Долқун әйса: хитайниң учур вастилири арқилиқ уйғур тарихини бурмилимақчи болған йеңи тәдбириму ақмайду

Хитай икки күндин буян франсийә, әнглийә, венгрийә, америка, канада, японийә, австралийә, филиппин, тайланд қатарлиқ дөләтләрдики хитайчә учур вастилириниң кәспи хадимлирини бейҗиңға топлап, "мәркизи сотсиялизм институти" дегән мәктәптә тәрбийиләватиду.
Мухбиримиз вәли
2010.08.30
Share on WhatsApp
Share on WhatsApp
Dolqun-eysa-305 Д у қ ниң баш секретари долқун әйса әпәндимниң германийидики намайишлардин биридә сөз қиливатқан көрүнүшлиридин бири.
RFA Photo

Хитай бу мәктәптә тәрбийилигән ахбаратчиларни уйғур, тибәт тарихини тәтқиқ қилип, мақалә йезип дуняға көрситиш үчүн үрүмчи, қәшқәр, ақсу қатарлиқ җайларға әвәтидикән. Дуня уйғур қурултийиниң баш катиби долқун әйса мулаһизисидә, хитайниң әмди учур вастилири арқилиқ уйғур тарихини бурмилимақчи болған йеңи тәдбириму ақмайду, дәп көрсәтти.

 Шинхуа агентлиқи бүгүн бәргән хәвәрдин қариғанда, хитай һөкүмити икки күндин буян франсийидики 'явропа вақит гезити', әнглийидики 'лондон вақит гезити', венгрийидики 'мастеркарт учур агентлиқи', америкидики, канададики, японийидики 'муһаҗирлар гезити', авистиралийидики 'көчмән әйники', филиппин, тайландлардики 'дуня гезити' қатарлиқ хитайчә учур вастилириниң кәспи хадимлирини бейҗиңға топлап тәрбийиләватиду, уларға мәркизи сотсиялизм институти дегән мәктәпниң коммунист партийә секретари дәрс өтүватиду.

Хәвәрдә ейтилишичә, хитай бу мәктәптә тәрбийилигән ахбаратчиларни уйғур, тибәт тарихи вә мәдәнийитини тәтқиқ қилип, мақалә йезип дуняға тәшвиқ қилиш үчүн үрүмчи, қәшқәр, ақсу қатарлиқ җайларға әвәтидикән.

Дуня уйғур қурултийиниң баш катиби долқун әйсаниң қаришичә, хитайниң әмди учур вастилиригә мақалә язғузуп уйғур тарихини вә мәдәнийитини дуняға тонуштурмақчи болғанлиқи, буниңдин бурун 'террорчи' дәп тонуштуруш тәдбирлири ақмиғандин кейин қолланмақчи болған йеңи тәдбири.

Долқун әйсаниң тәһлил қилишичә, шәрқи түркистандики зиддийәтләр вә аққан қанлар хитайниң 'шинҗаң әзәлдин хитайниң земини' дегән тәшвиқатлирини мәғлуп қилди. Уйғур мәсилиси дуня сәһнисигә чиққандин кейин, хитай әмди дунядики җамаәт пикрини тосаш үчүн, чәтәлләрдики хитайчә учур васитилиридин пайдиланмақчи болуватиду.

Долқун әйсаниң қаришичә, хитай һазир уйғур мәсилисидә, чәтәлләрдики хитайчә учур васитилиридин пайдиланмақчи болған бу йеңи тактикиму ақмайду.

Дуня уйғур қурултийиниң баш катиби долқун әйса вәтән ичидики вә чәтәлләрдики һәрбир уйғурдин, хитайниң бу йеңи тактикисиға әстайидиллиқ билән муамилә қилишни тәләп қилди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт