Doktor erkin ekrem: türkiye, rusiye we iranning hemkarliqi Uyghurlargha selbiy tesir körsitidu

Muxbirimiz erkin
2016-12-26
Share
erkin-ekrem-qerindashliq-uchrishish.jpg Doktor erkin ekrem 6-nöwetlik dunya sherqiy türkistanliqlar qérindashliq uchrishish yighinda söz qildi. 2014-Yili 5-awghust, istanbul.
RFA/Arslan

Türkiyening yéqinqi bir qanche yilliq süriye siyasiti öktichilerni qorallandurup, esed hökümitini aghdurup tashlash asasigha qurulghan idi. Lékin türk hökümiti ötken hepte rusiye, iran bilen moskwada ortaq bayanat élan qilip, iran we rusiye bilen süriyediki térrorluq küchlerge qarshi hemkarlishidighanliqini élan qildi.

Bu 3 dölet tashqi ishlar ministirlirining élan qilghan ortaq bayanatida, el-nusra da'ésh bilen birdek yoqitilidighan térrorluq guruh déyilgen. Bu türkiyening el-nusrani tunji qétim ashkara térrorluq guruh, dep qobul qilishidur. Ortaq bayanatta yene, bu 3 döletning es'ed hökümiti bilen qanunluq öktichi guruhlar otturisida imzalinidighan kélishimlerde kapaletchilik rolini üstige alidighanliqi qeyt qilin'ghan.

Analizchilarning ilgiri sürüshiche, bu türkiyening süriye siyasitide 180 gradusluq burulush bolghanliqini körsitidu. Türkiye néme üchün özining süriye siyasitini özgertishke mejbur boldi? uning siyasitidiki özgirish Uyghurlargha qandaq tesir körsitidu?

Biz bügün türkiye hajitepe uniwérsitétining dotsénti, türkiye istratégiyilik chüshenchiler institutining tetqiqatchisi doktor erkin ekremni ziyaret qilip, uning bilen bu mesililer heqqide söhbet élip barduq.

Yuqiridiki ulinishtin, muxbirimiz erkinning erkin ekrem bilen ötküzgen söhbitining tepsiliy mezmunini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet