküzülgen bolup, murasimda chimen'gül awut qatarliq kitabqa eserliri kirgüzülgen Uyghur sha'irlirining bir qisim shirliri shwét we Uyghur tilida oqulghan, Uyghurlar heqqide melumatlar bérilgen. 

Kitabni shiwétsiyediki "Narin" neshriyati neshr qilghan bolup, bu, Uyghur sh'éirlirining tunji qétim shwét tilida neshr qilinishi bolup hésablinidiken. 

Bu heqte toxtalghan abdushükür muhemmet bundaq toplamlarning yawropaning bashqa elliridimu neshr qilinishini ümid qilidighanliqini éytti. 

"Narin" neshriyatining bashliqi larsh narin ependim milyonlighan Uyghurlar lagérlargha bend qilin'ghan bügünki künde bu kitab arqiliq Uyghurlarning béshigha kelgen külpetlerni shiwétsiyediki her sahe zatlirigha bildürüshni meqset qilghanliqini éytti. 

U mundaq dédi: "Bir yildek waqit ilgiri bir muhakime yighinigha qatnashtim. Yighinda sözlen'gen témilarning biri Uyghur sha'irlar we Uyghur shé'iriyiti heqqide iken. Shu chaghda némishqa bularni toplep bir shé'irlar toplimi chiqarmaymiz dégen oyghan keldim. Mana bir yildin kéyin bu kitabni neshr qilishqa muweppeq bolduq. Bextke qarshi bu sha'irlarning bir qismi atalmish' qayta terbiyelesh lagérliri' gha qamiliptu. Ularning teqdiridin xewersizmiz. Shu seweblerdin bu kitab neshr qilindi. Bu kitab shwét siyasiyonlargha, chérkaw rehberlirige ewetildi. Bundaq qilishimizdiki meqset ularni Uyghur weziyiti heqqide melumat bilen teminlesh. Men buning ijabiy netije bérishini ümid qilimen."

Uyghur sha'irlarning shé'irliri ilgiri, amérika we yaponiye qatarliq ellerde terjime qilip neshri qilin'ghan idi.

Toluq bet