Pakistandiki xitay muhajirlar jem'iyitining mes'uli Uyghurlargha téléfon tarqatqan

Igilishimizche, yéqinda pakistan rawalpindi shehiridiki xitay muhajirlar jem'iyitining mes'ulliridin biri abdurehim bir qisim Uyghur yashlirini öyige méhmandarchiliqqa chaqirip, ulargha qol téléfon we bashqa sowghatlarni teqdim qilghan.

Bizge bu heqte inkas yetküzgen pakistandiki Uyghurlarning bildürüshiche, rawalpindi shehiridiki bir qisim yashlar özlükidin teshkillinip Uyghur ana tilidin, islami bilimlerdin telim alidighan “Uyghur islam medeniyet merkizi” qurushni pilanlawatqan bir waqitta, xitay muhajirlar jem'iyitining aktip rehbiri abdurehim bir qisim Uyghur yashlirigha öyide dastixan sélip, ularning xitaygha qarshi bolghan teshkilatlargha qatnashmasliqini we özi üchün yaxshi xizmet qilishini telep qilghan.

Mezkur pa'aliyettin xewerdar bolghan pakistandiki musteqil kishilik hoquq pa'aliyetchisi abduqeyyum téléfon ziyaritimizni qobul qilip bu heqte toxtaldi.

Pakistandiki nam ‏- sheripini ashkarilashni xalimighan bir Uyghur téléfon ziyaritimizni qobul qilip bizning bu heqtiki so'allirimizgha jawab berdi.

Rawalpindi shehiride olturushluq Uyghur tijaretchi turghunjan mezkur pa'aliyettin özining xewerdarliqini bildürüp bu heqte biz bilen söhbetleshti.

Kishilik hoquq pa'aliyetchisi abduqéyumning éytishiche, xitay muhajirlar jem'iyitining mes'uli abdurehim méhmandarchiliqta yene Uyghur yashlirigha tehdit salghan.

Biz axirida rawalpindi xitay muhajirlar jem'iyitining mes'uli abdurehimge téléfon qilip, bu heqte uchur igilimekchi bolghan bolsaqmu, biraq abdurehim téléfonimizni qobul qilmidi.

Yuqiriqi ulinishtin tepsilatini anglang.