Uyghur pa'aliyetchi: Uyghurlargha musteqilliqtin bashqa chiqish yoli qalmidi

Yéqinqi yillardin buyan Uyghur élide yüz bériwatqan qarshiliq heriketliri heqqide toxtalghan gérmaniyediki Uyghur pa'aliyetchi ablimit tursun, bularning hemmisining Uyghur musteqilliq herikitining bir qisini ikenlikini bildürdi.

U yene, xitay hökümiti bu heriketlerni atalmish “Térrorluq jinayiti” bilen qarilap teshwiq qiliwatqan mezgilde, dunya jama'etchilikige bularning toghra yüzni körsitish üchün muhajirettiki Uyghurlarning hesse qoshushi lazimliqini tekitlidi.

Ablimit tursun söhbet damida, xitayning démokratiyelishishini tame qilip yashawatqan bir qisim Uyghur pa'aliyetchilerge xitab qilip, xitay hökümitining herxil aldash we qattiq jazalash charlirini ishqa sélip Uyghurlarni teltöküs assimilyatsiye qilish suyiqestide boluwatqanliqini, shundaq iken Uyghurlargha musteqilliqtin bashqa chiqish yoli qalmighanliqini éytti.